କନ୍ଧମାଳ ୧୨|୧୦: କନ୍ଧମାଳ ଜିଲ୍ଲା ବାଲିଗୁଡା ଅଞ୍ଚଳରେ ତିତଲିର ପ୍ରଭାବ ଦେଖାଦେଇଛି । କୋଟଗଡ଼ ନୂଆଗାଁ ବ୍ଲକରେ ଉପାନ୍ତ ଅଞ୍ଚଳରେ ବିଭିନ୍ନ ସ୍ଥାନରେ ବଡ ବଡ ଗଛ ଉପୁଡିପଡିଛି । ଅଞ୍ଚଳର ଅନେକ ଗାଁରେ ଲୋକମାନଙ୍କର ଘରଦ୍ବାର ଭାଙ୍ଗି ମଧ୍ୟ ଯାଇଛି । ବର୍ଷା ଓ ପବନ ବହିବା ଯୋଗୁଁ ଲୋକେ ଘରୁ ପଦାକୁ ବାହାରି ପାରୁନାହାନ୍ତି । ଦାରିଙ୍ଗବାଡିର ଗଦଡି ପୋଲ ନିକଟରେ ରାସ୍ତା ଧୋଇଯାଇଥିବାରୁ ଦାରିଙ୍ଗବାଡିରୁ ରାଇକିଆ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଯାଇଛି । ଘରେ ପାଣି ପସିଯିବାରୁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଏକର ଏକର ଚାଷ ଜମିରେ ମଧ୍ୟ ପାଣି ପସିଯିବାରୁ ବ୍ୟାପକ ଫସଲ ନଷ୍ଟ ହୋଇଯାଇଛି । ଫଳରେ ଚାଷୀମାନେ ଚିନ୍ତାରେ ଅଛନ୍ତି ।