ଭୁବନେଶ୍ବର ୨|୧୧:    କୋଣାର୍କ ଓ ଓଡ଼ିଆ ବିଧାୟକଙ୍କୁ ନେଇ ଅଭିଜିତ ଆୟାର ଅରୁଚିକର ମନ୍ତବ୍ୟ ଦେବା ଘଟଣାରେ ଆଜି ପୁଣି ବସିବ ଗୃହ କମିଟି ବୈଠକ । କମିଟି ନିକଟରେ ହାଜର ହୋଇ ଅଭିଜିତ ସତ୍ୟପାଠ ଦାଖଲ କରି ପାରନ୍ତି । ସତ୍ୟପାଠ ଦାଖଲ ପରେ କମିଟି ସଦସ୍ୟ ଘଟଣାକୁ ନେଇ ଆଲୋଚନା କରିବେ । ସେପଟେ ତାଙ୍କ ବିରୋଧରେ ଯେଉଁ ଅଭିଯୋଗ ହୋଇଥିଲା ଓ କମିଟି ଯାହକୁ ନେଇ ତଦନ୍ତ କରୁଛି ସେହି ଘଟଣାରେ ସତ୍ୟତା ଥିବା ସ୍ବୀକାର କରିଛନ୍ତି ଅଭିଜିତ୍  । ସେ ନିଃସର୍ତ୍ତ କ୍ଷମା ଭିକ୍ଷା କରିଛନ୍ତି । ଯାହା ଉପରେ ଆଜି ସେ ସତ୍ୟପାଠ ଦାଖଲ କଲାପରେ ଗୃହ କମିଟି ବିଚାର କରିବ । ଏହା ପରେ କଣ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ସେ ନେଇ ଗୃହକୁ ସୁପାରିସ କରିବ କମିଟି।