vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୨୮ କୋଭିଡ୍ ପଜିଟିଭ୍
  • ||
  • ଦେଶରେ ବଢୁଛି ସଂକ୍ରମଣ, ୨୪ ଘଣ୍ଟାରେ ବାହାରିଲେ ୧୮୯୩୦ କରୋନା ପଜିଟିଭ୍
  • ||
  • ଇଂଲଣ୍ଡରେ ଜନ୍ମଦିନ ପାଳିଲେ ଧୋନୀ, କାଟିଲେ କେକ୍ : ପତ୍ନୀ ସାକ୍ଷୀ ସେୟାର କଲେ ଭିଡିଓ
  • ||
  • କେବଳ ସ୍ପାଇସଜେଟ୍ ନୁହେଁ, ଅନ୍ୟ କମ୍ପାନୀର ବିମାନରେ ମଧ୍ୟ ବଢୁଛି ତ୍ରୁଟି : ଯାତ୍ରୀଙ୍କ ସୁରକ୍ଷାକୁ ନେଇ ଚିନ୍ତା
  • ||
  • ୪୧ ବର୍ଷରେ ପାଦ ଦେଲେ କ୍ୟାପ୍ଟେନ୍ କୁଲ୍ : ଟିମ୍ ଇଣ୍ଡିଆକୁ ଜିତାଇଥିଲେ ଦିନିକିଆ ଓ ଟି୨୦ ବିଶ୍ୱକପ୍
  • ||
  • ଜନ୍ମଦିନରେ ଓ୍ୱିମ୍ବଲଡନ୍ ଦେଖିବାକୁ ପହଁଚିଲେ ମାହି, ସାମ୍ନାକୁ ଆସିଲା ଫଟୋ
  • ||

ଆସନ୍ତାକାଲି ହୀରାକୁଦ ଜଳଭଣ୍ଡାରରୁ ପ୍ରଥମ ବନ୍ୟାଜଳ ନିଷ୍କାସନ କରାଯିବ, ୪୮ଘଣ୍ଟାପରେ ପାଣି ପହଞ୍ଚିବ ମୁଣ୍ଡୁଳି…

13/08/2019 at 4:48 PM

ଆସନ୍ତାକାଲି ହୀରାକୁଦ ଜଳଭଣ୍ଡାରରୁ ପ୍ରଥମ ବନ୍ୟାଜଳ ନିଷ୍କାସନ କରାଯିବ । ସକାଳ ୧୧ଟା ପରେ ଯେ କୌଣସି ମୂହୁର୍ତ୍ତରେ ଖୋଲିବ ଗେଟ୍ । ମହାନଦୀର ଉପର ମୁଣ୍ଡରେ ପ୍ରବଳ ବର୍ଷା ଲାଗିରହିଥିବାରୁ, ଜଳଭଣ୍ଡାର ଭିତରକୁ ପ୍ରବଳ ବେଗରେ ଜଳ ପ୍ରବେଶ କରୁଛି। ତେଣୁ ହୀରାକୁଦ ନଦୀବନ୍ଧ ରୁଲ୍‌କର୍ଭ ଅନୁଯାୟୀ ଏହି ଜଳନିଷ୍କାସନ କରାଯିବାକୁ ନଦୀବନ୍ଧ କର୍ତ୍ତୃପକ୍ଷ ନିଷ୍ପତ୍ତି ନେଇଛନ୍ତି।

ଆସନ୍ତାକାଲି ହୀରାକୁଦ ଜଳଭଣ୍ଡାରରୁ ଚଳିତ ବର୍ଷର ପ୍ରଥମ ବନ୍ୟାଜଳ, ଦିନ ୧୧ଟା ପରେ ଯେ କୌଣସି ମୁହୂର୍ତ୍ତରେ ଛଡାଯିବ। ମହାନଦୀର ଉପର ମୁଣ୍ଡରେ ବର୍ଷା ଲାଗିରହିଥିବାରୁ, ଉଭୟ କଲ୍‌ମା ଓ କାଲେ ବ୍ୟାରେଜ୍‌ର ସମସ୍ତ ଗେଟ୍‌ ବନ୍ଦ ରହିଥିଲେ ମଧ୍ୟ,ଜଳଭଣ୍ଡାର ଭିତରକୁ ବହୁମାତ୍ରାରେ ଜଳପ୍ରବେଶ କରୁଛି ।

ଆଜି ହୀରାକୁଦ ଜଳଭଣ୍ଡାର ଜଳସ୍ତର ୬୧୬.୮୭ ରହିଛି। ପ୍ରତି ସେକେଣ୍ଡରେ ଜଳଭଣ୍ଡାର ଭିତରକୁ ୧ଲକ୍ଷ ୧୨ହଜାର ୨୦୧ ଏକ କ୍ୟୁସେକ୍‌ ଜଳ ପ୍ରବେସ କରୁଥିବା ବେଳେ, ପ୍ରତି ସେକେଣ୍ଡରେ ୧୬ହଜାର ୮୬୫ କ୍ୟୁସେକ୍‌ ଜଳ ନିଷ୍କାସିତ ହେଉଛି । ଜଳଭଣ୍ଡାରର ସୁରକ୍ଷା ଓ ଜଳପରିଚାଳନା ରୁଲ୍‌ କର୍ଭ ଅନୁଯାୟୀ, ବନ୍ୟାଜଳ ନିଷ୍କାସନ କରାଯିବାକୁ ନଦୀବନ୍ଧ କର୍ତ୍ତୃପକ୍ଷ ନିଷ୍ପତ୍ତି ନେଇଛନ୍ତି ।

