ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇବା ଘଟଣା : ଅପଲୋଡ ଭିଡିଓ ଡିଲିଟ୍‌ କଲେ ୟୁଟ୍ୟୁବର, ଆଉ ହାତଯୋଡି କ୍ଷମା ବି ମାଗିଲେ…
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

ଗତ ୫ଦିନରୁ ସ୍ବାମୀ ନିଖୋଜ : ମୋ ସ୍ବାମୀଙ୍କୁ ଫେରାଇ ଆଣ କହି ଆକୁଳ ନିବେଦନ କରୁଛନ୍ତି ସ୍ତ୍ରୀ

9/03/2020 at 10:06 AM

ଉଦଳା  ୯/୩: ଆକୁଳ ନିବେଦନ କରି ପତ୍ନୀ କହୁଛନ୍ତି ମୋ ସ୍ବାମୀଙ୍କୁ ଫେରାଇ ଆଣ । ଗତ ୫ ଦିନ ହେବ ଉଦଳା ବିଜ୍ଞପିତ ଅଞ୍ଚଳର ୧୧ ନମ୍ବର ୱାର୍ଡର ଜଗଦାନନ୍ଦ ମହାପାତ୍ର କୁଆଡେ ଯାଇଛନ୍ତି କିଛି ପତ୍ତା ମିଳୁନି । ସାରା ପରିବାର ଏବଂ ସଂପର୍କୀୟ କାନ୍ଦୁଛନ୍ତି । ଭୟ ଏବଂ ଆଶଙ୍କାରେ ଅଛନ୍ତି ଜଗଦାନନ୍ଦଙ୍କ ପତ୍ନୀ । ଜଗଦାନନ୍ଦ ମହାପାତ୍ର ଗତ ୫ ତାରିଖ ଦିନ ବାଲେଶ୍ବର ଜିଲ୍ଲା ପୁରୁଣା ଗାଁକୁ ଯାଇଥିଲେ । ସେଠାରୁ ସେ ବସ୍ ଯୋଗେ ଉଦଳା ଫେରିଥିଲେ ।

ସନ୍ଧ୍ୟା ସମୟରେ ଉଦଳା ବସଷ୍ଟାଣ୍ଡରେ ପହଂଚିବା ପରେ ପତ୍ନୀଙ୍କ ସହିତ ଫୋନରେ କଥା ହୋଇଥିଲେ । କିଛି କାମ ସାରି ଘରେ ପହଂଚିବେ ବୋଲି କହିଥଲେ । ହେଲେ ଘଣ୍ଟାଏ ପରେ ବି ଜଗଦାନନ୍ଦ ଘରକୁ ନଫେରିବାରୁ ତାଙ୍କୁ ଫୋନ୍ କରିଥିଲେ ପତ୍ନୀ ସରିତା ମହାପାତ୍ର । ହେଲେ ଜଗଦାନନ୍ଦଙ୍କ ଫୋନ୍ ସୁଇଚ ଅଫ୍ ଆସିଥିଲା । ପରିବାର ଲୋକେ ବସଷ୍ଟାଣ୍ଡ ଆସି ଖୋଜିଥିଲେ । ବସଷ୍ଟାଣ୍ଡରେ ଏକ ଦୋକାନରେ ଜଗଦାନନ୍ଦ ନିଜ ବ୍ୟାଗ ଛାଡିଯାଇଥିବା ପରିବାର ଲୋକେ ଜାଣିବାକୁ ପାଇଥିଲେ ।

ଖୋଜାଖୋଜି ପରେ ପତ୍ତା ନ ପାଇବାରୁ ଶେଷରେ ଏନେଇ ଉଦଳା ଥାନାରେ ଲିଖିତ ଅଭିଯୋଗ କରିଥିଲେ ପରିବାର ଲୋକ । ଜଗଦାନନ୍ଦଙ୍କୁ ଅପହରଣ କରାଯାଇଥିବା ପରିବାର ଲୋକ ଅଭିଯୋଗ କରିଛନ୍ତି ।  ଏହି ମାମଲାରେ ପୋଲିସ୍ ତଦନ୍ତ କରୁଛି । ତେବେ ଜଗଦାନନ୍ଦ ଗଲେ କୁଆଡେ, କିଏ ତାଙ୍କୁ ଅପହରଣ କରିଲା ଏହି ପ୍ରଶ୍ନ ଚିନ୍ତା ବଢାଇଛି ।

   Related Posts