ବାଂଶପାଳ ୧୮|୭: ଦିନକୁ ଦିନ ନାବାଳିକା ଯୌନ ନିର୍ଯାତନା ଅଭିଯୋଗ ବଢ଼ିବାରେ ଲାଗିଛି । କେତେବେଳେ ଅଜଣା ବ୍ୟକ୍ତିଙ୍କ ଦ୍ଵାରା ତ କେତେବେଳେ ଶିକ୍ଷକଙ୍କ ଦ୍ଵାରା ନାବାଳିକା ଅସଦାଚରଣର ଶିକାର ହେଉଛନ୍ତି । ଏଭଳି ଏକ ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା କାଞ୍ଜିପାଣି ଥାନା ଅଞ୍ଚଳରେ ।

{"id":135038}

ସୂଚନାଯୋଗ୍ୟ ଯେ, କେନ୍ଦୁଝର ଜିଲ୍ଲା କାଞ୍ଜିପାଣି ଥାନା ନିକଟସ୍ଥ କାଞ୍ଜିପାଣି ଆଶ୍ରମ ବିଦ୍ୟାଳୟର ଷଷ୍ଠ ଶ୍ରେଣୀର ଛାତ୍ରୀଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଛି । ଅସଦାଚରଣ କରିଛନ୍ତି ଖୋଦ୍ ଆଶ୍ରମ ବିଦ୍ୟାଳୟର ପ୍ରଧାନଶିକ୍ଷକ । ପ୍ରଧାନଶିକ୍ଷକ ପାଣି ପିଇବାକୁ ମାଗି ଏକୁଟିଆ ନିଜ ରୁମ୍ କୁ ଡାକି ଅସଦାଚରଣ କରିଥିବା ପରିବାର ଲୋକେ ଥାନାରେ ଅଭିଯୋଗ କରିଛନ୍ତି । ଅଭିଯୋଗ ଆଧାରରେ କାଞ୍ଜିପାଣି ଥାନା ଅଧିକାରୀ ଆଶ୍ରମ ବିଦ୍ୟାଳୟର ପ୍ରଧାନଶିକ୍ଷକ ଅର୍ଜୁନ ମହାନ୍ତଙ୍କୁ ଗିରଫ କରି ତଦନ୍ତ ଚଳାଇଛନ୍ତି ।

{"id":135039}

ଛାତ୍ରୀ ଜଣଙ୍କ ନାବାଳିକା ହୋଇଥିବାରୁ ଶିଶୁ ମଙ୍ଗଳ ବିଭାଗର ଅଧିକାରୀ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ପୂର୍ବରୁ ସଂପୃକ୍ତ ପ୍ରଧାନଶିକ୍ଷକଙ୍କ ନାମରେ ବହୁବାର ଅଭିଯୋଗ ହୋଇଆସୁଛି । ଏହି ଆଶ୍ରମ ବିଦ୍ୟାଳୟଟି ଆଦିବାସୀ ବହୁଳ ଅଞ୍ଚଳ ହୋଇଥିବାରୁ ଛାତ୍ରୀମାନେ ଏଠାରେ ରହି ପାଠ ପଢିଥାନ୍ତି ।