scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ସିମ୍‌ଲା ବିଧାୟକ ବିକ୍ରମାଦିତ୍ୟ ସିଂଙ୍କୁ ସମନ, ପତ୍ନୀଙ୍କୁ ନିର୍ଯାତନା ଅଭିଯୋଗ ପରେ ନୋଟିସ୍ ଜାରି କଲେ କୋର୍ଟ

16/12/2022 at 4:52 PM

ସିମ୍‌ଲା: ହିମାଚଳ ପ୍ରଦେଶ କଂଗ୍ରେସ ଅଧ୍ୟକ୍ଷ ଓ ବିଧାୟକ ପୁଅଙ୍କ ଉପରେ ନିର୍ଯାତନା ମାମଲା । ଅଭିଯୋଗ ପରେ ସିମ୍‌ଲା ବିଧାୟକଙ୍କୁ ସମନ ଜାରି କଲେ କୋର୍ଟ । ବିକ୍ରମାଦିତ୍ୟ ସିଂଙ୍କ ପତ୍ନୀ ସୁଦର୍ଶନ ସିଂ ଚୂଣ୍ଡାବତ ନିଜ ସ୍ବାମୀ, ଶାଶୁ ପ୍ରତିଭା ସିଂ, ନଣନ୍ଦ ଅପରାଜିତା ଏବଂ ଦିଅର ଅଙ୍ଗଦ ସିଂଙ୍କ ନାଁରେ ଘରୋଇ ହିଂସା ଓ ନିର୍ଯାତନା ଅଭିଯୋଗ ଆଣିଛନ୍ତି ।

ସୂଚନା ଅନୁଯାୟୀ, ହିମାଚଳର ପୂର୍ବତନ ମୁଖ୍ୟମନ୍ତ୍ରୀ ବୀରଭଦ୍ର ସିଂଙ୍କ ପୁଅ ବିକ୍ରମାଦିତ୍ୟ ସିଂଙ୍କ ନାଁରେ ପତ୍ନୀ ନିର୍ଯାତନା ମାମଲା ଦାୟର କରିଥିଲେ।  ଅଭିଯୋଗ ଆସିବା ପରେ ରାଜସ୍ଥାନ ଉଦୟପୁର ଜିଲ୍ଲା କୋର୍ଟ ଓ ଏକ ଫ୍ୟାମିଲି କୋର୍ଟ ପଚରାଉଚରା ପାଇଁ ସମନ ଜାରି କରିଛନ୍ତି । ବିକ୍ରମାଦିତ୍ୟ ସିଂ ଏବେ ସିମ୍‌ଲାର ବିଧାୟକ ଅଛନ୍ତି । ସୁଦର୍ଶନ ସିଂ ଚୂଣ୍ଡାବତଙ୍କୁ ସ୍ବାମୀ ବିକ୍ରମାଦିତ୍ୟ ଓ ତାଙ୍କ ପରିବାର ଲୋକ ନିର୍ଯାତନା ଦେଉଥିଲେ । ଅନ୍ୟପଟେ ବିକ୍ରମାଦିତ୍ୟଙ୍କର ଗଣ୍ଡିଗଡ଼ରେ ଜଣେ ମହିଳାଙ୍କ ସହିତ ସଂପର୍କ ରହିଛି ବୋଲି ପତ୍ନୀ ଅଭିଯୋଗ ଲଗାଇଛନ୍ତି । ବିବାହ ପରେ ବିକ୍ରମାଦିତ୍ୟ ତାଙ୍କ ଉପରେ ନଜର ରଖିବା ପାଇଁ ଘରେ ସିସିଟିଭି କ୍ୟାମେରା ଫିଟ୍ କରିଥିଲେ ବୋଲି ସୁଦର୍ଶନ ସିଂ କହିଛନ୍ତି ।

ସୁଦର୍ଶନଙ୍କ ଅଭିଯୋଗ ପରେ ଜାନୁଆରୀ ମାସରେ ରାଜସ୍ଥାନର ଉଦୟପୁର ଜିଲ୍ଲା କୋର୍ଟରେ ହାଜର ହେବାକୁ ବିକ୍ରମାଦିତ୍ୟଙ୍କୁ ନୋଟିସ୍ ଜାରି ହୋଇଛି । ସେହିପରି ଭରଣ ପୋଷଣ ମାମଲା ଏକ ଫ୍ୟାମିଲ୍ କୋର୍ଟରେ ହାଜର ହେବା ଲାଗି ସମନ ଜାରି ହୋଇଛି ।

ବିକ୍ରମାଦିତ୍ୟଙ୍କ ସହିତ ସୁଦର୍ଶନ ସିଂଙ୍କ ୨୦୧୯ ମସିହାରେ ବିବାହ ହୋଇଥିଲା । ବାହାଘର କିଛି ଦିନ ମଧ୍ୟରେ ପରିବାର ଲୋକ ଯୌତୁକ ନିର୍ଯାତନା ଦେଇଥିଲେ । ଶ୍ବଶୁର ବୀରଭଦ୍ର ସିଂଙ୍କ ମୃତ୍ୟୁ ପରେ ବିକ୍ରମାଦିତ୍ୟ ପତ୍ନୀଙ୍କୁ ୧୦କୋଟି ଟଙ୍କା ଡିମାଣ୍ଡ କରିଥିଲେ ବୋଲି ସୁଦର୍ଶନ ଅଭିଯୋଗ କରିଛନ୍ତି ।

ବିକ୍ରମାଦିତ୍ୟଙ୍କ ବିରୋଧରେ ଜାମିନ ବିହୀନ ଗିରଫ ପରଓ୍ବନା ଜାରି ହୋଇଥିବା ସୋସିଆଲ୍ ମିଡିଆରେ ଭାଇରାଲ ହେଉଛି । ଏହାକୁ ନେଇ ମୁହଁ ଖୋଲିଛନ୍ତି ବିକ୍ରମାଦିତ୍ୟ। ତାଙ୍କ ପରିବାର ନାଁରେ କୌଣସି ସମନ ଜାରି ହୋଇନାହିଁ ବୋଲି କହିଛନ୍ତି ।

   Related Posts