ମୁମ୍ବାଇ ୨୬।୦୯ : ରିପିଟ୍‌ ହେବ କି ଇତିହାସ । ୨୦୧୧ ଆଇସିସି ଦିନିକିଆ ବିଶ୍ୱକପ୍‌ରୁ ଚାଲୁଥିବା ପରମ୍ପରା ଆଗକୁ ଜାରି ରହିବ କି ? ୨୦୧୧, ୨୦୧୫, ୨୦୧୯ ଆଇସିସି ବିଶ୍ୱକପ୍‌ରେ ଟ୍ରଫି ହାତେଇଥିଲେ ଆୟୋଜକ ଦଳ । ଯେଉଁ ଦେଶ ଏହି ସବୁ ବର୍ଷରେ ଦିନିକିଆ କ୍ରିକେଟ୍‌ ବିଶ୍ୱକପ୍‌ର ଆୟୋଜନ କରିଥିଲେ । ସେହି ଦେଶ  ହିଁ ଟ୍ରଫି ହାତେଇଥିଲା । ତେଣୁ ଆଗାମୀ ୨୦୨୩ କ୍ରିକେଟ୍‌ ବିଶ୍ୱକପ୍‌ରେ ଦୋହରିବ କି ଇତିହାସ । ତାହା ଦେଖିବାକୁ ବାକି ରହିଲା ।

୨୦୧୧ ଦିନିକିଆ ବିଶ୍ୱକପ୍‌ –

୨୦୧୧ ଦିନିକିଆ ବିଶ୍ୱକପ୍‌ର ଆୟୋଜକ ଦେଶ ଥିଲେ ଭାରତ ଏବଂ ବାଂଲାଦେଶ । ଉଭୟ ଦେଶକୁ ବିଶ୍ୱକପ୍‌ ଆୟୋଜନ ଦାୟିତ୍ୱ ଦେଇଥିଲା ଆଇସିସି । ଲିଗ୍‌ ପର୍ଯ୍ୟାୟରେ ବାଂଲାଦେଶର ଯାତ୍ରା ଶେଷ ହୋଇଥିବା ବେଳେ ଆଗକୁ ବଢିଚାଲିଥିଲା ଭାରତୀୟ ଟିମ୍‌ । ଶେଷରେ ଟୁର୍ଣ୍ଣାମେଣ୍ଟରେ ଆଗକୁ ବଢିଥିଲା ଧୋନିଙ୍କ ନେତୃତ୍ୱଧୀନ ଟିମ୍‌ ଇଣ୍ଡିଆ । ଫାଇନାଲରେ ହୋଇଥିଲା ଶ୍ରୀଲଙ୍କା ସହ ଲଢେଇ । ଶ୍ରୀଲଙ୍କା ଦେଇଥିବା ୨୭୪ ରନ୍‌ ଟାର୍ଗେଟକୁ ଅତି ସହଜରେ ହାସଲ କରିନେଇଥିଲା ଟିମ୍‌ ଇଣ୍ଡିଆ । ଫାଇନାଲରେ ଶ୍ରୀଲଙ୍କାକୁ ୬ ଓ୍ୱିକେଟ୍‌ରେ ପରାସ୍ତ କରି ଚମ୍ପିଆନ୍‌ ହୋଇଥିଲା ଟିମ୍‌ ଇଣ୍ଡିଆ ।  ୨୦୧୧ରେ ଦିନିକିଆ କ୍ରିକେଟ୍‌ରେ ବିଶ୍ୱ ଚମ୍ପିଆନ୍‌ ହୋଇଥିଲା ଟିମ୍‌ ଇଣ୍ଡିଆ ।

୨୦୧୫ ଦିନିକିଆ ବିଶ୍ୱକପ୍‌ –

୨୦୧୫ ଦିନିକିଆ ବିଶ୍ୱକପ୍‌ର ଆୟୋଜକ ଦେଶ ଥିଲେ ନ୍ୟୁଜିଲାଣ୍ଡ ଓ ଅଷ୍ଟ୍ରେଲିଆ । ଉଭୟ ଦେଶକୁ ବିଶ୍ୱକପ୍‌ ପରି ମେଗା ଇଭେଣ୍ଟର ଆୟୋଜନ ଦାୟିତ୍ୱ ଦେଇଥିଲେ ଆଇସିସି । ଉଭୟ ଟିମ୍‌ ଦମଦାର ପ୍ରଦର୍ଶନ ବଳରେ ଫାଇନାଲରେ ଏଣ୍ଟ୍ରି କରିଥିଲେ । ଆଉ ଫାଇନାଲରେ ବାଜି ନେଇଥିଲା ଅଷ୍ଟ୍ରେଲିଆ ଦଳ । ନ୍ୟୁଜିଲାଣ୍ଡ ଟିମ୍‌କୁ ୭ ଓ୍ୱିକେଟରେ ପରାସ୍ତ କରି ଚମ୍ପିଆନ୍‌ ହୋଇଥିଲା କଙ୍ଗାରୁ ଟିମ୍‌ । ୨୦୧୫ରେ ଦିନିକିଆ କ୍ରିକେଟ୍‌ରେ ଚମ୍ପିଆନ୍‌ ହୋଇଥିଲା ଅଷ୍ଟ୍ରେଲିଆ ଟିମ୍‌ ।

