vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ପ୍ରକାଶ ପାଇଲା ଚଳିତ ବର୍ଷର ମାଟ୍ରିକ୍ ପରୀକ୍ଷା ଫଳ, ମୋଟ୍ ପାସ୍ ହାର ୯୦.୫୫ ପ୍ରତିଶତ
  • ||
  • ରାଉରକେଲା : ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୦୧ କୋଭିଡ୍ ପଜିଟିଭ୍
  • ||
  • ଘରୋଇ ଗ୍ୟାସ୍ ସିଲିଣ୍ଡର ହେଲା ମହଙ୍ଗା, ସିଲିଣ୍ଡର ପିଛା ବଢିଲା ୫୦ ଟଙ୍କା
  • ||
  • ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ଭୁବନେଶ୍ୱର : ରଶ୍ମିରେଖାଙ୍କ ପୁରୁଷବନ୍ଧୁଙ୍କ ଆତ୍ମହତ୍ୟା, ରାଉରକେଲାରୁ ମିଳିଲା ଝୁଲନ୍ତା ମୃତଦେହ
  • ||

ପୂଜାରେ ରିଲିଜ ହେବ ପ୍ରଥମ ହୋ ଭାଷାର ଚଳଚ୍ଚିତ୍ର ‘ ଆମ୍ଗେ ଜୁଲୀ ’

15/09/2018 at 6:19 PM

କଟକ୧୫|୯: ଫିଲ୍ମ ମାଧ୍ୟମରେ ଆଦିବାସୀଙ୍କ ହୋ ଭାଷା ପହଞ୍ଚିବ ଜାତୀୟ ସ୍ତରରେ । ହୋ ଭାଷାକୁ ସମ୍ବିଧାନର ଅଷ୍ଟମ ପରିଚ୍ଛେଦ ଆନୁସାରେ ମାନ୍ୟତା ଦାବିକୁ ଜୋରଦାର୍ କରିବାକୁ ନିର୍ମାଣ ହୋଇଛି ପ୍ରଥମ ହୋ ଭାଷା ଚଳଚ୍ଚିତ୍ର, ଆମ୍ଗେ ଜୁଲୀ । ଯାହାର ଓଡିଆ ଅର୍ଥ ହେଉଛି ତୁ ମୋ ସାଥି । ଆସନ୍ତା ପୂଜାରେ ଫିଲ୍ମ ରିଲିଜ୍ ହେବ । କଟକରେ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଆମ୍ଗେ ଜୁଲୀର ଟ୍ରେଲର୍ ଓ ଗୀତ ରିଲିଜ୍ ହୋଇଛି ।

ଭାରତରେ ରହୁଛନ୍ତି ପ୍ରାୟ କୋଟିଏ ଚାଳିଶି ଲକ୍ଷ ହୋ ଭାଷା ଭାଷୀ ଲୋକ । ଓଡ଼ିଶାରେ ଏହି ସଂଖ୍ୟା ୨୫ ଲକ୍ଷ । କିନ୍ତୁ ହୋ ଭାଷାକୁ ସମ୍ବିଧାନର ଅଷ୍ଟମ ପରିଚ୍ଛେଦରେ ମାନ୍ୟତା ମିଳିନି । କି ମାନ୍ୟତା ପାଇଁ ସରକାରଙ୍କ ଦୃଷ୍ଟି ଆକର୍ଷଣ ବି କରାଯାଇନି ।ତେଣୁ ହୋ ଭାଷାକୁ ଜାତୀୟ ସ୍ତରରେ ପହଞ୍ଚାଇବା ପାଇଁ ଆରମ୍ଭ ହୋଇଛି ପ୍ରୟାସ । ନିର୍ମାଣ ହୋଇଛି ଫିଲ୍ମ । ହୋ ସମାଜ ଫିଲ୍ମ ଏକାଡେମୀ ଆନୁକୂଲ୍ୟରେ ନିର୍ମାଣ ହୋଇଛି ଫିଲ୍ମ ଆମ୍ଗ୍ ଜୁଲୀ । ଯାହାର ଓଡ଼ିଆ ଅର୍ଥ ହେଉଛି ତୁ ମୋ ସାଥୀ । କଟକରେ ଏହି ଚଳଚ୍ଚିତ୍ରର ଟ୍ରେଲର ଏବଂ ଅଡିଓ ରିଲିଜ ହୋଇଛି ।
ତ୍ରିକୋଣୀୟ ପ୍ରେମ କାହାଣୀକୁ ନେଇ ଫିଲ୍ମର ଷ୍ଟୋରୀ ଗତିଶୀଳ । ସଂଗ୍ରାମ ବିଶ୍ବାଳ ଫିଲ୍ମର ନିର୍ଦ୍ଦେଶନା ଦେଇଛନ୍ତି । କଣ୍ଠଦାନ କରିଛନ୍ତି କୁମାର ବାପି, ତପୁ ମିଶ୍ର ଓ ବିଷ୍ଣୁ ମୋହନ କବି । ଫିଲ୍ମକୁ ନେଇ ଅଭିନେତା ଓ ଅଭିନେତ୍ରୀ ବେଶ୍ ଆଶାବାଦୀ । ଏହି ଫିଲ୍ମ ହୋ ଭାଷା ଭାଷୀଙ୍କୁ ଏକତ୍ରିତ କରି ତାଙ୍କ ଭାଷାର ମାନ୍ୟତା ପାଇଁ ଲଢିବାକୁ ପ୍ରୋତ୍ସାହନ ଦେବ ବୋଲି ଫିଲ୍ମ ସହ ଜଡିତ ବ୍ୟକ୍ତିମାନେ ମତ ଦେଇଛନ୍ତି ।

ଆସନ୍ତା ପୂଜା ବଜାରରେ ଫିଲ୍ମକୁ ରିଲିଜ୍ କରିବାକୁ ଯୋଜନା ରଖିଛନ୍ତି ପ୍ରଯୋଜକ । ଓଡ଼ିଶା, ବିହାର, ଝାଡଖଣ୍ଡ, ପଶ୍ଚିମବଙ୍ଗ ଓ ଆସାମରେ ହୋ ଭାଷା ଭାଷି ଲୋକ ରହୁଛନ୍ତି । ତେଣୁ ସେହି ରାଜ୍ୟ ଗୁଡିକରେ ବି ଫିଲ୍ମକୁ ରିଲିଜ୍ କରାଯିବ ।

   Related Posts