ମୁମ୍ଵାଇ ୩୦।୦୮; ହୁରୁନ ଇଣ୍ଡିଆ ଧନୀ ତାଲିକା ଅନୁସାରେ, ‘ଏସିଆର ଅରବପତି ରାଜଧାନୀ’ର ମାନ୍ୟତା ପାଇଛି ଭାରତର ଆର୍ଥିକ ରାଜଧାନୀ ମୁମ୍ବାଇ । ଚୀନ୍ର ରାଜଧାନୀ ବେଜିଂଠାରୁ ମୁମ୍ବାଇରେ ଅଧିକ ଅରବପତି ଅଛନ୍ତି । ତାଲିକାର ୨୫% ଅରବପତି ମୁମ୍ବାଇର ହୋଇଥିବାବେଳେ ଏହା କେବଳ ଏସିଆର ଅରବପତି ରାଜଧାନୀ ନୁହେଁ, ହୁରୁନ ଇଣ୍ଡିଆ ଧନୀ ତାଲିକାରେ ସାମିଲ ଲୋକଙ୍କ ପାଇଁ ପସନ୍ଦର ସହର ମଧ୍ୟ ।
ହୁରୁନ ତଥ୍ୟ ଅନୁସାରେ, ମୁମ୍ବାଇରେ ୫୮ ଜଣ ଅରବପତି ଯୋଡ଼ି ହେବା ପରେ ଏହାର ମୋଟ୍ ଅରବପତିଙ୍କ ସଂଖ୍ୟା ୩୮୬ ହୋଇଛି । ୧୮ ଜଣ ନୂଆ ଅରବପତି ଯୋଡ଼ି ହେବା ପରେ ୨ୟ ସ୍ଥାନରେ ଅଛି ନୂଆଦିଲ୍ଲୀ । ଦିଲ୍ଲୀରେ ମୋଟ୍ ଅରବପତିଙ୍କ ସଂଖ୍ୟା ୨୧୭ । ତେବେ ପ୍ରଥମ ଥର ପାଇଁ ବେଙ୍ଗାଲୁରୁକୁ ପଛରେ ପକାଇ ଧନୀଙ୍କ ସହର ତାଲିକାରେ ୩ୟ ସ୍ଥାନ ହାସଲ କରିଛି ହାଇଦ୍ରାବାଦ ।
୧୭ ଜଣ ନୂଆ ଅରବପତିଙ୍କ ସହିତ ହାଇଦ୍ରାବାଦର ମୋଟ୍ ଅରବପତିଙ୍କ ସଂଖ୍ୟା ୧୦୪ । ୧୦୦ ଅରବପତିଙ୍କ ସହିତ ୪ର୍ଥ ସ୍ଥାନକୁ ଖସିଛି ବେଙ୍ଗାଲୁରୁ । ଶୀର୍ଷ ୧୦ରେ ଥିବା ଅନ୍ୟ ସହର ମଧ୍ୟରେ ଅଛି ଚେନ୍ନାଇ (୮୨ ଅରବପତି), କୋଲକାତା (୬୯), ଅହମଦାବାଦ (୬୭), ପୁନେ (୫୩), ସୁରଟ (୨୮) ଓ ଗୁରୁଗ୍ରାମ (୨୩) ।
