ରାଉରକେଲା : କାର୍ଯ୍ୟରେ ଅବହେଳା ଯୋଗୁଁ ପ୍ରଧାନ ଶିକ୍ଷୟତ୍ରୀ ନିଲମ୍ବିତ । ପ୍ରଧାନ ଶିକ୍ଷୟତ୍ରୀଙ୍କୁ ନିଲମ୍ବନ କଲେ ଜିଲ୍ଲା ଶିକ୍ଷାଧିକାରୀ । ସୁନ୍ଦରଗଡ ଜିଲ୍ଲାପାଳଙ୍କ ନିର୍ଦେଶରେ କଲେ ନିଲମ୍ବନ କରାଯାଇଥିବା ସୂଚନା । ପାନପୋଷ ହାଇସ୍କୁଲର ପ୍ରଧାନ ଶିକ୍ଷୟତ୍ରୀ ମାନସ ମୋହିନୀ ବଳଙ୍କୁ କାର୍ଯ୍ୟରେ ଅବହେଳା ପାଇଁ ନିଲମ୍ବନ କରାଯାଇଛି ।
ମାଟ୍ରିକ ପରୀକ୍ଷା ପାଇଁ ଛାତ୍ରୀ ଫର୍ମ ପୂରଣ କରିଥିଲେ । ମାତ୍ର ପ୍ରଧାନ ଶିକ୍ଷୟତ୍ରୀ ବୋର୍ଡ଼କୁ ଏହାକୁ ପଠାଇ ନ ଥିଲେ । ଫଳରେ ଆଡମିଟ କାର୍ଡ ଆସି ନଥିଲା । ଆଡମିଟ କାର୍ଡ ପାଇନଥିବା ଛାତ୍ରୀ ଜିଲ୍ଲାପାଳ ଓ ଡିଇଓଙ୍କ ନିକଟରେ ଅଭିଯୋଗ କରିଥିଲେ ।
ଜିଲ୍ଲାପାଳଙ୍କ ହସ୍ତକ୍ଷେପ ପରେ ବୋର୍ଡରୁ ଆଡମିଟ କାର୍ଡ ଆସିଥିଲା । ଏହାପରେ ଛାତ୍ରୀ ସ୍ବାଭାବିକ ଭାବେ ମାଟ୍ରିକ ପରୀକ୍ଷା ଦେଇଛନ୍ତି ।
