ଭୁବନେଶ୍ୱର ୨୦/୧ : ଜୀବନର ଏକ ଅତୁଟ ସତ୍ୟ ହେଲା ମୃତ୍ୟୁ | ଦିନ ନା ଦିନେ ଏହି ଶରୀରକୁ ତ୍ୟାଗ କରି ସମସ୍ତେ ଯାଇଥାନ୍ତି | ମୃତ୍ୟୁ ପରେ କଣ ହୋଇଥାଏ ତାହା ଜାଣିବା ଆଗ୍ରହ ସାଧାରଣତଃ ସମସ୍ତଙ୍କ ମଧ୍ୟରେ ଥାଏ | ଏହି ରହସ୍ୟକୁ ଜାଣିବା ଏତେ ସହଜ କଥା ନୁହେଁ | ଗରୁଡ ପୁରାଣରେ ମୃତ୍ୟୁ ପରର ଜୀବନ ବିଷୟରେ ଅନେକ ସୂଚନା ଦିଆଯାଇଛି | ତା'ମଧ୍ୟରୁ ଆମେ ଆଜି କିଛି ରହସ୍ୟ ସମ୍ପର୍କରେ ଜାଣିବା |
{"id":76114,"width":587,"height":408}![](https://www.prameyanews7.com/wp-content/uploads/2019/01/life.jpg)
ମୃତ୍ୟୁ ପରେ ଆତ୍ମା ଶରୀରକୁ ତ୍ୟାଗ କରେ ଏକଥା ଆମେ ସମସ୍ତେ ଜାଣିଛେ | ତେବେ ଅନ୍ତିମ ସମୟରେ ଶରୀରର କେଉଁ ଅଂଶ ଦେଇ ଆତ୍ମା ବାହାରିଥାଏ ଆପଣ ଜାଣିଛନ୍ତି କି ? ଗରୁଡ ପୁରାଣରେ ବର୍ଣିତ ଅଛି ଯେ, ମଣିଷ ଶରୀରରେ ଏମିତି ୧୦ଟି ଅଙ୍ଗ ରହିଛି ଯାହା ସବୁବେଳେ ଖୋଲା ରହେ | ଏହିସବୁ ଅଙ୍ଗ ହେଲା, ଦୁଇଟି କାନ, ନାକ, ଦୁଇଟି ଆଖି, ମଳମୂତ୍ର ବିସର୍ଜନ ଦ୍ୱାର ଏବଂ ମୁଣ୍ଡର ମଝି ଭାଗ | ଛୁଆ ଜନ୍ମ ବେଳେ ମୁଣ୍ଡକୁ ଛୁଇଁ ଏହି ଛିଦ୍ରକୁ ଅନୁଭବ କରାଯାଇଥାଏ | ମା ଗର୍ଭରେ ଛୁଆର ଶରୀରରେ ଆତ୍ମା ଏହି ଛିଦ୍ର ଦେଇ ପ୍ରବେଶ କରିଥାଏ |
{"id":76115,"width":589,"height":509}![](https://www.prameyanews7.com/wp-content/uploads/2019/01/28-Deadly-Punishments-Mentioned-in-Garuda-Puran-of-Hinduism-1.jpg)
ମଣିଷ ଜୀବନରେ ଯେଉଁଭଳି କର୍ମ କରିଥାଏ, ମୃତ୍ୟୁ ବେଳେ ମଣିଷର କର୍ମ ଅନୁଯାୟୀ ଆତ୍ମା ଶରୀରର ସେହି ଅଂଶ ଦେଇ ବାହାରିଥାଏ | ଉଦାହରଣ ସ୍ୱରୂପ ଭଲ ଆତ୍ମା ମୁଣ୍ଡ ଦେଇ ବାହାରିଥାଏ | ଅପରପକ୍ଷରେ ଖରାପ କର୍ମ କରିଥିବା ବ୍ୟକ୍ତିଙ୍କ ଆତ୍ମା ଗୁପ୍ତାଙ୍ଗ ଦେଇ ବାହାରିଥାଏ | ଯାହାଫଳରେ ମଣିଷକୁ ବହୁତ କଷ୍ଟ ହୋଇଥାଏ | ଶୁଦ୍ଧ ଆତ୍ମାଙ୍କୁ ନେବାପାଇଁ ଦେବଦୁତ ଆସିଥାନ୍ତି | ଦେବଦୁତ ଶୁଦ୍ଧ ଆତ୍ମାଙ୍କୁ ନିଜ ସହିତ ସ୍ୱର୍ଗକୁ ନେଇଯାଇଥାନ୍ତି | ସେତେବେଳେ ଖରାପ ଆତ୍ମାଙ୍କୁ ଯମଦୂତ ବାନ୍ଧି ଯମଲୋକକୁ ନେଇଯାଇଥାନ୍ତି |
{"id":76116}![](https://www.prameyanews7.com/wp-content/uploads/2019/01/For-Blog-Cover_Ok-Eng.jpg)
ଶବ ଦାହ ପୂର୍ବରୁ ଆତ୍ମାକୁ ପୁଣିଥରେ ପୃଥିବୀକୁ ଅଣାଯାଇଥାଏ | ମଣିଷକୁ ତାର ଅନ୍ତିମ ସଂସ୍କାର ଦେଖାଇବା ପାଇଁ ତାଙ୍କୁ ପୁଣିଥରେ ପୃଥିବୀ ପୃଷ୍ଠକୁ ଅଣାଯାଇଥାଏ | ଏତିକିବେଳେ ଆତ୍ମା ସେହି ଶରୀରରେ ପୁଣିଥରେ ପ୍ରବେଶ କରିବା ପାଇଁ ଛଟପଟ ହୋଇଥାଏ | କିନ୍ତୁ ବିଭିନ୍ନ ବନ୍ଧନରେ ବାନ୍ଧି ହୋଇଥିବା ଯୋଗୁଁ ଆତ୍ମା ପୁଣି ସେହି ଶରୀରରେ ପ୍ରବେଶ କରିବାରେ ଅସମର୍ଥ ହୋଇଥାଏ |
{"id":76117}![](https://www.prameyanews7.com/wp-content/uploads/2019/01/life-after-death-2-728.jpg)
ଶାସ୍ତ୍ରରେ ସମୁଦାୟ ୧୮ଟି ପୁରାଣ ରହିଛି | ଏହି ୧୮ଟି ପୁରାଣ ମଧ୍ୟରୁ ଗରୁଡ ପୁରାଣରେ ପାପ-ପୁଣ୍ୟ, ସ୍ୱର୍ଗ-ନର୍କ ଛଡା ଆହୁରି ଅନେକ ତଥ୍ୟ ରହିଛି | ଏଥିରେ ବିଜ୍ଞାନ, ଧର୍ମ, ନୀତି ସମ୍ପର୍କରେ ବିସ୍ତାର ଭାବେ ବର୍ଣନା କରାଯାଇଛି | ସେଥିପାଇଁ ଏହି ପବିତ୍ର ପୁରାଣ ସମସ୍ତଙ୍କୁ ପଢିବା ଉଚିତ |
{"id":76118,"width":589,"height":359}![](https://www.prameyanews7.com/wp-content/uploads/2019/01/images-1-15.jpg)