ନୂଆଦିଲ୍ଲୀ, ୨୨/୦୧: ଗୁଜରାଟର ଏକ ଅଦାଲତ ଗୋ ହତ୍ୟାକୁ ଏକ ଅଜବ ଟିପ୍ପଣୀ କରିଛନ୍ତି। ପ୍ରକୃତରେ ତାପି ଜିଲ୍ଲା ଅଦାଲତର ମୁଖ୍ୟ ଜିଲ୍ଳା ବିଚାରପତି କହିଛନ୍ତି ଯେ, ଯଦି ଗୋ ହତ୍ୟା ରୋକି ଦିଆଯିବ ତେବେ ପୃଥିବୀର ସବୁ ସମସ୍ୟା ଆପେ ଆପେ ସମାଧାନ ହୋଇଯିବ। ଏତିକି ନୁହେଁ ସେ କହିଛନ୍ତି ଗାଈ ଗୋବର ଦ୍ବାରା ତିଆରି କରାଯାଇଥିବା ଘର ଉପରେ ପରମାଣରୁ ପ୍ରଭାବ ମଧ୍ୟ ପ୍ରଭାବ ପଡ଼ିନଥାଏ।
ଲାଇଭ ର’ ଏକ ରିପୋର୍ଟ ଅନୁଯାୟୀ, ଗତ ନଭେମ୍ବର ମାସରେ ପାରିତ ଆଦେଶରେ ଏହା ଉପରେ ମଧ୍ୟ ଅସନ୍ତୋଷ ପ୍ରକାଶ କରାଯାଇଥିଲା ଯେ ଗୋ ରକ୍ଷା ସହ ସଂପୃକ୍ତ ସବୁ କଥାକୁ ବ୍ୟବହାର କରାଯାଇନାହିଁ। ଏଭଳି ମାନ୍ୟତା ରହିଛି ଗାଈ କେବଳ ଏକ ପଶୁ ନୁହେଁ ବରଂ ଏକ ମା’ ଏବଂ ଗାଈଠାରେ ୬୮ କୋଟି ତୀର୍ଥ ସ୍ଥଳ ଏବଂ ୩୩ କୋଟି ଦେବୀ-ଦେବତା ରହିଥାନ୍ତି। କୋର୍ଟ ବିଭିନ୍ନ ଶ୍ଲୋକ୍ର ଉଦାହରଣ ଦେଇ କହିଥିଲେ ଯେ ଯଦି କୌଣସି ଗାଈକୁ କଷ୍ଟ ଦିଆଯାଏ କିମ୍ବା ଦୁଃଖ ପହଞ୍ଚାଯାଏ ତେବେ ଏହାର ଆପଣଙ୍କ ଧନ-ସମ୍ପତ୍ତି ଉପରେ ଖରାପ ପ୍ରଭାବ ପଡ଼ିଥାଏ।
ବିଚାରପତି ଗୋ ହତ୍ୟାକୁ ଜଳବାୟୁ ପରିବର୍ତ୍ତନ ସହ ମଧ୍ୟ ଯୋଡ଼ିଛନ୍ତି। ବିଚାରପତି କହିଛନ୍ତି ଯେ ଆଜି ଯେଉଁ ସମସ୍ୟା ଅଛି। ତାହା ବଢ଼ୁଥିବା ଚିଡ଼ଚିଡାପଣ ଏବଂ ଗରମ ସ୍ବଭାବର କାରଣ। ଏଭଳି ସମସ୍ୟା ବଢ଼ିବାର ଏକ ମୁଖ୍ୟ କାରଣ ଗାଈର ହତ୍ୟା ମଧ୍ୟ ରହିଛି। ଯେ ପର୍ଯ୍ୟନ୍ତ ଏହା ଉପରେ ସଂପୂର୍ଣ୍ଣ ଭାବରେ ରୋକ୍ ଲଗାଯାଉନାହିଁ, ସେ ପର୍ଯ୍ୟନ୍ତ ସାତ୍ତ୍ବିକ ଜଳବାୟୁ ପରିବର୍ତ୍ତନର କୌଣସି ପ୍ରଭାବ ଦେଖାଯିବନି।