Hari omm 2
hari om films
AKK 2023
AKK2023
HARI-OMM_728X90_B
Showcase2022
hari om films
WEB_F-8
WEB_F-9
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ରାଜଧାନୀରେ ହାଇପ୍ରୋଫାଇଲ୍ ଅତିଥି ଚୋର: ବାହାଘର ରିସେପ୍ସନରେ ଖାଇଲେ , ୭ଲକ୍ଷର ଗିଫ୍ଟ ବ୍ୟାଗ୍ ଧରି ଛୁ ମାରିଲେ, ସିସିଟିଭି ଫୁଟେଜ୍‌ରେ ଲୁଟ୍‌ର ଲାଇଭ୍

3/03/2020 at 7:48 PM

ଭୁବନେଶ୍ବର ୩/୩: ବାହାଘର ପାର୍ଟିରୁ ଫିଲ୍ମ ଷ୍ଟାଇଲରେ ଲୁଟ୍ । ଶତାଧିକ ଲୋକଙ୍କ ଆଖିରେ ଧୂଳି ଦେଇ ଲୁଟିଲେ ଦୁଇ ଦୁବୃର୍ତ୍ତ । ଅତିଥି ହୋଇ ଦୁବୃର୍ତ୍ତ ବାହାଘର ଭୋଜିକୁ ଆସିଥିଲେ । ସେଠାରେ ଉପସ୍ଥିତ ଥିବା ଲୋକଙ୍କ ସହ ମିଶିଲେ । ତା ପରେ ମଉକା ଦେଖି ସମସ୍ତଙ୍କୁ ଭୂଆଁ ବୁଲେଇ ଗିଫ୍ଟ ମିଳିଥିବା ଟଙ୍କା ବ୍ୟାଗକୁ ନେଇ ଚମ୍ପଟ ମାରିଲେ । ଶନିବାର ଚନ୍ଦ୍ରଶେଖରପୁର ଥାନା ନିକଟରେ ଥିବା ଏକ ବାହାଘର ମଣ୍ଡପରେ ଏହି ଲୁଟ ହୋଇଛି ।

ଏହି ଦୁଇ ଜଣ ଯୁବକ ଲୁଟ କରିଛନ୍ତି । ଜଣେ ଧଳା ପ୍ୟାଣ୍ଟ ଓ ଫୁଲ ସାର୍ଟ ପିନ୍ଧିଥିଲା। ଆଉ ଜଣେ ପିନ୍ଧିଥିଲା କଳା ଫୁଲ ଟି ସାର୍ଟ ଓ ଜିନ୍ସ ପ୍ୟାଣ୍ଟ । ସିସି ଟିଭି ଫୁଟେଜରେ ପୂରା ଲୁଟର ଦୃଶ୍ୟଟି କଏଦ ରହିଛି । ପ୍ରଥମେ ଦୁଇ ଜଣ ବାହାଘର ଭୋଜି ଭିତରକୁ ପଶିଲେ । ପରେ ବାହାଘର ଭୋଜିରେ ବୁଲିଲେ । ଯେଉଁ ସୋଫା ଉପରେ ଟଙ୍କା ବ୍ୟାଗଟି ଅଛି, ତା ନିକଟରେ ଯୁବକ ଜଣକ ବୁଲିଥିଲା। ପରେ ଧିରେ ଧିରେ ସୋଫା ପାଖକୁ ଯାଇଥିଲା । ଆଉ ଚାରିଆଡ଼େ ନଜର କରିଥିଲା, ଯେମିତି ତାକୁ କେହି ଦେଖୁନାହାନ୍ତି ତ । ଏହା ପରେ ଆଖି ପିଛୁଳାକେ ବ୍ୟାଗ୍ ନେଇ ଚମ୍ପଟ ମାରୁଛି । ଏହାକୁ ନେଇ ଚନ୍ଦ୍ରଶେଖରପୁର ଥାନାରେ ଅଭିଯୋଗ ପରେ ତଦନ୍ତ ଆରମ୍ଭ ହୋଇଛି । ସେପଟେ ସିସି ଟିଭି ଫୁଟେଜ ଆଧାରରେ ପୋଲିସ ତଦନ୍ତ ଆରମ୍ଭ କରିଛି।

ରାଜଧାନୀରେ ଦିନକୁ ବଢୁଛି ଲୁଟ । ପୋଲିସ ଯେତେ ସତର୍କ ହେଲେ ମଧ୍ୟ, ଲୁଟ କରୁଥିବା ଅପରାଧୀ ନୂଆ ନୂଆ ତରିକା ଆପଣାଉଛନ୍ତି । ଯାହା ବର୍ତମାନ ପୋଲିସ ପାଇଁ ପାଲଟିଛି ମୁଣ୍ଡବିନ୍ଧାର କାରଣ । ଏହି ବ୍ୟାଗରେ ପ୍ରାୟ ୭ଲକ୍ଷ ଟଙ୍କା ରହିଥିଲା ବୋଲି ଜଣା ପଡ଼ିଛି।

   Related Posts