ଇନ୍ଦୋର ୦୮।୦୬: ସ୍ତ୍ରୀକୁ ଛୁରୀ ଭୁସିଲା ସ୍ବାମୀ । ବିବାହର ମାତ୍ର ୧୭ ଦିନରେ ସ୍ତ୍ରୀକୁ ହତ୍ୟା କଲା ଅଭିଯୁକ୍ତ । ମଧ୍ୟପ୍ରଦେଶ ଇନ୍ଦୋର ଜିଲ୍ଲାର ଧାର  ନାକାରେ ଘଟିଛି ଏହି ଘଟଣା । ଏଠାରେ ରହୁଥିବା ବିକ୍ରମ (ବିକି) ଏବଂ ଅଞ୍ଜଳିଙ୍କୁ ୨୧ ମଇ ୨୦୨୩ କରିଥିଲେ ବିବାହ । କିନ୍ତୁ ବିବାହର ମାତ୍ର ୧୭ ଦନ ପରେ ଅର୍ଥାତ୍ ଜୁନ୍ ୭ରେ ବିକି ଅଞ୍ଜଳିଙ୍କୁ ଅତି ନିର୍ମମ ଭାବେ ହତ୍ୟା କରିଥିଲା ।  ଏମିତିକି ଅଭିଯୁକ୍ତ ବିକିର ହାତରେ ମଧ୍ୟ ଲାଗିଛି ଆଘାତ । ସେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।

ବାସ୍ତବରେ  ଇନ୍ଦୋର ନିକଟସ୍ଥ ଧାରା ନାକା ମୋହୋରେ ରହୁଥିବା ବିକି ତାଙ୍କ ପତ୍ନୀ ଅଞ୍ଜଳିଙ୍କୁ ଛୁରୀରେ ହତ୍ୟା କରିଥିଲେ। ସେ ଅଞ୍ଜଳିଙ୍କ ଶରୀରକୁ ୧୦ ଥର ଛୁରୀ ଭୁସିଛନ୍ତି । ଯେତେବେଳେ ବିକିଙ୍କ ପରିବାର ସଦସ୍ୟ ଅଞ୍ଜଳିଙ୍କ ଚିତ୍କାର ଶୁଣି ରୁମ ଆଡକୁ ଯିବାରୁ ଦେଖିଲେ ଯେ ଅଞ୍ଜଳି ରକ୍ତ ଜୁଡୁବୁଡୁ ହୋଇ ତଳେ ପଡିଛନ୍ତି ।  ଏହାସହିତ ବିକି ମଧ୍ୟ ଆହତ ଅବସ୍ଥାରେ ଥିଲେ । ଉଭୟଙ୍କୁ ତୁରନ୍ତ ଚିକିତ୍ସା ପାଇଁ ଡାକ୍ତରଖାନା ନିଆଯାଇଥିଲା । କିନ୍ତୁ ସେଠାରେ ଅଞ୍ଜଳିଙ୍କୁ ମୃତ ଘୋଷଣା କରିଥିଲେ ଡାକ୍ତର ।

You Can Read:

ଖବର ପାଇ ମେଡିକାଲରେ ପହଞ୍ଚିଥିଲା ପୋଲିସ । ଆଉ  ଯାଞ୍ଚ କରିବା ପରେ ପୋଷ୍ଟମର୍ଟମ ପାଇଁ ପଠାଇଛନ୍ତି ମୃତଦେହ । ବିକି ପିଥମପୁରର ଏକ କାରଖାନାରେ କାମ କରନ୍ତି । ୨୧ ମଇକୁ ଧୁମଧାମରେ ହୋଇଥିଲା ଉଭୟଙ୍କ ବିବାହ । କୁହାଯାଉଛି କି ବିକିଙ୍କ ବିବାହ ତାଙ୍କ ଇଚ୍ଛା ବିରୁଦ୍ଧରେ ହୋଇଥିଲା । ସେ ଅଞ୍ଜଳିଙ୍କୁ ବିବାହ କରିବାକୁ ଚାହୁଁନଥିଲେ ।

You Can Read: