ନୂଆଦିଲ୍ଲୀ: ପିଲାଙ୍କ ମୋବାଇଲ ଖେଳ ବାପା-ମାଆଙ୍କ ପାଇଁ କାଳ ହେବାରେ ଲାଗିଛି । ଏପରି ଏକ ମାମଲା ହାଇଦ୍ରାବାଦରୁ ସାମନାକୁ ଆସିଛି । ଏଠାରେ ଜଣେ ୧୬ ବର୍ଷର ନାବାଳକ ମୋବାଇଲରେ ଅନଲାଇନ ଗେମ୍ ଖେଳି ନିଜ ମାଆଙ୍କ ୩୬ ଟଙ୍କା ଖର୍ଚ୍ଚ ଉଡାଇ ଦେଇଛି । ଘଟଣାଟି ହାଇଦ୍ରାବାଦର ଅମ୍ୱରପେଟ୍ ଅଞ୍ଚଳରେ ଘଟିଛି । ସୂଚନା ଅନୁସାରେ ନାବାଳକ ଜଣକ ଅନଲାଇନ ଗେମ ଖେଳୁଥିଲା । ଖେଳ ଜାରି ରଖିବା ପାଇଁ କିଛି ଟଙ୍କା ଦେବାକୁ ପଡ଼ୁଥିଲା । ଏପରି କରି କରି ନାବାଳକ ନିଜ ମାଆଙ୍କ ପୂରା ସଂଚୟକୁ ଉଡାଇ ଦେଇଛି ।

ଖବର ଅନୁସାରେ, ନାବାଳକ ଜଣକ ପ୍ରଥମେ ନିଜ ଜେଜେ ବାପାଙ୍କ ମୋବାଇଲରେ ଫ୍ରି ଫାୟାର ଗେମ ଆପ୍ ଡାଉନଲୋଡ୍ କରିଥିଲା । ଏହା ଏକ ଫ୍ରି ଗେମ୍, କିନ୍ତୁ ଖେଳରେ ଆଗକୁ ବଢିବା ପରେ ନାବାଳକ ଜଣକ ଟଙ୍କା ଖର୍ଚ୍ଚ କରିବାକୁ ଲାଗିଥିଲା । ପ୍ରଥମେ ନିଜ ମାଆଙ୍କ ଆକାଉଣ୍ଟରୁ ୧୫୦୦ ଏବଂ ପରେ ୧୦ ହଜାର ଟଙ୍କା ଖର୍ଚ୍ଚ କରିଥିଲା । ଟଙ୍କା ଖର୍ଚ୍ଚ କରିବା ସହ ଖେଳରେ ଅଧିକ ସ୍କିଲ୍ ଏବଂ ଅସ୍ତ୍ର ଯୋଡିଥିଲା । ଏପରି ଭାବେ ସେ ପୂରା ଅଭ୍ୟସ୍ତ ହୋଇଯାଇଥିଲା । ପରେ ଘର ଲୋକଙ୍କୁ ନଜଣାଇ ଏଥିରେ ଅଧିକ ଖର୍ଚ୍ଚ କରିବାକୁ ଲାଗିଥିଲା । ସ୍ଥିତି ଉପରେ ହୋଇଥିଲା ଯେ ନାବାଳକ ଜଣକ ୧.୪୫ ଲକ୍ଷରୁ ଆରମ୍ଭ କରି ୨ ଲକ୍ଷ ଟଙ୍କା ଯାଏ ଫ୍ରି ଫାୟରା ଗେମରେ ଖର୍ଚ୍ଚ କରିଥିଲା ।

ପଢନ୍ତୁ: ଗ୍ରାହକଙ୍କୁ ଆଶ୍ୱସ୍ତି, ୨୫୦୦ ଟଙ୍କା ଶସ୍ତା ହୋଇଗଲା ସୁନା

ଦିନେ ଟଙ୍କା ଆବଶ୍ୟକ ପଡ଼ିବାକୁ ନାବାଳକର ମାଆ ବ୍ୟାଙ୍କ ପହଞ୍ଚିଥିଲେ । ତେବେ ଆକାଉଣ୍ଟରେ ଟଙ୍କା ନଥିବା ଶୁଣି ଚକିତ ହୋଇଥିଲେ । ବ୍ୟାଙ୍କ ଅଧିକାରୀମାନେ କହିଥିଲେ ଯେ ତାଙ୍କ ଆକାଉଣ୍ଟରୁ ପ୍ରାୟ ୨୭ ଲକ୍ଷ ଟଙ୍କା ଖର୍ଚ୍ଚ କରାଯାଇଛି । ଏହାସହ ଅନ୍ୟ ଏକ ଆକାଉଣ୍ଟରୁ ମଧ୍ୟ ପେମେଣ୍ଟ କରାଯାଇଛି । ଏହାପରେ ମହିଳା ଜଣଙ୍କ ଜାଣିବାକୁ ପାଇଥିଲେ ଯେ ତାଙ୍କର ଏଚଡିଏଫସି ବ୍ୟାଙ୍କ ଆକାଉଣ୍ଟରୁ ୯ ଲକ୍ଷ ଟଙ୍କା ଖର୍ଚ୍ଚ କରାଯାଇଛି । ଏପରି ମୋଟ ୩୬ ଲକ୍ଷ ଟଙ୍କା ଉଡାଯାଇଛି । ଏହା ଜାଣିବା ପରେ ମହିଳା ଜଣଙ୍କ ସାଇବର ପୋଲିସ ଥାନା ଅଭିଯୋଗ କରିଛନ୍ତି । ନାବାଳକର ବାପା ପୋଲିସ ଥିଲେ, ଯାହାଙ୍କ ମୃତ୍ୟୁ ହୋଇସାରିଛି । ମହିଳା ଜଣଙ୍କ କହିଛନ୍ତି ଯେ ସ୍ୱାମୀଙ୍କ ମୃତ୍ୟୁ ପରେ ମିଳିଥିବା ଆର୍ଥିକ ସହାୟତା ରାଶି ମଧ୍ୟ ଏଥିରେ ଥିଲା ।

Also Read:ଅନଲାଇନ ମନି ଗେମ୍ସ ଉପରେ ରହିବ ନଜର, ଅଭ୍ୟାସରେ ପରିଣତକୁ ନେଇ ଚିନ୍ତାରେ ସରକାର