ନୂଆଦିଲ୍ଲୀ ୨୫/ ୦୬ : ବିଶ୍ବ ଟେଷ୍ଟ ଚାମ୍ପିୟନସିପର ବିଜୟ ମୂକୁଟ ପିନ୍ଧିଛି ନ୍ୟୁଜିଲାଣ୍ଡ । ଭାରତକୁ ୮ ଓ୍ବିକେଟରେ ପରାସ୍ତ କରି ଏହି ଐତିହାସିକ ସଫଳତା ହାସଲ କରିଛି କିଓ୍ବି ଦଳ । ଏହି ବହୁ ପ୍ରତିକ୍ଷିତ ବିଜୟ ପରେ ନ୍ୟୁଜିଲାଣ୍ଡକୁ ୧୬ ଲକ୍ଷ ଡଲାର (ଭାରତୀୟ ମୁଦ୍ରାରେ ୧୧.୮୭ କୋଟି ଟଙ୍କା) ମିଳିଛି । ଏହା ସହିତ ବିଶ୍ବ ଟେଷ୍ଟ ଚାମ୍ପିୟନସିପରେ ଭାଗ ନେଇଥିଲା ୯ଟି ଯାକ ଟିମକୁ ପୁରସ୍କାର ଦେଇଛି ICC ।
ବିଶ୍ବ ଟେଷ୍ଟ ଚାମ୍ପିୟନସିପ ଫାଇନାଲର ରନର୍ସଅପ୍ ଭାରତକୁ ୮ ଲକ୍ଷ ଡଲାର (ଭାରତୀୟ ମୁଦ୍ରାରେ ୫.୯୩ କୋଟି ଟଙ୍କା) ମିଳିଛି । ବିଶ୍ବ ଟେଷ୍ଟ ରାଙ୍କିଙ୍ଗରେ ବର୍ତ୍ତମାନ ଦ୍ବିତୀୟ ସ୍ଥାନରେ ରହିଛି ଭାରତ । ୧୨୬ ପଏଣ୍ଟ ସହିତ ପ୍ରଥମ ସ୍ଥାନରେ ରହିଛି ବିଶ୍ବ ବିଜେତା ନ୍ୟୁଜିଲାଣ୍ଡ । ତୃତୀୟ ସ୍ଥାନରେ ଥିବା ଅେଷ୍ଟ୍ରଲିଆକୁ ୪.୫୦ ଲକ୍ଷ ଡଲାର (୩.୩ କୋଟି) ଟଙ୍କା ମିଳିଥିବା ବେଳେ ଚତୁର୍ଥ ସ୍ଥାନରେ ଥିବା ଇଂଲଣ୍ଡକୁ ମିଳିଛି ୩.୫୦ ଲକ୍ଷ ଡଲାର (୨.୬ କୋଟି) । ସେହିପରି ପଞ୍ଚମ ସ୍ଥାନରେ ଥିବା ଦକ୍ଷିଣ ଆଫ୍ରିକା ୨ଲକ୍ଷ ଡଲାର (୧.୪୫ କୋଟି) ମିଳିଥିବା ବେଳେ ଷଷ୍ଠ ସ୍ଥାନରେ ଥିବା ପାକିସ୍ତାନ, ସପ୍ତମରେ ଥିବା ଶ୍ରୀଲଙ୍କା, ଅଷ୍ଟମ ସ୍ଥାନରେ ଥିବା ଓ୍ବେଷ୍ଟଇଣ୍ଡିଜ୍ ଏବଂ ନବମ ସ୍ଥାନରେ ଥିବା ବାଂଲାଦେଶକୁ ୧ ଲକ୍ଷ ଡଲାର (୭୪ଲକ୍ଷ) ଲେଖାଏଁ ପ୍ରଦାନ କରିଛି ଆନ୍ତର୍ଜାତିୟ କ୍ରିକେଟ କାଉନସିଲ ।