ମୁମ୍ଵାଇ ୦୧।୦୩: ଏବେ ଗ୍ରୀଷ୍ମ ଋତୁ ପ୍ରାୟ ଆରମ୍ଭ ହୋଇଯାଇଛି । ଏହି ସିଜିନ୍‌ରେ, ଅଙ୍ଗୁର ବଜାରରେ ପ୍ରଚୁର ପରିମାଣରେ ଉପଲବ୍ଧ ହୁଏ ।  ସାଧାରଣତଃ ଅଙ୍ଗୁର ଖାଇବାକୁ ସମସ୍ତେ ପ୍ରିୟ । କିନ୍ତୁ ଜାଣନ୍ତି କି ଅଙ୍ଗୁର ଆପଣଙ୍କ ସ୍ୱାସ୍ଥ୍ୟ ପାଇଁ କେତେ ଲାଭଦାୟକ। ଏହାର ସାହାଯ୍ୟରେ, ଆପଣ ନିଜକୁ ହାଇଡ୍ରେଟ୍ ରଖିପାରିବେ । ଯଦି ଆପଣ ପ୍ରତିଦିନ ଅଙ୍ଗୁର ଖାଉଛନ୍ତି, ତେବେ ଆପଣ କୋଲେଷ୍ଟ୍ରଲ ପରି ବିପଜ୍ଜନକ ରୋଗରୁ ମଧ୍ୟ ମୁକ୍ତି ପାଇପାରିବେ । ଅନ୍ୟପକ୍ଷରେ, ରକ୍ତଚାପ, କର୍କଟ ରୋଗ ଭଳି ଆଶଙ୍କା କମାଇବା ପାଇଁ ଆଙ୍ଗୁରରୁ ଫାଇଦା ମିଳେ। ଅଙ୍ଗୁର ଖାଇବା କାହିଁକି ଆବଶ୍ୟକ ଏବଂ ଏହାକୁ ଖାଇବାର ଲାଭ କ’ଣ ଚାଲନ୍ତୁ ଜାଣିବା ।

ଅଙ୍ଗୁର ଖାଇବାର ସ୍ୱାସ୍ଥ୍ୟ ଉପକାର

ହାଡ ଶକ୍ତ ରଖେ- ଅଙ୍ଗୁରରେ ଭିଟାମିନ୍ କେ ଥାଏ। ଯାହା ରକ୍ତ ଜମାଟ ବାନ୍ଧିବା ସମସ୍ୟାକୁ ଦୂର କରିବା ସହିତ ଶକ୍ତି ବୃଦ୍ଧି ପାଇଁ ମଧ୍ୟ କାମ କରିଥାଏ । ଅନ୍ୟ ପଟେ, ଯଦି ଆପଣ ପ୍ରତିଦିନ ଅଙ୍ଗୁର ଖାଆନ୍ତି, ତେବେ ଏହା ହାଡକୁ ଶକ୍ତିଶାଳୀ କରିଥାଏ । ଅଙ୍ଗୁରରେ ମାଙ୍ଗାନିଜ୍ ପରି ଉପାଦାନ ଥାଏ। ତେଣୁ ତାହା ଆପଣଙ୍କ ଶରୀରକୁ ସୁସ୍ଥ ରଖିବା ପାଇଁ କାର୍ଯ୍ୟ କରେ। ସେଥିପାଇଁ ଗ୍ରୀଷ୍ମ ସମୟରେ ଅଙ୍ଗୁର ଖାଇବା ଆବଶ୍ୟକ ।

ରକ୍ତଚାପ ନିୟନ୍ତ୍ରଣରେ ରହିଥାଏ- ଅଙ୍ଗୁରରେ ପୋଟାସିୟମ୍ ପ୍ରଚୁର ଥାଏ। ଯାହା ଆପଣଙ୍କ ରକ୍ତଚାପକୁ ସଠିକ୍‌ ରଖିବାରେ ସାହାଯ୍ୟ କରେ। ସେଥିପାଇଁ ଯଦି ଆପଣଙ୍କର ଉଚ୍ଚ ରକ୍ତ ଚାପ ସମସ୍ୟା ଅଛି। ତେବେ ଆପଣ ଅଙ୍ଗୁର ଖାଇବା ଉଚିତ୍ ।

କୋଲେଷ୍ଟ୍ରଲ ନିୟନ୍ତ୍ରଣରେ ରୁହେ- ଯଦି ଆପଣ କୋଲେଷ୍ଟ୍ରଲ୍ର ସମସ୍ୟାରେ ପୀଡିତ। ତେବେ ଆପଣ ଅଙ୍ଗୁର ଖାଇପାରିବେ । କୋଲେଷ୍ଟ୍ରଲ ହ୍ରାସ କରିବାରେ ସାହାଯ୍ୟ କରିଥାଏ । ଏହାର କାରଣ ହେଉଛି ଏଥିରେ ଆଣ୍ଟିଅକ୍ସିଡାଣ୍ଟ ଥାଏ। ଯାହା କୋଲେଷ୍ଟ୍ରଲ ହ୍ରାସ କରିବାରେ ସାହାଯ୍ୟ କରିଥାଏ ।

ଆଖି ଏବଂ କେଶ ସୁସ୍ଥ ରହିଥାଏ- ଅଙ୍ଗୁରରେ ଅନେକ ଆଣ୍ଟିଅକ୍ସିଡାଣ୍ଟ ମିଳେ । ଯାହା ଶରୀରକୁ ଫ୍ରି ରେଡିକାଲ୍ ଏବଂ କୋଷର କ୍ଷତିକୁ ସୁସ୍ଥ କରିବାରେ ସାହାଯ୍ୟ କରିଥାଏ । ଅଙ୍ଗୁର ଖାଇବା ଦ୍ଵାରା ଆପଣଙ୍କ ଆଖିକୁ ସୁସ୍ଥ ରଖେ ଏବଂ କେଶ ମଧ୍ୟ ଚକମକ କରିବାରେ ସାହାଯ୍ୟ କରେ। ସେଥିପାଇଁ ସେଗୁଡିକ ଖାଇବା ଆପଣଙ୍କ ପାଇଁ ଲାଭଦାୟକ ଅଟେ ।