ହେଲେ ମହାନଦୀ ତଳମୁଣ୍ଡରେ ଯେପରି ବନ୍ୟାପରିସ୍ଥିତି ସୃଷ୍ଟି ନହେବ ଓ ଜଳଭଣ୍ଡାର ଭିତରକୁ ପ୍ରବେଶ କରୁଥିବା ଜଳକୁ ଆଖି ଆଗରେ ରଖି, ପ୍ରଥମେ ତିନୋଟି ଗେଟ୍‌ ଖୋଲାଯିବାକୁ ନିଷ୍ପତ୍ତି ନିଆଯାଇଛି। ମହାନଦୀର ତଳମୁଣ୍ଡରେ ଥିବା ସମସ୍ତ ୬ଟି ଜିଲ୍ଲାର ଜିଲ୍ଲାପାଳ ଓ ଏସ୍‌ପିଙ୍କ ସୂଚନା ପ୍ରଦାନ କରାଯାଇଥିବାବେଳେ,ସମ୍ବଲପୁର ସହର ସମେତ ତଳମୁଣ୍ଡରେ ମାଇକ୍‌ ଯୋଗେ ପ୍ରଚାର କରାଯିବା ସହ,ସମସ୍ତଙ୍କୁ ସର୍ତକ କରାଯାଇଛି

ଜଳଭଣ୍ଡାରରୁ ତିନୋଟି ସୁଇସ୍‌ ଗେଟ୍‌ ଦେଇ ଜଳନିଷ୍କାସନ କରାଯିବା ପରେ, ଏହା ମୁଣ୍ଡୁଳୀ ନିକଟରେ ପହଞ୍ଚିବାକୁ ପ୍ରାୟ ୪୮ଘଣ୍ଟା ସମୟ ଲାଗିବ। ସେହି ସମୟରେ ତଳମୁଣ୍ଡରେ ବର୍ଷା, ଓ ବନ୍ୟା ପରିସ୍ଥିତି ଦେଖି, ପ୍ରତି ୩ଘଣ୍ଟାରେ ସ୍ଥିତିର ସମୀକ୍ଷା କରାଯିବ। ଜଳଭଣ୍ଡାରର ସ୍ଥିତି,ଜଳପ୍ରବେଶର ମାତ୍ରା ଓ ତଳମୁଣ୍ଡରେ ମୁଣ୍ଡୁଳୀ ଠାରେ ବନ୍ୟାଜଳ ସମୁଦ୍ରକୁ ନିଷ୍କାସିତ ହେବାପରେ, ପର୍ଯ୍ୟାୟ କ୍ରମେ ଅଧିକ ସୁଇସ୍‌ ଗେଟ୍‌ ଖୋଲାଯାଇ ଜଳ ଛଡାଯିବ କି, ଖୋଲାଥିବା ଗେଟ୍‌ ବନ୍ଦ କରାଯିବ ତାହା ଉଚ୍ଚସ୍ତରୀୟ ଅଧିକାରୀଙ୍କ ବୈଠକରେ ନିଷ୍ପତ୍ତି ଗ୍ରହଣ କରାଯିବ।

ଚଳିତବର୍ଷ ପ୍ରାୟ ୨୧ଦିନ ବିଳମ୍ବରେ ହୀରାକୁଦ ଜଳଭଣ୍ଡାରରୁ ପ୍ରଥମ ବନ୍ୟାଜଳ ନିଷ୍କାସନ ହେବ। ମହାନଦୀ ଉପରମୁଣ୍ଡରେ ଜୁଲାଇମାସ ଓ ଅଗଷ୍ଟମାସ ପ୍ରଥମ ସପ୍ତାହରେ କମ୍‌ ବର୍ଷା ହେବା ଏବଂ ଛତିଶଗଡ ସରକାର ଉଭୟ କାଲୋ ଓ କଲ୍‌ମା ବ୍ୟାରେଜ୍‌ର ସମସ୍ତ ଗେଟ୍‌ ବନ୍ଦ କରିଦେଇଥିବାରୁ, ଜଳଭଣ୍ଡାର ଭିତରକୁ ଜଳପ୍ରବେଶ ବିଳମ୍ବ ହେଲା ବୋଲି, ହୀରାକୁଦ ନଦୀବନ୍ଧ କର୍ତ୍ତୃପକ୍ଷ କହିଛନ୍ତି ।

   Related Posts