oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: ରେଶମ ସହରରେ ବେଧଡ଼କ ଚାଲିଛି ଧଳାଜହର କାରବାର, ଜଣେ ମହିଳା ଗିରଫ
  • ||
  • ରାୟଗଡା : ବନ୍ଦ ହେଲା ରାଜ୍ୟର ଦ୍ୱିତୀୟ ଝୁଲାପୋଲ, ସୁରକ୍ଷା ଦୃଷ୍ଟିରୁ ପ୍ରଶାସନର ନିଷ୍ପତ୍ତି
  • ||
  • ଏକ୍‌ଜିଟ୍ ପୋଲର ଆକଳନ, ଇଟାଲୀର ପ୍ରଧାନମନ୍ତ୍ରୀ ହେବେ ମେଲୋନୀ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୬୪ କୋଭିଡ୍ ପଜିଟିଭ୍
  • ||
  • ସାଲେପୁର: ବିଳମ୍ୱିତ ରାତିରେ ମାତିଲେ ଲୁଟେରା, ମନ୍ଦିରରୁ ଲୁଟିନେଲେ ୩ କୋଟିର ଅଷ୍ଟଧାତୁ ମୂର୍ତ୍ତି
  • ||
  • ଯାଜପୁର: ଗଡିବ ମା’ ବିରଜାଙ୍କ ସିଂହଧ୍ଵଜ ରଥ, ୯ ଦିନ ଧରି ଭକ୍ତଙ୍କୁ ଦର୍ଶନ ଦେବେ ଦେବୀ
  • ||
  • ହିମାଚଳ ପ୍ରଦେଶର କୁଲୁରେ ମର୍ମନ୍ତୁଦ ଦୁର୍ଘଟଣା, ୭ ପର୍ଯ୍ୟଟକ ମୃତ
  • ||
  • ସୋମବାରଠୁ ନବରାତ୍ର ପୂଜା, ମାଆଙ୍କ ଷୋଡ଼ଶ ପୂଜାପାଠରେ କମ୍ପୁଛି ଶକ୍ତିପୀଠ
  • ||
  • ମୋହନା : ଘାଟିରେ ଓଲଟିଲା ଯାତ୍ରୀବାହୀ ବସ୍, ଅଳ୍ପକେ ବର୍ତ୍ତିଲେ ୨୪ଯାତ୍ରୀ
  • ||

ଜାତୀୟସ୍ତରରେ ଫୁଟବଲ୍ ଖେଳି ରାଜ୍ୟ ପାଇଁ ଆଣିଥିଲେ ଗୌରବ, ଆର୍ଥିକ ଅନଟନ ଯୋଗୁଁ ଏବେ ଇଟାଭାଟିରେ ଲାଗୁଛନ୍ତି ମଜୁରୀ

10/11/2021 at 11:20 PM

ପଟ୍ଟାମୁଣ୍ଡାଇ ୧୦।୧୧: ଅବହେଳିତ ପ୍ରତିଭା । ଦିନ ଥିଲା ଜାତୀୟସ୍ତରରେ ଫୁଟବଲ ଖେଳି ରାଜ୍ୟ ପାଇଁ ଆଣିଥିଲେ ଗୌରବ । ଦେଶର ନାଁ ବିଶ୍ବ ଦରବାରରେ ପହଞ୍ଚାଇଥିଲେ । ହେଲେ ଏବେ ସେ ଲାଗୁଛନ୍ତି ମୂଲ ପେଟପାଟଣା ପାଇଁ । ଆର୍ଥିକ ଅନଟନ ଯୋଗୁଁ ଇଟାଭାଟିରେ କରୁଛନ୍ତି ମଜୁରୀ । ନା ମିଳୁଛି ପ୍ରୋତ୍ସାହନ, ନା କୌଣସି ସରକାରୀ ସହାୟତା । ଏଭଳି ସଂଘର୍ଷମୟ ଜୀବନ ବିତାଉଛନ୍ତି କେନ୍ଦ୍ରାପଡା ଆଳି ବ୍ଲକ୍ ଦେଓମାଳ ଗାଁର ସୁଜାତା ମଲ୍ଲିକ ।

୧୧ ବର୍ଷ ବୟସରୁ ଆରମ୍ଭ କରିଥିଲେ ଫୁଟବଲ ଖେଳର ଯାତ୍ରା । ଫୁଟବଲର ଏନ୍ତୁଡିଶାଳ ଆଳି ମିନି ଷ୍ଟାଡିୟମରୁ ଖେଳ ଆରମ୍ଭ କରିଥିଲେ ସୁଜାତା । ୨୦୦୫ରୁ ୨୦୧୫ ଯାଏଁ ଓଡିଶା ସବ୍ ଜୁନିୟର ଏବଂ ଜୁନିୟର ଦଳ ପକ୍ଷରୁ ଜାତୀୟ ଚାମ୍ପିୟନସିପରେ କରିଥିଲେ ପ୍ରତିନିଧିତ୍ବ । ଜାତୀୟ ସ୍ତରରେ ଖେଳି ଦେଶ ପାଇଁ ସୁନାମ ଅର୍ଜନ କରିବେ ବୋଲି ସ୍ବପ୍ନ ବି ଦେଖିଥିଲେ । କିନ୍ତୁ ବିଧିର ବିଧାନ ଥିଲା ଅଲଗା । ଆର୍ଥିକ ଅନଟନ ଯୋଗୁଁ ଗୁଜୁରାଣ ମେଣ୍ଟଇବା ସମ୍ଭବପର ହେଲାନି । ତାଙ୍କର ଏକମାତ୍ର ପୁଅ ହୃଦରୋଗରେ ଆକ୍ରାନ୍ତ । ପୁଅର ଚିକିତ୍ସା ଏବେ ସ୍ବାମୀ-ସ୍ତ୍ରୀଙ୍କୁ ସଜାଇଛି ଦିନ ମଜୁରିଆ ।

କ୍ରୀଡାର ବିକାଶ ପାଇଁ ଅନେକ ଯୋଜନା । କ୍ରୀଡାବିତ୍ଙ୍କୁ ଆଗକୁ ବଢିବା ପାଇଁ ଯୋଗାଇ ଦିଆଯାଉଛି ପ୍ରୋତ୍ସାହନ । କିନ୍ତୁ ଭାଗ୍ୟର ବିଡମ୍ବନା, ସୁଜାତାଙ୍କୁ ନା ମିଳିଛି କୌଣସି ସରକାରୀ ସହାୟତା ନା ବେସରକାରୀ ସାହାଯ୍ୟ । ସେପଟେ ସମସ୍ତ ପ୍ରକାର ସରକାରୀ ସୁବିଧା ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି ବିଡ଼ିଓ ।

ଫୁଟବଲ ମୈଦାନରେ ବାହାଦୁରି ଦେଖାଇ ଦିନେ ଯିଏ ରାଜ୍ୟ ପାଇଁ ସୁନାମ ଅର୍ଜନ କରିଥିଲେ ଆଜି ସେ ଜୀବନ ସହ କରୁଛନ୍ତି ସଂଘର୍ଷ । ଏଭଳି ପ୍ରତିଭାବାନ ଖେଳାଳିଙ୍କୁ ଏବେ ସରକାରୀ ପ୍ରୋତ୍ସାହନ ଜରୁରୀ ହୋଇପଡିଛି ।

   Related Posts