ଭୁବନେଶ୍ୱର ୧୪।୦୮: ସ୍ୱିଗି ଧରାଇଲା ସ୍ୱାମୀଙ୍କ ରଙ୍ଗିଲା କାଣ୍ଡ । ଲୁଚିଛପି ଚାଲିଥିଲା ଚୋରା ପୀରତୀ । ସ୍ତ୍ରୀକୁ ହେଲା ସନ୍ଦେହ। କୌଶଳକ୍ରମେ ଘଟଣାସ୍ଥଳରେ ପହଞ୍ଚି ସ୍ୱାମୀର କଳାକାରନାମାର କରିଛି ପର୍ଦ୍ଦାଫାଶ ।
ସ୍ୱାମୀ କରିଥିଲେ ହୋଟେଲରେ ୩ଟି ରୁମ୍ ବୁକ୍। ଦୁଇଟି ରୁମ୍ ବନ୍ଦ ଥିବା ବେଳେ ଗୋଟିଏ ରୁମ୍ରେ ଥିଲେ ସ୍ୱାମୀ। ଆଉ ବନ୍ଦ ରୁମ୍କୁ ଯାଉଥିଲା ସ୍ୱିଗିରୁ ତିନୋଟି ଖାଇବା ପାର୍ସଲ।ସ୍ତ୍ରୀଙ୍କୁ ସନ୍ଦେହ ହେବାରୁ ପୋଲିସ ଧରି ପୋଲିସ ସହାୟତାରେ ପହଞ୍ଚିଥିଲେ ହୋଟେଲ ଲୋକେଶନରେ। ଆଉ ହୋଟେଲ କବାଟ ଖୋଲିବା ପରେ ଆପତ୍ତିଜନକ ଜିନିଷ ଓ ଦୁଇ ଯୁବତୀଙ୍କ ସହ ଅସଂଜତ ଅବସ୍ଥାରେ ଧରାପଡିଲେ ସ୍ୱାମୀ । ପରେ ହୋଟେଲ୍ ରୁମ୍ରୁ ତିନି ଯୁବତୀଙ୍କୁ ଉଦ୍ଧାର କରିବା ସହ ସ୍ୱାମୀ ଓ ତାଙ୍କ ପାଖ ରୁମ୍ରେ ଥିବା ଦୁଇ ସହଯୋଗୀଙ୍କୁ କାବୁ କରିଛି ପୋଲିସ । ସେପଟେ ସ୍ୱାମୀଙ୍କ ବିରୋଧରେ ତାଙ୍କ ସ୍ତ୍ରୀ ନିର୍ଯାତନା ଓ ମାର୍ପିଟ୍ ଅଭିଯୋଗ କରିଥିବା ବେଳେ ଅଟକ ସ୍ୱାମୀ ଓ ତାଙ୍କ ସହଯୋଗୀଙ୍କୁ ଇନ୍ଫୋସିଟି ଥାନା ପୋଲିସ ଜେରା କରୁଛି ।
