ଲମତାପୁଟ ୨୭/୦୧: ଲମତାପୁଟରେ ହାଡ଼ଭଙ୍ଗା ଶୀତରୁ ନିସ୍ତାର ନାହିଁ । ଶୀତ ଲହରି ଜାରି ରହିଥିବା ବେଳେ କୁହୁଡି ଜୀବନ ଯାପନକୁ ଅସ୍ତବ୍ୟସ୍ତ କରିଦେଲାଣି ।
କୋରାପୁଟର କାଶ୍ମୀର କୁହାଯାଉଥିବା ଲମତାପୁଟରେ ୯ ଡିଗ୍ରୀ ତଳକୁ ରହିଛି ପାରଦ। ୩ ଦିନ କୋହଲା ପାଗ ପରେ ପୁଣି ଶୀତର ଲହରୀ ଜାରିରହିଛି । ଦିନ ୧୧ଟା ପର୍ଯ୍ୟନ୍ତ ଲମତାପୁଟ ଅଞ୍ଚଳରେ ଶୀତ ପ୍ରକୋପ ଦେଖିବାକୁ ମିଳୁଥିବା ବେଳେ ଦିନ ୧୧ଟା ପର୍ଯ୍ୟନ୍ତ କୁହୁଡି ସାରା ଅଞ୍ଚଳକୁ ଢାଙ୍କି ରଖୁଛି । ଅପରାହ୍ନ ଦୁଇଟା ପରେ ସୂର୍ଯ୍ୟଙ୍କ ଦେଖାମିଳୁନି ।
କୁହୁଡି ଏତେ ପରିମାଣର ରହିଛି ରାସ୍ତା ଘାଟ ଗାଡି ଚଳାଇବା ମୁସ୍କିଲ ହୋଇପଡିଛି । ଘନ କୁହୁଡି ପାଇଁ ଯାନ ବାହାନ ଯାତାୟତରେ ବହୁ ଅସୁବିଧାର ସମୁଖୀନ ହେଉଛନ୍ତି । ଲାଇଟ ଲଗାଇ ଗାଡି ମଟର ଯାତାୟତ କରୁଛନ୍ତି । ବହୁ ଗାଡି ମଟର ଦୁର୍ଘଟଣାର ସମ୍ମୁଖିନ ହେଉଥିବା ନଜରକୁ ଆସିଛି । ପାଣିପାଗ ସୂଚନା ଅନୁଯାୟୀ ୩୦ ତାରିଖ ପର୍ଯ୍ୟନ୍ତ ଏହିଭଳି ଶୀତ ଏବଂ କୁହୁଡି ଲାଗିରହିବ ।
