ପେଶାଓ୍ବାର: ପାକିସ୍ତାନରେ ମର୍ମନ୍ତୁଦ ସଡ଼କ ଦୁର୍ଘଟଣା । ପେରଶାଓ୍ବାରରେ ଏହି ଭୀଷଣ ଦୁର୍ଘଟଣା ଘଟିଛି । ଏଥିରେ ପ୍ରାୟ ୩୦ରୁ ଅଧିକ ଲୋକ ପ୍ରାଣ ହରାଇଛନ୍ତି । ସେହିପରି ଅଧିକାଂଶ ଲୋକ ଆହତ ହୋଇଛନ୍ତି । ପୋଲିସ ଆହତଙ୍କୁ ଉଦ୍ଧାର କରି ସ୍ଥାନୀୟ ମେଡିକାଲରେ ଭର୍ତ୍ତି କରିଛି ।

ପୋଲିସର ସୂଚନା ମୁତାବକ, ମଙ୍ଗଳବାର ଉତ୍ତର-ପଶ୍ଚିମ ପାକିସ୍ତାନ ପେଶାଓ୍ବାରରେ ଏହି ଭୟଙ୍କର ଦୁର୍ଘଟଣା ଘଟିଛି । ଗିଲ୍‌ଗିଟ୍-ବାଲଟିସ୍ତାନ ଅଞ୍ଚଳର ଶତିୟାଲ ଚୌକ୍ ନିକଟରେ ଏକ କାର୍ ବସ୍‌କୁ ଧକ୍କା ଦେବା ପରେ ବସ୍‌ଟି ଖାଇକୁ ଖସିପଡ଼ିଥିଲା । ଫଳରେ ଏଥିରେ ୩୦ଜଣଙ୍କ ମୃତ୍ୟୁ ହୋଇଛି । ସେହିପରେ ଏହି ଦୁର୍ଘଟଣାରେ ଅନେକ ଲୋକ ଆହତ ହୋଇଛନ୍ତି । ଆହତଙ୍କୁ ଶତିୟାଲ ପୋଲିସ ଉଦ୍ଧାର କରି ନିକଟସ୍ଥ ହସ୍ପିଟାଲରେ ଭର୍ତ୍ତି କରିଛି ।

ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଗିଲ୍‌ଗିଟ୍‌ରୁ ଦ୍ରୁତ ଗତିରେ ରାଓଲପିଣ୍ଡିରେ ଆସୁଥିବା ଏକ ବସ୍ କାରକୁ ଧକ୍କା ଦେଇଥିଲା । ପରେ ଉଭୟ ବସ୍ ଓ କାର୍ ଏକ ଗଭୀର ଖାଇକୁ ଖସିପଡ଼ିଥିଲେ । ଫଳରେ ୩୦ଜଣଙ୍କ ମୃତ୍ୟୁ ହୋଇଛି ।  ଘଟଣାକୁ ନେଇ ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ୍ ଶରିଫ୍ ଦୁଃଖ ପ୍ରକାଶ କରିବା ସହ ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି । ଆହତଙ୍କୁ ଆଶୁ ଚିକିତ୍ସା ପାଇଁ ସ୍ବାସ୍ଥ୍ୟ ବିଭାଗକୁ ନିର୍ଦ୍ଦେଶ ଦେଇଛନ୍ତି ପ୍ରଧାନମନ୍ତ୍ରୀ ।