vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୨୮ କୋଭିଡ୍ ପଜିଟିଭ୍
  • ||
  • ଦେଶରେ ବଢୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୧୮୯୩୦ କରୋନା ପଜିଟିଭ୍
  • ||
  • ଇଂଲଣ୍ଡରେ ଜନ୍ମଦିନ ପାଳିଲେ ଧୋନୀ, କାଟିଲେ କେକ୍ : ପତ୍ନୀ ସାକ୍ଷୀ ସେୟାର କଲେ ଭିଡିଓ
  • ||
  • କେବଳ ସ୍ପାଇସଜେଟ୍ ନୁହେଁ, ଅନ୍ୟ କମ୍ପାନୀର ବିମାନରେ ମଧ୍ୟ ବଢୁଛି ତ୍ରୁଟି : ଯାତ୍ରୀଙ୍କ ସୁରକ୍ଷାକୁ ନେଇ ଚିନ୍ତା
  • ||
  • ୪୧ ବର୍ଷରେ ପାଦ ଦେଲେ କ୍ୟାପ୍ଟେନ୍ କୁଲ୍ : ଟିମ୍ ଇଣ୍ଡିଆକୁ ଜିତାଇଥିଲେ ଦିନିକିଆ ଓ ଟି୨୦ ବିଶ୍ୱକପ୍
  • ||
  • ଜନ୍ମଦିନରେ ଓ୍ୱିମ୍ବଲଡନ୍ ଦେଖିବାକୁ ପହଁଚିଲେ ମାହି, ସାମ୍ନାକୁ ଆସିଲା ଫଟୋ
  • ||

ଉପର ମୁଣ୍ଡରେ ବର୍ଷା ନାହିଁ : କମିବାରେ ଲାଗିଛି ହୀରାକୁଦ ଜଳଭଣ୍ଡାରର ଜଳସ୍ତର

22/07/2019 at 5:40 PM

ସମ୍ବଲପୁର୨୨|୭: ଉପର ମୁଣ୍ଡରେ ବର୍ଷା ନାହିଁ । କମିବାରେ ଲାଗିଛି ହୀରାକୁଦ ଜଳଭଣ୍ଡାରର ଜଳସ୍ତର । ଗଲା ସପ୍ତାହେ ଧରି ହୀରାକୁଦରେ ପାଣି ଲଗାତର କମିବାରେ ଲାଗିଛି । ଗଲା ୫ବର୍ଷରେ ଏଭଳି ସ୍ଥିତି କେବେ ହୋଇନଥିଲା । ଏହାଦ୍ବାରା ବିଦ୍ୟୁତ୍‌ ଉତ୍ପାଦନ ଏବଂ ଜଳସେଚନ ପ୍ରଭାବିତ ହେବାର ଆଶଙ୍କା ସୃଷ୍ଟି ହୋଇଛି ।

ହୀରାକୁଦ ସ୍ଥିତି ସାଂଘାତିକ । ଉପର ମୁଣ୍ଡରେ ବର୍ଷା ନାହିଁ । ଗଲା ସପ୍ତାହେ ହେଲାଣି ହୀରାକୁଦରେ କମିବାରେ ଲାଗିଛି ଜଳସ୍ତର । ଜୁଲାଇ ମାସ ବେଳକୁ ଯୋଉଠି ହୀରାକୁଦର ପାଣି ନିସ୍କାସନ ହେବା କଥା ସେଠି ଚଳିତ ବର୍ଷ ଜଳସ୍ତର କମିବା ପରିସ୍ଥିତିକୁ ସଂଗୀନ କରିଛି ।

ଜୁଲାଇ ୧୬ରେ ୬୦୦ଫୁଟ ଉପରେ ପାଣି ଥିବା ବେଳେ ୨୨ବେଳକୁ ଏହା ୫୯୮ଫୁଟକୁ ଖସି ଆସିଲାଣି । ଏତେବେଳକୁ ଉପରମୁଣ୍ଡରେ ୩୫୦ ମିଲିମିଟର ବର୍ଷା ହେବା କଥା । ହେଲେ ହୋଇଛି ମାତ୍ର ୧୭୫ମିଲିମିଟର ବର୍ଷା । ଯେଉଁଥି ପାଇଁ ଜଳଭଣ୍ଡାରକୁ କମିଛି ଜଳ ପ୍ରବେଶ ।

ହୀରାକୁଦରେ ପାଣି ନାହିଁ । ଫଳରେ ବୁର୍ଲା ଜଳବିଦ୍ୟୁତ୍‌ ଉତ୍ପାଦନ କେନ୍ଦ୍ରରେ ବିଜୁଳି ଉତ୍ପାଦନ କମିଛି । ସେପଟେ ଉଭୟ ବରଗଡ଼ କେନାଲ ଓ ଶାସନ କେନାଲରେ ଜଳ ପ୍ରବାହ କମିଥିବାରୁ ତଳମୁଣ୍ଡରେ ଚାଷୀଙ୍କ ପାଖରେ ପହଞ୍ଚିପାରୁନି ପାଣି । ଫଳରେ ଗଜାମରୁଡ଼ି ପରିସ୍ଥିତି ସୃଷ୍ଟି ହେଲାଣି । ଯାହାକୁ ନେଇ ଏବେ ଚିନ୍ତାରେ ଚାଷୀ ।   

ହୀରାକୁଦରେ ଜଳସ୍ତର ୫୯୫ଫୁଟକୁ ଖସିଲେ ଶିଳ୍ପକୁ ଜଳଯୋଗାଣ, ୫୯୦ଫୁଟକୁ ଖସିଲେ କୃଷି ଓ ବିଦ୍ୟୁତ୍‌ ଉତ୍ପାଦନ ପାଇଁ ଜଳ ଯୋଗାଣ ବନ୍ଦ କରାଯାଏ । ଯଦି ଆଗକୁ ବଡ଼ ବର୍ଷା ନହୁଏ ତାହେଲେ ସ୍ଥିତି ଗମ୍ଭୀର ହେବ ତାହା ଜଳ ଜଳ ଦେଖାଗଲାଣି ।

   Related Posts