ପାଟନା ୦୮/୦୭: ଆରଜେଡି ଅଧ୍ୟକ୍ଷ ଲାଲୁ ପ୍ରସାଦ ଯାଦବଙ୍କ ସ୍ୱାସ୍ଥ୍ୟରେ ଲଗାତାର ସୁଧାର ଆସୁଛି। ତାଙ୍କୁ ବହୁତ ଶୀଘ୍ର କ୍ରିଟିକାଲ୍ କେୟାର ୟୁନିଟ୍(ସିସିୟୁ)ରୁ ବାହାର କରି ସାଧାରଣ ୱାର୍ଡକୁ ଅଣାଯିବ। ଲାଲୁଙ୍କ କାନ୍ଧ ଓ ଜଙ୍ଘରେ ମାମୁଲି ଫ୍ରେକ୍ଚର ହୋଇଥିଲା ଏହି କାରଣରୁ ତାଙ୍କର କୌଣସି ପ୍ରକାରର ଅସ୍ତ୍ରୋପଚାରର ଆବଶ୍ୟକତା ନାହିଁ ବୋଲି ଏମ୍ସ (ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ) ଡାକ୍ତର କହିଛନ୍ତି।
ତିନି ଚାରି ଦିନ ଭିତରେ ଲାଲୁଙ୍କୁ ଗୋଡ଼ରେ ଚଲାଇବା ପାଇଁ ପ୍ରୟାସ କରାଯିବ। ଲାଲୁ ଯାଦବ ଗୁରୁବାର ଖିଚୁଡ଼ି ଖାଇଛନ୍ତି। ସେ ତାଙ୍କ ପରିବାର ସଦସ୍ୟଙ୍କ ସହିତ ମଧ୍ୟ କଥା ହୋଛନ୍ତି। କିନ୍ତୁ ଡାକ୍ତର ଲାଲୁଙ୍କୁ ଅଧିକ କଥାବର୍ତ୍ତା କରିବା ପାଇଁ ମନା କରିଛନ୍ତି। ସୂଚନା ଅନୁସାରେ ଲାଲୁଙ୍କୁ ମଧ୍ୟ ଅକ୍ସିଜେନ୍ ସପୋର୍ଟରୁ ମଧ୍ୟ ହଟାଇ ଦିଆଯାଇଛି। ଏବେ କେବଳ ରାତିରେ ଶୋଇବା ସମୟରେ ତାଙ୍କୁ ଅକ୍ସିଜେନ୍ ଦିଆଯାଉଛି।
wp:html/wp:htmlहमारे राष्ट्रीय अध्यक्ष और मेरे पिता आदरणीय श्री लालू प्रसाद जी की तबीयत लगातार बेहतरी की ओर है। वो सघन चिकित्सीय निगरानी में है और उनकी हालत में उत्तरोत्तर सुधार है।
— Tejashwi Yadav (@yadavtejashwi) July 7, 2022
सभी शुभचिंतकों, समर्थकों, कार्यकर्ताओं और देशवासियों से आग्रह है किसी भी भ्रामक खबर से चिंतित ना हो। धन्यवाद 🙏
ଏହା ମଧ୍ୟରେ ଲାଲୁ ଯାଦବଙ୍କ ପୁଅ ତଥା ବିହାର ବିଧାନସଭାର ବିରୋଧୀ ଦଳ ନେତା ତେଜସ୍ୱୀ ଯାଦବ ଲାଲୁଙ୍କ ସ୍ୱାସ୍ଥ୍ୟକୁ ନେଇ ଟୁଇଟ କରିଛନ୍ତି। ସେ କହିଛନ୍ତି ଲାଲୁ ଯାଦବଙ୍କ ସ୍ୱାସ୍ଥ୍ୟରେ ଲଗାତାର ଉନ୍ନତି ହେଉଛି। ସେ ଏବେ ଡାକ୍ତରଙ୍କ ଦେଖାରଖାରେ ଅଛନ୍ତି। ତେଜସ୍ୱୀ ସମସ୍ତ ଶୁଭଚିନ୍ତକ, ସମର୍ଥକ, ଓ କାର୍ଯ୍ୟକର୍ତ୍ତାଙ୍କୁ ଭ୍ରମିତ କରୁଥିବା ଖବରରେ ଚିନ୍ତିତ ନ ହେବାକୁ କହିଛନ୍ତି।