କୋହଲି ହେଲେ ଆଇସିସି କ୍ରିକେଟିୟର ଅଫ ଦି ଇୟର ; ଦିନିକିଆ ଏବଂ ଟେଷ୍ଟ ମ୍ୟାଚ ଅଧିନାୟକ ଭାବେ ଚୟନ

Published By : Prameya-News7 Bureau | January 22, 2019 IST

ଦିଲ୍ଲୀ ୨୨/୧ : ଅନ୍ତର୍ଜାତୀୟ କ୍ରିକେଟ ପରିଷଦ ବା ଆଇସିସି ୨୦୧୮-୧୯ ପାଇଁ ପୁରସ୍କାର ଘୋଷଣା କରିଛନ୍ତି | ବିରାଟ କୋହଲିଙ୍କୁ ମେନ୍ସ କ୍ରିକେଟିୟର ଅଫ ଦି ଇୟର ପାଇଁ ସାର ଗାରଫିଲ୍ଡ ରୋବର୍ସ ଆୱାର୍ଡ ମିଳିଛି | ବିରାଟଙ୍କୁ ପ୍ରଥମଥର ପାଇଁ ଟେଷ୍ଟ କ୍ରୀକେଟିୟର ଅଫ ଦି ଇୟର ମନୋନୀତ କରାଯାଇଛି | ଲଗାତାର ଦ୍ୱିତୀୟ ବର୍ଷରେ ବିରାଟ ଦିନିକିଆ କ୍ରିକେଟ ପାଇଁ କ୍ରିକେଟିୟର ଅଫ ଦି ଇୟର ଘୋଷିତ ହୋଇଛନ୍ତି | ଆଇସିସିର ୩ଟି ବ୍ୟକ୍ତିଗତ ଆୱାର୍ଡ ଜିତିବାରେ ବିରାଟ ପ୍ରଥମ | ତାଙ୍କୁ ଆଇସିସିର ଦିନିକିଆ ଏବଂ ଟେଷ୍ଟର ଅଧିନାୟକ ଭାବେ ଚୟନ କରାଯାଇଛି |

{"id":76903}

ଆୱାର୍ଡ ପାଇଁ କୋହଲିଙ୍କ ନାଁ ଘୋଷଣା ପରେ ସେ କହିଥିଲେ ଯେ, ଏହା କ୍ୟାଲେଣ୍ଡର ଇୟରରେ କରାଯାଇଥିବା ପରିଶ୍ରମର ଫଳ | ଆଇସିସି ତରଫରୁ ବିଶ୍ୱ ସ୍ଥରରେ ଏକ ପରିଚୟ ମିଳିବ ବହୁତ ବଡ କଥା | ଏହି ପରିଚୟ ଏକ ଗର୍ବର ବିଷୟ ବୋଲି କୋହଲି କହିଥିଲେ | ଏହାସହ ଏହି ପୁରସ୍କାର ପାଇଁ ସେ ଗର୍ବିତ ବୋଲି ମଧ୍ୟ କହିଥିଲେ | କାରଣ ଏହି ଖେଳରେ ଅନେକ ଖେଳାଳି ଭାଗ ନେଉଛନ୍ତି | ଆଉ ଏଥିରୁ ପୁରୁଣା ପ୍ରଦର୍ଶନକୁ ଦୋହରାଇବା ପାଇଁ ପ୍ରେରଣା ମିଳିଥାଏ ବୋଲି କୋହଲି କହିଥିଲେ |

{"id":76904}

କୋହଲି ଏବଂ ଯଶପ୍ରୀତ ବୁମରାହଙ୍କୁ ଉଭୟ ଦିନିକିଆ ଏବଂ ଟେଷ୍ଟ ମ୍ୟାଚ ପାଇଁ ଚୟନ କରାଯାଇଛି | ଋଷଭ ପଂଥଙ୍କୁ ଉଇକେଟ କିପର ଭାବେ ଟେଷ୍ଟ ଦଳରେ ସାମିଲ କରାଯାଇଛି | ଏହାସହ ଋଷଭଙ୍କୁ ଆଇସିସି ମେନ୍ସ ଏମରଜିଙ୍ଗ କ୍ରୀକେଟିୟର ଅଫ ଦି ଇୟରର ଆୱାର୍ଡ ମଧ୍ୟ ମିଳିଛି | ଓପନର ରୋହିତ ଶର୍ମା ଏବଂ କୁଲଦୀପ ଯାଦବଙ୍କୁ ଦିନିକିଆ ଦଳରେ ଚୟନ କରାଯାଇଛି |

{"id":76905}