oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏକ୍‌ଜିଟ୍ ପୋଲର ଆକଳନ, ଇଟାଲୀର ପ୍ରଧାନମନ୍ତ୍ରୀ ହେବେ ମେଲୋନୀ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୬୪ କୋଭିଡ୍ ପଜିଟିଭ୍
  • ||
  • ସାଲେପୁର: ବିଳମ୍ୱିତ ରାତିରେ ମାତିଲେ ଲୁଟେରା, ମନ୍ଦିରରୁ ଲୁଟିନେଲେ ୩ କୋଟିର ଅଷ୍ଟଧାତୁ ମୂର୍ତ୍ତି
  • ||
  • ଯାଜପୁର: ଗଡିବ ମା’ ବିରଜାଙ୍କ ସିଂହଧ୍ଵଜ ରଥ, ୯ ଦିନ ଧରି ଭକ୍ତଙ୍କୁ ଦର୍ଶନ ଦେବେ ଦେବୀ
  • ||
  • ହିମାଚଳ ପ୍ରଦେଶର କୁଲୁରେ ମର୍ମନ୍ତୁଦ ଦୁର୍ଘଟଣା, ୭ ପର୍ଯ୍ୟଟକ ମୃତ
  • ||
  • ସୋମବାରଠୁ ନବରାତ୍ର ପୂଜା, ମାଆଙ୍କ ଷୋଡ଼ଶ ପୂଜାପାଠରେ କମ୍ପୁଛି ଶକ୍ତିପୀଠ
  • ||
  • ମୋହନା : ଘାଟିରେ ଓଲଟିଲା ଯାତ୍ରୀବାହୀ ବସ୍, ଅଳ୍ପକେ ବର୍ତ୍ତିଲେ ୨୪ଯାତ୍ରୀ
  • ||

ବଢିଲାଣି ଖରାର ପ୍ରକୋପ, ମାର୍ଚ୍ଚ ଆରମ୍ଭରୁ ଅସହ୍ୟ ହେଲାଣି ତାତି, କଲବଲ୍ ଆଭ୍ୟନ୍ତରୀଣ ଓଡିଶା

13/03/2022 at 7:50 PM

ଭୁବନେଶ୍ଵର ୧୩।୦୩: ବଢିଲାଣି ଖରାର ପ୍ରକୋପ । ମାର୍ଚ୍ଚ ଆରମ୍ଭରୁ ତାତି ଅସହ୍ୟ ହେଲାଣି । ବିଶେଷକରି ପଶ୍ଚିମ ଓଡ଼ିଶା ଓ ଆଭ୍ୟନ୍ତରୀଣ ଓଡିଶାରେ  ଗ୍ରୀଷ୍ମ ପ୍ରବାହ ଆରମ୍ଭ ହେଲାଣି ।  ଆଗାମୀ ଦିନରେ ତାତି ଆହୁରି ବଢିବା ସହ ଏହା ଜନଜୀବନକୁ ଆସ୍ତବ୍ୟସ୍ତ କରିବ । 

ମାର୍ଚ୍ଚରୁ ଆରମ୍ଭ ହେଲାଣି ମୁଣ୍ଡଫଟା ଖରା ।  ଏବେଠୁ ଅସହ୍ୟ ହେଲାଣି ତାତି ।  ରାଜ୍ୟର ତତଲାଗଡା କୁହାଯାଉଥିବା ଟିଟିଲାଗଡ଼ରେ ପ୍ରବଳ ଖରା ଜନଜୀବନକୁ ଅସହ୍ୟ କଲାଣି । ପୂରା ବଲାଙ୍ଗିର ଜିଲ୍ଲାରେ ଏବେ ଏହି ଅବସ୍ଥା ।  ସକାଳ ୧୦ ଟା ରୁ ଖରାର ପ୍ରକୋପ ଦେଖିବାକୁ ମିଳୁଛି। ଲୋକ ଆବଶ୍ୟକ କାମ ନ ଥିଲେ ବାହାରିବାକୁ ବାହାରୁ ନାହାନ୍ତି । ପୌର ନିର୍ବାଚନ ଥିଲେ ବି ନେତାଏ ସଂଧ୍ୟା ସମୟରେ ପ୍ରଚାର କରିବାକୁ ଉଚିତ୍ ମଣୁଛନ୍ତି । ତାତି ଆଗକୁ ଆହୁରି ବଢିବ ଓ ଅସହ୍ୟ ହେବ ବୋଲି ଅଶଙ୍କା କରାଗଲାଣି ।

