ନୂଆପଡା ଜିଲ୍ଲା ଠାରୁ ପାଖାପାଖି ୪୦ କି.ମି ଦୂର ପଡୋଶୀ ଜିଲ୍ଲା ବଲାଙ୍ଗିର ସିମାନ୍ତବର୍ତ୍ତୀ କୋମନା ବ୍ଲକ ର ଦାର୍ବ୍ରିପଡା ଠାରେ ୧୯୭୯ ମସିହାରେ ଖୋଲା ଯାଇଥିଲା ଏକ ହୋମିଓପ୍ୟାଥି ଚିକିତ୍ସାଳୟ | ଲୋକଙ୍କୁ ପ୍ରାଥମିକ ଚିକିତ୍ସା ଯୋଗାଇ ଦିଆଯିବା ଏ ଥିଲା ସରକାର ଙ୍କ ଉଦ୍ଦେଶ୍ୟ |  ଠିକପାଲି,ଗଣ୍ଡାମେର,କାଣ୍ଡେତରା,ନୂଆଗାଁ ପଞ୍ଚାୟତ ତଥା ଆଖ ପାଖରେ ଥିବା ପାଖାପାଖି ୧୫ ଟି ଗାଁ ର ଲୋକେ ଏହା ଉପରେ ଭରଷା ରଖିଥିଲେ | ପ୍ରଥମେ ପ୍ରଥମେ ଗୋଟିଏ ଡାକ୍ତର ଜଣେ ଫର୍ମାସିଷ୍ଟ ଓ ଜଣେ ପିଅନ ସହାୟତାରେ ଲୋକେ ଭଲ ଚିକିତ୍ସା ପାଇଥିଲେ,ପରେ କାଁ ଭାଁ କେବେ କେମିତି ଡାକ୍ତର ଆସି ଚିକିତ୍ସା କରୁଥିଲେ | ହେଲେ ଦିର୍ଘ ତିନିବର୍ଷ ହେବ ଡାକ୍ତରଖାନା ରେ ଡାକ୍ତର ନାହାନ୍ତି | ମାସ ମାସ ଧରି ଡାକ୍ତରଖାନା ବନ୍ଦ ପଡି ରହୁଛି | ଅନେକ ରୋଗୀ ଫେରିଯିବା ପରେ ଏବେ ଡାକ୍ତରଖାନା ପ୍ରତି ଲୋକଙ୍କ ଆସ୍ଥା ମଧ୍ୟ ଭାଙ୍ଗି ଗଲାଣି | ବର୍ଷ ବର୍ଷ ଧରି ଓୌଷଧ ପଡି ରହିଥିବା ବେଳେ ତାହା ସବୁ ଏକ୍ସପାଏରି ହୋଇ ଗଲାଣି | ପିଅନ କିନ୍ତୁ କହୁଛନ୍ତି ହୋମିଓପ୍ୟାଥି ଓୌଷଧ କେବେ ଏକ୍ସପାଏରି ହୁଏନି | ତାହାସହ ଡାକ୍ତରଖାନା ଖୋଲାଯିବା ସହ ପ୍ରାଥମିକ ଚିକିତ୍ସା,କାଶ ସର୍ଦ୍ଦି ଭଳି ରୋଗୀ ଙ୍କୁ ଓୌଷଧ ମଧ୍ୟ ଦିଆ ଯାଉଥିବା କହୁଛନ୍ତି ପିଅନ ଜଣକ | ଡାକ୍ତର ଓ ଫର୍ମାସିଷ୍ଟ ବିହୀନ ଡାକ୍ତରଖାନାକୁ ଅନଭିଜ୍ଞ ପିଅନ କେମିତି ସମ୍ଭାଳୁଛନ୍ତି ତାହା ଏକ ବଡ ପ୍ରଶ୍ନ | ତିନି ବର୍ଷ ପରେ ଦୁଇଦିନ ତଳେ ଜଣେ ଡାକ୍ତର ଙ୍କୁ ସିନାପାଲି ବ୍ଲକ ଗଣ୍ଡାବାହାଲି ଡାକ୍ତରଖାନାରୁ ଡେପୁଟେସନ ରେ ପଠା ଯାଇଛି | ଡାକ୍ତର ଜଣକ ତାଙ୍କର ବେଣିଙ୍ଗ ପତ୍ର ଥୋଇଦେଇ ଫେରାର | ଆସିବେ କି ନାହିଁ ତାର ମଧ୍ୟ ଠିକ ଠିକଣା ନାହିଁ | ଏବେ ଲୋକଙ୍କୁ ପ୍ରାଥମିକ ଚିକିତ୍ସା ଟିକକ ପାଇଁ ମଧ୍ୟ ୧୨ ରୁ ୧୫ କିଲୋମିଟର ଯିବାକୁ ପଡୁଛି | ଚିକିତସାଳୟର ଏଭଳି ସମସ୍ୟା କୁ ଦୂର କରିବା ପାଇଁ ଅଞ୍ଚଳବାସୀ ଙ୍କ ତରଫରୁ ଅନେକ ଥର ଜିଲ୍ଲା ପ୍ରଶାସନ ପାଖରେ ଗୁହାରୀ କରା ଯାଇଛି ହେଲେ କେହି ଶୁଣି ନାହାନ୍ତି | ଯାହାପାଇଁ ରୋଗୀ ସେବାରୁ ବଞ୍ଚିତ ରହୁଥିବା ବେଳେ ଚିକିତ୍ସାଳୟ ବର୍ତ୍ତମାନ ଜରାଜିର୍ଣ୍ଣ ଅବସ୍ଥାରେ ଗତି କରୁଛି | ଏନେଇ ନୂଆପଡା ଜିଲ୍ଲା ମୂଖ୍ୟ ଚିକିତ୍ସା ଅଧିକାରୀ ଙ୍କୁ ଭେଟିଥିଲୁ | ଦାବ୍ରିପଡା ହୋମିଓପ୍ୟାଥି ଚିକିତ୍ସାଳୟର ରେ ରହିଥିବା ସମସ୍ୟା ସ୍ବିକାର କରିଥିବା ବେଳେ ସେଠାରେ ଡାକ୍ତର ପଦବୀ ପାଇଁ ସରକାର ଙ୍କୁ ଲେଖା ଯାଇଥିବା କହିଛନ୍ତି | ଏହାସହ ଏକ୍ସପାଏରି ଓୌଷଧ ଉପରେ ତଦାରଖ କରିବା ସହ ଡାକ୍ତରଖାନା କେମିତି ସୁରୁଖୁରୁରେ ଚାଲିବ ସେ ନେଇ ଗୁରୁତ୍ବ ଦିଆଯିବ ବୋଲି କହିଥିଲେ | ଜଣେ ଡାକ୍ତର ଡେପୁଟେସନ ରେ ଦିଆଯାଇଥିବା କଥା କିନ୍ତୁ ସିଡିଏମଓ ଙ୍କ ପାଖରେ ଖବର ନାହିଁ | ସିଡିଏମଓ ତାଙ୍କ କଥା ରଖିବେ ନା ପୂଣି ଭୁଲିଯିବେ ତାହା ଆଗକୁ ଜଣା ପଡିବ | ଡାକ୍ତର ଠିକ ଭାବରେ ତାଙ୍କର ଦାୟୀତ୍ବ ତୁଲାଇଲେ ରୋଗୀ ସେବା ପାଇବା ସହ ଉପକୃତ ହୋଇ ପାରିବେ ନଚେତ୍ ଦିନ ଗଡି ଗଡି ଓୌଷଧ ର ଅବଧି ପୂଣି ଶେଷ ହୋଇଯିବ | ଏହା ଉପରେ ପ୍ରଶାସନ ଧ୍ୟାନ ଦେବାକୁ ସାଧାରଣରେ ଦାବୀ ହୋଇଛି |