ଭୁବନେଶ୍ୱର ୦୭/୦୭: ଗତ ୨୪ ଘଣ୍ଟା ହେଲା ରାଜ୍ୟରେ ମୌସୁମୀ ସକ୍ରିୟ ହୋଇଥିବାରୁ ବିଭିନ୍ନ ସ୍ଥାନରେ ବର୍ଷା ଜାରି ରହିଛି। ଉତ୍ତର-ବଙ୍ଗୋପସାଗର ପାର୍ଶ୍ବବର୍ତ୍ତୀ କେନ୍ଦ୍ରୀୟ ବଙ୍ଗୋପସାଗର ଅଞ୍ଚଳରେ ସକ୍ରିୟ ଘୂର୍ଣ୍ଣିବଳୟ ପ୍ରଭାବରେ ରାଜ୍ୟରେ ବିସ୍ତୃତ ବର୍ଷା ହୋଇଯାଇଛି। ଗତ ୨୪ ଘଣ୍ଟାରେ ରାଜ୍ୟରେ ୧୪.୬ ମିମି ବର୍ଷା ରେକର୍ଡ ହୋଇଛି ।
ଏହା ସ୍ୱାଭାବିକ ବର୍ଷା ତୁଳନାରେ ୪୬% ଅଧିକ ବୋଲି ଆଞ୍ଚଳିକ ପା ଣିପାଗ ବିଜ୍ଞାନ କେନ୍ଦ୍ର କହିଛି। ଆସନ୍ତା ୧୦ ତାରିଖ ଯାଏ ରାଜ୍ୟରେ ବର୍ଷା ଜାରି ରହିବ। ତେବେ ନିୟମିତ ବଡ଼ ବର୍ଷା ନାହିଁ । ଏଯାଏଁ ନିଅଣ୍ଟିଆ ସ୍ଥିତିରୁ ବାହାରି ପାରୁନି ରାଜ୍ୟ । ଜୁଲାଇ ପ୍ରଥମ ସପ୍ତାହରେ ଯେଉଁ ଲଘୁଚାପ ଆଶା ଥିଲା ତାହା ହେଲାନି । ଯେତିକି ବର୍ଷା ହେଉଛି ସେଥିରେ ଚାଷ କାମ ଆଗେଇ ପାରୁନି ।
ରାଜ୍ୟରେ ୨୮ପ୍ରତିଶତ ନିଅଣ୍ଟିଆ ବର୍ଷା ହୋଇଛି । ୨୦ ଜିଲ୍ଲାର ୭୧ଟି ବ୍ଲକ୍ ରେ ନିଅଣ୍ଟିଆ ବୃଷ୍ଟିପାତ ସମସ୍ୟା ଦେଖା ଦେଇଛି । ଜଳ ସଙ୍କଟ ସମସ୍ୟା ହେତୁ ଫସଲ ସୁପରିଚାଳନା ଲାଗି OUAT ପରାମର୍ଶ ଦେଇଛି । ଏମିତି ସ୍ଥିତିରେ ଆସନ୍ତା ୧୬ତାରିଖ ବେଳକୁ ଏକ ଲଘୁଚାପ ସୃଷ୍ଟି ହେବା ନେଇ ଆଶା ଦେଖାଇଛି ପାଣିପାଗ ମଡେଲ୍ । ଏହା ଘନୀଭୂତ ହୋଇ ଲଘୁଚାପ ରୂପ ନେଇପାରେ ।
You can also read..
wp:embed {"url":"https://www.prameyanews7.com/another-cyclonic-storm-rainfall-to-increase-from-9/","type":"wp-embed","providerNameSlug":"prameya-news-7"}