୨୦୧୯ ଦିନିକିଆ ବିଶ୍ୱକପ୍‌ –

୨୦୧୯ ଦିନିକିଆ ବିଶ୍ୱକପ୍‌ରେ ଆୟୋଜକ ଥିଲା ଇଂଲଣ୍ଡ । ଆଇସିସି ପକ୍ଷରୁ ଇଂଲଣ୍ଡକୁ ଦିନିକିଆ ବିଶ୍ୱକପ୍‌ର ଆୟୋଜନ ଦାୟିତ୍ୱ ମିଳିଥିଲା । ୨୦୧୯ରେ ବିଶ୍ୱକପ୍‌ରେ ନ୍ୟୁଜିଲାଣ୍ଡ ଓ ଇଂଲଣ୍ଡ ଟିମ୍‌ ନିଜ ଦମ୍‌ଦାର ପ୍ରଦର୍ଶନ ବଳରେ ଫାଇନାଲରେ ଏଣ୍ଟ୍ରି କରିଥିଲେ । କିନ୍ତୁ ଫାଇନାଲରେ ବର୍ଷା ସାଜିଲା ବାଧକ । ନ୍ୟୁଜିଲାଣ୍ଡ ଦେଇଥିବା ଟାର୍ଗେଟ ଇଂଲଣ୍ଡ ହାସଲ କରିବାକୁ ଉଦ୍ୟମ କରିଥିଲା । କିନ୍ତୁ ଶେଷରେ ମ୍ୟାଚ୍‌ଟି ଡ୍ର ରହିଥିଲା । ଆଉ ଶେଷରେ ସୁପର ଓଭର ଖେଳାଯିବା ପାଇଁ ନିଷ୍ପତ୍ତି ହୋଇଥିଲା । ସୁପର ଓଭରରେ ବି କୌଣସି ନିଷ୍କର୍ସ ବାହାରିପାରିନଥିଲା । ଶେଷରେ ମ୍ୟାଚ୍‌ରେ ଅଧିକ ବାଉଣ୍ଡରୀ ମାରିଥିବା ଟିମ୍‌କୁ ଚମ୍ପିଆନ୍‌ ଘୋଷଣା କରାଯାଇଥିଲା । ଯାହାକୁ ନେଇ ପରବର୍ତ୍ତୀ ସମୟରେ ଅନେକ ବିବାଦ ହୋଇଥିଲା । ଏପିରିକି କିଛି କ୍ରୀଡା ସମୀକ୍ଷାକ ଏହାକୁ ଖେଳୁଆଡ ମନୋଭାବ ନୁହଁ ବୋଲି କହିଥିଲେ ।

୨୦୨୩ ଦିନିକିଆ ବିଶ୍ୱକପ୍‌ –

ପାଖେଇ ଆସୁଛି ୨୦୨୩ କ୍ରିକେଟ୍‌ ବିଶ୍ୱକପ୍‌ । ଆଇସିସି ପକ୍ଷରୁ ଭାରତକୁ ଆୟୋଜନ ଦେଶ ଭାବେ ଦାୟିତ୍ୱ ଦିଆଯାଇଛି । ଅକ୍ଟୋବର ୫ରେ ଆରମ୍ଭ ହେବ ବିଶ୍ୱକପ୍‌ । ଯାହା ନଭେମ୍ବର ୧୯ ପର୍ଯ୍ୟନ୍ତ ଚାଲିବ । ଚଳିତ ବର୍ଷ ଟୁର୍ଣ୍ଣାମେଣ୍ଟରେ ମୋଟ ୧୦ଟି ଟିମ୍‌ ଭାଗ ନେବେ । ଧୀରେ ଟିମ୍‌ ଏବେ ଭାରତକୁ ଆସିବେ ।

ତେବେ ଶେଷ ତିନୋଟି (୨୦୧୧, ୨୦୧୫, ୨୦୧୯) ବିଶ୍ୱକପ୍‌ର ଇତିହାସ କହୁଛି ଭିନ୍ନ କଥା । ଯେଉଁ ଦେଶରେ ବିଶ୍ୱକପ୍‌ର ଆୟୋଜନ ହୋଇଛି । ସେହି ଦେଶ ହିଁ ଟ୍ରଫି ହାତେଇଛି । ଆଉ ସାଜିଛି ବିଶ୍ୱ କ୍ରିକେଟର ନୂଆ ବାଦ୍‌ଶାହ । ତେଣୁ ଚଳିତ ବିଶ୍ୱକପ୍‌ ଭାରତରେ ହେବାକୁ ଯାଉଛି । ଇତିହାସ ଅନୁସାରେ ଭାରତ ଜିତିବ କି ୨୦୨୩ ଦିନିକିଆ ବିଶ୍ୱକପ୍‌ ଟ୍ରଫି ? ତାହା ଆଗାମୀ ସମୟ ହିଁ କହିବ ।