ଆଠମଲ୍ଲିକ ୧୭।୩: ରାଜ୍ୟବ୍ୟାପୀ ଡ୍ରାଇଭରଙ୍କ ଷ୍ଟିୟରିଂ ଛାଡ ଆନ୍ଦୋଳନ ତୃତୀୟ ଦିନରେ ପହଞ୍ଚିଛି । ଡ୍ରାଇଭରଙ୍କ ଆନ୍ଦୋଳନର ପ୍ରଭବ ପେଟ୍ରୋଲ ଟାଙ୍କିରେ ପଡିଛି । ପେଟ୍ରୋଲ ଟାଙ୍କିରେ ନାହିଁ ନଥିବା ଭିଡ ଲାଗିଛି ।

ଅନୁଗୋଳ ଜିଲ୍ଲା ଆଠମଲ୍ଲିକର ସବୁ ପେଟ୍ରୋଲ ଟାଙ୍କିରୁ ପେଟ୍ରୋଲ ଡିଜେଲ ସରିଯିବା ପରେ ମାତ୍ର ଗୋଟିଏ ପେଟ୍ରୋଲ ଟାଙ୍କିରୁ ତେଲ ଭରିବା ପାଇଁ ପ୍ରବଳ ଭିଡ଼ ଦେଖାଦେଇଛି । ଭିଡ଼କୁ ନିୟନ୍ତ୍ରଣ କରିବା ପାଇଁ ଆଠମଲ୍ଲିକ ପୋଲିସକୁ ଖବର ଦିଆଯାଇଥିଲା । ମାତ୍ର ପୋଲିସ ନ ପହଞ୍ଚିବାରୁ କିଛି ଘଣ୍ଟା ତେଲ ଭରିବା ପାଇଁ ଲୋକଙ୍କ ଭିତରେ ଉତ୍ତେଜନା ପରିସ୍ଥିତି ସୃଷ୍ଟି ହେଇଥିଲା । ଫଳରେ ଟାଙ୍କି ମାଲିକ ତେଲ ସରିଗଲା କହି ଟାଙ୍କି ବନ୍ଦ କରି ଚାଲି ଯାଇଥିଲେ । ପରେ ଉପଜିଲ୍ଲାପାଳ ଓ ଯୋଗାଣ ଅଧିକାରୀ ଆସି ପ୍ରତ୍ୟେକ ବାଇକକୁ ଏକ ଲିଟର ପେଟ୍ରୋଲ ଦିଆଯାଉଥିବା ଦେଖିବାକୁ ମିଳିଥିଲା ।