ନୂଆଦିଲ୍ଲୀ: ସୋମବାର ତୁର୍କୀ ଏବଂ ସିରିଆରେ ହୋଇଥିବା ଭୂମିକମ୍ପର ଭୟଙ୍କର ପରିଣାମ ଦେଖିବାକୁ ମିଳିଛି । ଆରିଆଡେ ବିନାଶର ପଦଚିହ୍ନ । ୭.୮ ତୀବ୍ରତାର ଭୂମିକମ୍ପ ଯୋଗୁଁ ବିଲ୍ଡିଂ ଗୁଡିକ ଆଖି ପିଛୁଳାକେ ଭୁଶୁଡି ଯାଇଥିଲା । ବର୍ତ୍ତମାନ ସୁଦ୍ଧା ଭୂମିକମ୍ପ ଯୋଗୁଁ ୨୩୦୦ରୁ ଅଧିକ ଲୋକଙ୍କ ଜୀବନ ଯାଇସାରିଛି । ଏହାରି ଭିତରେ ଭୂମିକମ୍ପର ଭବିଷ୍ୟତବାଣୀକୁ ନେଇ ବଡ଼ ଆଲୋଚନା ଆରମ୍ଭ ହୋଇଛି ।

ଟ୍ୱିଟରରେ ଅନେକ ୟୁଜର୍ସଙ୍କ କହିବା ଅନୁସାରେ ଏହି ଭୂମିକମ୍ପର ତିନି ଦିନ ପୂର୍ବରୁ ହିଁ ଏହାର ଭବିଷ୍ୟତବାଣୀ ହୋଇ ସାରିଥିଲା । ଦାବି ଅନୁସାରେ ଭୂମିକମ୍ପର ଗତିବିଧି ଉପରେ ଗବେଷଣା କରୁଥିବା ସୋଲର ସିଷ୍ଟମ ଜିୟୋମେଣ୍ଟ୍ରୀ ସର୍ଭେର ଜଣେ ଗବେଷକ ଫ୍ରାନକ ହୁଗରବିଟ୍ସ ଏହାର ଭବିଷ୍ୟତବାଣୀ କରିଥିଲେ । ହୁଗରବିଟ୍ସ ଭବିଷ୍ୟତବାଣୀ କରିଥିଲେ ଯେ ଆଜି ନହେଲେ କାଲି ଦକ୍ଷିଣ-ମଧ୍ୟ ତୁର୍କୀ, ଜର୍ଡନ, ସିରିଆ ଏବଂ ଲେବନାନ ନିକଟବର୍ତ୍ତୀ ଅଞ୍ଚଳରେ ୭.୫ ତୀବ୍ରତାର ଭୂମିକମ୍ପର ଝଟକା ଅନୁଭବ ହେବ ।

Sooner or later there will be a ~M 7.5 #earthquake in this region (South-Central Turkey, Jordan, Syria, Lebanon). #deprem pic.twitter.com/6CcSnjJmCV

— Frank Hoogerbeets (@hogrbe) February 3, 2023

ଫ୍ରାନକ ଏହି ଟ୍ୱିଟ୍ ଫେବ୍ରୁଆରୀ ୩ରେ କରିଥିଲେ । ଟ୍ୱିଟରେ ଫ୍ରାନକ ଲେଖିଥିଲେ,  ଆଜି ନହେଲେ କାଲି ୭.୫ ତୀବ୍ରତାର ଭୂମିକମ୍ପ ଦକ୍ଷିଣ ମଧ୍ୟ ତୁର୍କୀ, ଜର୍ଡନ, ସିରିଆ ଏବଂ ଲେବନାନରେ ଦେଖିବାକୁ ମିଳିବ । ନିଜ ଭବିଷ୍ୟତବାଣୀ ଉପରେ ଫ୍ରାନକଙ୍କ ସନ୍ଦେହ ଥିଲା, କିନ୍ତୁ ଏହା ଏବେ ସତ ପ୍ରମାଣିତ ହୋଇଛି ।

ଫ୍ରାନକଙ୍କ ଭବିଷ୍ୟତବାଣୀ ଉପରେ ବଡ଼ ବିତର୍କ ଆରମ୍ଭ ହୋଇଛି । ଭୂମିକମ୍ପର ପୂର୍ବାନୁମାନ ନେଇ କୌଣସି ସଠିକ ପ୍ରକ୍ରିୟା ଆଛି କି ବୋଲି ଆଲୋଚନା କରାଯାଉଛି । କାରଣ ବର୍ତ୍ତମାନ ସୁଦ୍ଧା ଭୂମିକମ୍ପର ଭବିଷ୍ୟତବାଣୀ କରିବା ନେଇ କୌଣସି ସଠିକ ପ୍ରକ୍ରିୟା ନାହିଁ । ତେଣୁ ସିମସ୍କୋଲଜିଷ୍ଟ ଫ୍ରାକଙ୍କ ଭବିଷ୍ୟତବାଣୀଙ୍କୁ ଅବୈଜ୍ଞାନିକ କହି ଖାରଜ କରି ଦିଅନ୍ତି । ଅନ୍ୟପଟେ ଭବିଷ୍ୟତବାଣୀ ସତ ହେବା ପରେ ହୁଗରବିଟ୍ସ ମଧ୍ୟ ଦୁଃଖ ବ୍ୟକ୍ତ କରିଛନ୍ତି ।  

“Seismologists routinely dismiss his work as misleading and unscientific, arguing there is no accurate method of forecasting earthquakes.” Same guy? https://t.co/dXNK3UGeiX https://t.co/K6Y7UuIad7

— Frank Visser – Viruses do exist (@ReusVisser) February 6, 2023