ଟିଟିଲାଗଡର ତାପମାତ୍ରା ଆଜି ୩୭.୭ ଡିଗ୍ରୀ ରେକର୍ଡ କରାଯାଇଥିବା ବେଳେ ବଲାଙ୍ଗିରର ତାପମାତ୍ରା ୩୭.୫ ଡିଗ୍ରୀ ରେକର୍ଡ ରହିଛି । ବାହାରୁ ଆସୁଥିବା ଯାତ୍ରୀଙ୍କ ପାଇଁ ପାନୀୟ ଜଳ ସହ ଆଶ୍ରୟ ସ୍ଥଳର ସୁବିଧା କରିବାକୁ ପ୍ରଶାସନକୁ ଦାବି କରିଛନ୍ତି ଲୋକେ । ସମାନ ସ୍ଥିତି ମଧ୍ୟ ଦେଖିବାକୁ ମିଳିଛି ସମ୍ବଲପୁରରେ । ଜିଲ୍ଲାରେ ଦିନର ତାପମାତ୍ରା ରହିଛି ୩୬.୬ ଡିଗ୍ରୀ । ଆଗକୁ ଏହା ବଢିବାର ଆଶଙ୍କା ରହିଛି । ମହାନଗର ନିଗମ ଅଞ୍ଚଳରେ କୌଣସି ଆନୁଷଙ୍ଗିକ ବ୍ୟବସ୍ଥା ଗ୍ରହଣ କରାଯାଇନଥିବାରୁ ଆଗକୁ ସ୍ଥିତି ଜଟିଳ ହେବ ବୋଲି ଲୋକେ କହିଲେଣି। 

ରାଜଧାନୀ ଭୁବନେଶ୍ବରରେ ଆଜି ଦିନ ସାଢ଼େ ୨ଟା ବେଳେ ତାପମାତ୍ରା ୩୬ ଡିଗ୍ରୀ ସେଲସିୟସ ରେକର୍ଡ କରାଯାଇଛି । ସେହିପରି ରାଜ୍ୟର ଅନ୍ୟ ସ୍ଥାନରେ ମଧ୍ୟ ତାପମାତ୍ରା ଅଧିକ ହେଲାଣି । ଆସନ୍ତା ୧୬ ଏବଂ ୧୭ ତାରିଖ ପାଇଁ ୬ ଜିଲ୍ଲାକୁ ସତର୍କ ସୂଚନା ଜାରି କରାଯାଇଛି । ୧୬ ତାରିଖ ପାଇଁ ବଲାଙ୍ଗୀର, ସୋନପୁର ଏବଂ ବୌଦ୍ଧ ଜିଲ୍ଲାର ଗୋଟିଏ କିମ୍ବା ଦୁଇଟି ସ୍ଥାନରେ ହିଟ୍ ୱେଭ୍ ନେଇ ୟେଲୋ ୱାର୍ଣ୍ଣିଂ ରହିଛି । ସେହିଭଳି ୧୭ ତାରିଖ ପାଇଁ ବଲାଙ୍ଗୀର, ସୋନପୁର, ବୌଦ୍ଧ, ଅନୁଗୁଳ, ନୟାଗଡ଼ ଏବଂ ଖୋର୍ଦ୍ଧା ଜିଲ୍ଲାର ଗୋଟିଏ କିମ୍ବା ଦୁଇଟି ସ୍ଥାନରେ ହିଟ୍ ୱେଭ୍ ଥିବା ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ତେଣୁ ଏହି ସମୟରେ ସତର୍କତା ଅବଲମ୍ବନ କରିବାକୁ ଜନସାଧାରଣଙ୍କୁ ପରାମର୍ଶ ଦିଆଯାଇଛି ।

ବର୍ତମାନ ରାଜ୍ୟର ସର୍ବାଧିକ ତାପମାତ୍ରା ୩୬ ଡିଗ୍ରୀ ରହୁଥିବା ବେଳେ ଆଗାମୀ ଦୁଇ ଦିନରେ ଏହା ୪୦ ଡିଗ୍ରୀ ଛୁଇଁବ ବୋଲି ସୂଚନା ଦେଇଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର।

   Related Posts