ଭଦ୍ରକ ୧୧/୦୩: ବିଦ୍ୟାଳୟ ପରିଚାଳନା କମିଟି ଗଠନକୁ ନେଇ ବିବାଦ । ବିଦ୍ୟାଳୟର ପ୍ରଧାନଶିକ୍ଷକଙ୍କ ସହ ସିଆରସିସିଙ୍କୁ ତାଲା ପକାଇଲେ ଅଭିଭାବକ । ଭଦ୍ରକ ଜିଲ୍ଲା ଭଣ୍ଡାରିପୋଖରୀ ବ୍ଲକ ଅଧିନ ଖଡ଼ିସିଙ୍ଗା ସଂଯୁକ୍ତ ଉଚ୍ଚ ବିଦ୍ୟାଳୟ ପରିସରରେ ଘଟିଛି ଘଟଣା ।
ସୂଚନା ଅନୁଯାୟୀ ବିଦ୍ୟାଳୟ ପରିସରରେ ଏକ ସାଧାରଣ ବୈଠକ ଆୟୋଜିତ ହେବାର ଥିଲା, ଯେଉଁ ବୈଠକରେ ବିଦ୍ୟାଳୟ ପରିଚାଳନା କମିଟି ଗଠନ ପାଇଁ ସଭ୍ୟ ଓ ସଭ୍ୟା ଚୟନ ହୋଇଥାନ୍ତା ଓ ଅନ୍ୟାନ୍ୟ ଆଲୋଚନା ହୋଇଥାନ୍ତା । କିନ୍ତୁ କେତେକ କାରଣ ବଶତଃ ଏହି ବୈଠକକୁ ବାତିଲ କରଯାଇଥିଲା ।
ବୈଠକ ବାତିଲ ହେବା ଜାଣିବା ପରେ ଅଭିଭାବକ ମାନେ ବିଦ୍ୟାଳୟ ପରିସରରେ ଧାରଣାରେ ବସିଥିଲେ । ଖବର ପାଇଁ ସିଆରସିସି ଆସିବା ପରେ ଉଭୟ ପ୍ରଧାନଶିକ୍ଷକ ଓ ସିଆରସିସି ଙ୍କୁ ବିଦ୍ୟାଳୟ ଘରେ ତାଲା ପକାଇଦେଇଛନ୍ତି ।
