ଭୁବନେଶ୍ୱର ୨୨।୦୮: ସିଲ ହେଲା ଜୁଆ ଖେଳ ହେଉଥିବା ପେଣ୍ଟାଗନ୍ ହୋଟେଲ । ରାଜଧାନୀର ଲକ୍ଷ୍ମୀସାଗରରେ ଥିବା ଏହି ହୋଟେଲକୁ ସିଲ କଲା ବିଏମସି ଏନ୍ଫୋର୍ସମେଣ୍ଟର ସେଣ୍ଟ୍ରାଲ ସ୍କୁର୍ଡ଼ । ସଟ୍ ଡାଉନରେ ହୋଟେଲ ଜୁଆ ଆଡ଼ା ଚାଲିଥିଲା । ଏଥିରେ କାର୍ଯ୍ୟାନୁଷ୍ଠାନ ନେଇ ହୋଟେଲକୁ ସିଲ କରିଛି ବିଏମସି ।
ଖବର ଅନୁଯାୟୀ, ଶନିବାର ରାତିରେ କୋଭିଡ କଟକଣା ଭାଙ୍ଗି ହୋଟେଲ ରୁମରେ ଚାଲିଥିଲା ହାଇ ପ୍ରୋଫାଇଲ ଜୁଆ ଖେଳ । ରାତି ୮ ଟା ସମୟରେ ୧୦ ଜଣ ଜୁଆଡି ଓ ୩ ଯୁବତୀକୁ ଗିରଫ କରିଥିଲା ଲକ୍ଷ୍ମୀସାଗର ଥାନା ପୋଲିସ । ଗିରଫ ମଧ୍ୟରେ ଅଛନ୍ତି ବିଲଡର , ମଦ ବ୍ୟବସାୟୀ , ପ୍ରତିଷ୍ଠିତ ବ୍ୟକ୍ତି । ସମସ୍ତ ଜୁଆ ଖେଳୁଥିବା ଅଭିଯୋଗରେ ଗିରଫ କରାଯାଇଛି । ସେଠାରୁ ୨ ଲକ୍ଷ ୫୩ ହଜାର ଟଙ୍କା ନଗଦ ଟଙ୍କା ସହ ଜୁଆରେ ବ୍ୟବହୃତ ସାମଗ୍ରୀ ଜବତ କରିଥିଲା ପୋଲିସ ।
