ଭଦ୍ରକ ୮|୧୦:  ଭଦ୍ରକ ଜିଲ୍ଲା ଧୂଷୁରୀ ଥାନା ବାମକୁରା ଗାଁରେ ଅଗ୍ନିକାଣ୍ଡ । ଅଗ୍ନିକାଣ୍ଡରେ ନଗଦ ୨ଲକ୍ଷ ଟଙ୍କା ଓ ବାଇକ୍ ସହ ୧୦ବଖରା ଘର ସମ୍ପୂର୍ଣ୍ଣ ଜଳିଯାଇଛି । ବିଳମ୍ବିତ ରାତିରେ ଘରେ ଶୋଇଥିବା ଅବସ୍ଥାରେ ନିଆଁ  ଲାଗିଯାଇଥିଲା । ନିଆଁର ପ୍ରକୋପରେ ଘରର ଆସବାବପତ୍ର ସମ୍ପୂର୍ଣ୍ଣ ଜଳିଯାଇଥିଲା । ରାତି ହୋଇଥିବାରୁ ଘର ଲୋକ କୌଣସି ଜିନିଷ କାଢ଼ିପାରିନଥିଲେ । ଘରେ ଥିବା ଚାଉଳ, ଆସବାବପତ୍ର ସମ୍ପୂର୍ଣ୍ଣ ନିଆଁରେ ପାଉଁଶ  ହୋଇଯାଇଥିଲା  । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । ତେବେ ନିଆଁ ଯୋଗୁଁ ତିଳୋତ୍ତମା ପଣ୍ଡା ଗୁରୁତର ହୋଇଛନ୍ତି । ଚିକିତ୍ସା ପାଇଁ ତାଙ୍କୁ ଧୂଷୁରୀ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରକୁ ପଠାଯାଇଛି ।