ଭୁବନେଶ୍ଵର ୧୩।୦୩: ବଢିଲାଣି ଖରାର ପ୍ରକୋପ । ମାର୍ଚ୍ଚ ଆରମ୍ଭରୁ ତାତି ଅସହ୍ୟ ହେଲାଣି । ବିଶେଷକରି ପଶ୍ଚିମ ଓଡ଼ିଶା ଓ ଆଭ୍ୟନ୍ତରୀଣ ଓଡିଶାରେ ଗ୍ରୀଷ୍ମ ପ୍ରବାହ ଆରମ୍ଭ ହେଲାଣି । ଆଗାମୀ ଦିନରେ ତାତି ଆହୁରି ବଢିବା ସହ ଏହା ଜନଜୀବନକୁ ଆସ୍ତବ୍ୟସ୍ତ କରିବ ।
ମାର୍ଚ୍ଚରୁ ଆରମ୍ଭ ହେଲାଣି ମୁଣ୍ଡଫଟା ଖରା । ଏବେଠୁ ଅସହ୍ୟ ହେଲାଣି ତାତି । ରାଜ୍ୟର ତତଲାଗଡା କୁହାଯାଉଥିବା ଟିଟିଲାଗଡ଼ରେ ପ୍ରବଳ ଖରା ଜନଜୀବନକୁ ଅସହ୍ୟ କଲାଣି । ପୂରା ବଲାଙ୍ଗିର ଜିଲ୍ଲାରେ ଏବେ ଏହି ଅବସ୍ଥା । ସକାଳ ୧୦ ଟା ରୁ ଖରାର ପ୍ରକୋପ ଦେଖିବାକୁ ମିଳୁଛି। ଲୋକ ଆବଶ୍ୟକ କାମ ନ ଥିଲେ ବାହାରିବାକୁ ବାହାରୁ ନାହାନ୍ତି । ପୌର ନିର୍ବାଚନ ଥିଲେ ବି ନେତାଏ ସଂଧ୍ୟା ସମୟରେ ପ୍ରଚାର କରିବାକୁ ଉଚିତ୍ ମଣୁଛନ୍ତି । ତାତି ଆଗକୁ ଆହୁରି ବଢିବ ଓ ଅସହ୍ୟ ହେବ ବୋଲି ଅଶଙ୍କା କରାଗଲାଣି ।
{"id":599594,"sizeSlug":"full","linkDestination":"none"}
ଟିଟିଲାଗଡର ତାପମାତ୍ରା ଆଜି ୩୭.୭ ଡିଗ୍ରୀ ରେକର୍ଡ କରାଯାଇଥିବା ବେଳେ ବଲାଙ୍ଗିରର ତାପମାତ୍ରା ୩୭.୫ ଡିଗ୍ରୀ ରେକର୍ଡ ରହିଛି । ବାହାରୁ ଆସୁଥିବା ଯାତ୍ରୀଙ୍କ ପାଇଁ ପାନୀୟ ଜଳ ସହ ଆଶ୍ରୟ ସ୍ଥଳର ସୁବିଧା କରିବାକୁ ପ୍ରଶାସନକୁ ଦାବି କରିଛନ୍ତି ଲୋକେ । ସମାନ ସ୍ଥିତି ମଧ୍ୟ ଦେଖିବାକୁ ମିଳିଛି ସମ୍ବଲପୁରରେ । ଜିଲ୍ଲାରେ ଦିନର ତାପମାତ୍ରା ରହିଛି ୩୬.୬ ଡିଗ୍ରୀ । ଆଗକୁ ଏହା ବଢିବାର ଆଶଙ୍କା ରହିଛି । ମହାନଗର ନିଗମ ଅଞ୍ଚଳରେ କୌଣସି ଆନୁଷଙ୍ଗିକ ବ୍ୟବସ୍ଥା ଗ୍ରହଣ କରାଯାଇନଥିବାରୁ ଆଗକୁ ସ୍ଥିତି ଜଟିଳ ହେବ ବୋଲି ଲୋକେ କହିଲେଣି।
{"id":599595,"sizeSlug":"full","linkDestination":"none"}
ରାଜଧାନୀ ଭୁବନେଶ୍ବରରେ ଆଜି ଦିନ ସାଢ଼େ ୨ଟା ବେଳେ ତାପମାତ୍ରା ୩୬ ଡିଗ୍ରୀ ସେଲସିୟସ ରେକର୍ଡ କରାଯାଇଛି । ସେହିପରି ରାଜ୍ୟର ଅନ୍ୟ ସ୍ଥାନରେ ମଧ୍ୟ ତାପମାତ୍ରା ଅଧିକ ହେଲାଣି । ଆସନ୍ତା ୧୬ ଏବଂ ୧୭ ତାରିଖ ପାଇଁ ୬ ଜିଲ୍ଲାକୁ ସତର୍କ ସୂଚନା ଜାରି କରାଯାଇଛି । ୧୬ ତାରିଖ ପାଇଁ ବଲାଙ୍ଗୀର, ସୋନପୁର ଏବଂ ବୌଦ୍ଧ ଜିଲ୍ଲାର ଗୋଟିଏ କିମ୍ବା ଦୁଇଟି ସ୍ଥାନରେ ହିଟ୍ ୱେଭ୍ ନେଇ ୟେଲୋ ୱାର୍ଣ୍ଣିଂ ରହିଛି । ସେହିଭଳି ୧୭ ତାରିଖ ପାଇଁ ବଲାଙ୍ଗୀର, ସୋନପୁର, ବୌଦ୍ଧ, ଅନୁଗୁଳ, ନୟାଗଡ଼ ଏବଂ ଖୋର୍ଦ୍ଧା ଜିଲ୍ଲାର ଗୋଟିଏ କିମ୍ବା ଦୁଇଟି ସ୍ଥାନରେ ହିଟ୍ ୱେଭ୍ ଥିବା ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ତେଣୁ ଏହି ସମୟରେ ସତର୍କତା ଅବଲମ୍ବନ କରିବାକୁ ଜନସାଧାରଣଙ୍କୁ ପରାମର୍ଶ ଦିଆଯାଇଛି ।
ବର୍ତମାନ ରାଜ୍ୟର ସର୍ବାଧିକ ତାପମାତ୍ରା ୩୬ ଡିଗ୍ରୀ ରହୁଥିବା ବେଳେ ଆଗାମୀ ଦୁଇ ଦିନରେ ଏହା ୪୦ ଡିଗ୍ରୀ ଛୁଇଁବ ବୋଲି ସୂଚନା ଦେଇଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର।
