suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ହିମାଚଳର ନୂଆ ମୁଖ୍ୟମନ୍ତ୍ରୀ ସୁଖବୀନ୍ଦର ସିଂହ ସୁଖୁ, ୧୫ତମ ସିଏମ୍ ଭାବେ ନେଲେ ଶପଥ, ମୁକେଶ ଅଗ୍ନିହୋତ୍ରୀ ଉପ-ମୁଖ୍ୟମନ୍ତ୍ରୀ

11/12/2022 at 2:24 PM

ସିମ୍‌ଲା: ହିମାଚଳ ପ୍ରଦେଶକୁ ମିଳିଲା ନୂଆ ମୁଖ୍ୟମନ୍ତ୍ରୀ । ସୁଖବୀନ୍ଦର ସିଂହ ସୁଖୁ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି । ରାଜ୍ୟପାଳ ରାଜେନ୍ଦ୍ର ବିଶ୍ବନାଥ ଆର୍ଲେକର ତାଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି । ଶପଥ ସମାରୋହରେ ରାହୁଲ ଗାନ୍ଧି ଓ ପ୍ରିୟଙ୍କା ଗାନ୍ଧିଙ୍କ ସମେତ କଂଗ୍ରେସର ବହୁ ବରିଷ୍ଠ ନେତା ଉପସ୍ଥିତ ରହିଥିଲେ ।

ହିମାଚଳ ପ୍ରଦେଶର ୧୫ତମ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ସୁଖବୀନ୍ଦର ସିଂହ ସୁଖୁ । ସିମ୍‌ଲା ଐତିହାସିକ ରିଜ୍ ପଡ଼ିଆରେ ଶପଥ ଗ୍ରହଣ ଉତ୍ସବ ହୋଇଥିଲା । ହିମାଚଳ ପ୍ରଦେଶ ରାଜ୍ୟପାଳ ରାଜେନ୍ଦ୍ର ବିଶ୍ବନାଥ ସୁଖବୀନ୍ଦର ସିଂହଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଥିଲେ । ସେହିପରି ବରିଷ୍ଠ ନେତା ମୁକେଶ ଅଗ୍ନିହୋତ୍ରୀ ଡେପୁଟି ସିଏମ ଭାବେ ଶପଥ ନେଇଛନ୍ତି । ଶପଥ ସମାରୋହରେ କଂଗ୍ରେସ ପାର୍ଟି ଅଧ୍ୟକ୍ଷ ମଲ୍ଲିକା ଅର୍ଜୁନ ଖଡଗେ, ରାହୁଲ ଗାନ୍ଧି, ପ୍ରିୟାଙ୍କ ଗାନ୍ଧି ଭଦ୍ରାଙ୍କ ସମେତ ବହୁ ବରିଷ୍ଠ ନେତା ଉପସ୍ଥିତ ଥିଲେ ।   

ହିମାଚଳ ପ୍ରଦେଶରେ ମୋଟ୍ ୬୮ଟି ବିଧାନସଭା ଆସନରୁ ୪୦ଟି ସିଟ୍ ବିଜୟ ହୋଇଛି କଂଗ୍ରେସ । ସେହିପରି ବିଜେପିକୁ ମିଳିଛି ୨୫ଟି ଆସନ ଓ ସ୍ବାଧୀନରୁ 3ଜଣ ବିଜୟୀ ହୋଇଛନ୍ତି । ରବିବାର କେବଳ ମୁଖ୍ୟମନ୍ତ୍ରୀ ସୁଖବୀନ୍ଦର ସିଂହ ଓ ଡେପୁଟି ସିଏମ ମୁକେଶ ଅଗ୍ନିହୋତ୍ରୀ ଶପଥ ନେଇଥିବାବେଳେ ପରେ କ୍ୟାବିନେଟ୍ ମନ୍ତ୍ରିମଣ୍ଡଳ ବିସ୍ତାର ହେବ ।

   Related Posts