ବମ୍ବେ: ବହୁଚର୍ଚ୍ଚିତ ଶିନା ବୋରା ହତ୍ୟାକାଣ୍ଡ ଏବଂ ଇନ୍ଦ୍ରାଣୀ ମୁଖାର୍ଜୀଙ୍କ ଉପରେ ଆଧାରିତ ଓ୍ବେବ-ସିରିଜର ରିଲିଜ୍ ପାଇଁ ଫିଟିଲା ବାଟ। ଗୁରୁବାର ହାଇକୋର୍ଟ ମୁମ୍ବାଇର ଏହି ବହୁଚର୍ଚ୍ଚିତ ହତ୍ୟାକାଣ୍ଡ ଉପରେ ଆଧାରିତ ଓ୍ବେବ-ସିରିଜ୍ ରିଲିଜ୍ ଉପରେ ରୋକ ଲଗାଇବାକୁ ମନା କରିଛନ୍ତି। ସିବିଆଇର ଯାଚିକା ଖାରଜ କରି ହାଇକୋର୍ଟ କହିଛନ୍ତି, ନେଟଫ୍ଲିକ୍ସ ଓ୍ବେବ-ସିରିଜରେ ଆବେଦନକାରୀ (CBI) ବିରୋଧରେ କୌଣସି ଉଲ୍ଲେଖ ନାହିଁ । ତେବେ ଅଦାଲତଙ୍କ ଏହି ନିଷ୍ପତ୍ତିରେ ପରେ ସିରିଜ୍ର ଓଟିଟି ପ୍ଲାଟଫର୍ମରେ ରିଲିଜ୍ ରାସ୍ତା ସଫା ହୋଇଛି।
ସୂଚନାଥାଉକି, ‘ଦ ଇନ୍ଦ୍ରାଣୀ ମୁଖାର୍ଜୀ ଷ୍ଟୋରୀ: ଦ ଓ୍ବରିଡ୍ ଟ୍ରୁଥ୍’ ଡକ୍ୟୁମେଣ୍ଟ୍ରୀ ସିରିଜ ୨୫ବର୍ଷୀୟ ଶୀନା ବୋରା ହତ୍ୟାକାଣ୍ଡ କାହାଣୀ ଉପରେ ପର୍ଯ୍ୟବେସିତ। ଏହାର ପ୍ରିମିୟର ଫେବ୍ରୁଆରୀ ୨୩ରେ ନେଟଫ୍ଲିକ୍ସରେ ହେବାର ଥିଲା। କିନ୍ତୁ ଏହି ସିରିଜ୍ରୁ ସାଧାରଣ ଲୋକଙ୍କ ମଧ୍ୟ ଏକ ଭିନ୍ନ ଧାରଣା ସୃଷ୍ଟି ହୋଇପାରେ, ଯାହା ନ୍ୟାୟିକ ବିଚାରକୁ ପ୍ରଭାବିତ କରିପାରେ ବୋଲି ଉକ୍ତି ଦର୍ଶାଇ କୋର୍ଟରେ ଆବେଦନ କରିଥିଲା ସିବିଆ। ଏହା ସହ ଡକ୍ୟୁମେଣ୍ଟ୍ରୀ ଉପରେ ରୋକ୍ ଲଗାଇବାକୁ ଅନୁରୋଧ କରିଥିଲା ସିବିଆଇ।
ମାମଲାର ଶୁଣାଣି ସମୟରେ ବିଚାରପତି ରେବଦୀ ମୋହିତେ ଡେରେ ଏବଂ ବିଚାରପତି ମଞ୍ଜୁଷା ଦେଶପାଣ୍ଡେଙ୍କ ଖଣ୍ଡପୀଠ ସିବିଆଇ ଯାଚିକା ଖାରଜ କରିଛନ୍ତି। କୋର୍ଟ କହିଛନ୍ତି ଡକ୍ୟୁମେଣ୍ଟ୍ରୀରେ ଏଭଳି କିଛି କଥା କୁହାଯାଇନାହିଁ ଯାହା ସିବିଆଇ ଉପରେ ପ୍ରତିକୂଳ ପ୍ରଭାବ ପକାଇବ। ଏହା ପୂର୍ବରୁ ଗତ ସପ୍ତାହରେ କୋର୍ଟ ଶୁଣାଣି ସମୟରେ ନେଟଫ୍ଲିକ୍ସକୁ ମାମଲା ସହ ଜଡ଼ିତ ଅଧିକାରୀ ଏବଂ ଓକିଲଙ୍କ ପାଇଁ ସିରିଜ୍ର ଏକ ସ୍ବତନ୍ତ୍ର ସ୍କ୍ରିନିଂ ପାଇଁ କହିଥିଲେ। ନେଟଫ୍ଲିକ୍ସ ମଧ୍ୟ ଫେବ୍ରୁଆରୀ ୨୯ ସୁଦ୍ଧା ଏହାର ପ୍ରସାରଣ କରିବନାହିଁ ବୋଲି କହିଥିଲା।
କ’ଣ ଥିଲା ମାମଲା ?
ଉଲ୍ଲେଖଯୋଗ୍ୟ, ୨୦୧୨ ଏପ୍ରିଲରେ ଇନ୍ଦ୍ରାଣୀ, ତାଙ୍କର ତତ୍କାଳୀନ ଡ୍ରାଇଭର ଶ୍ୟାମବର ରାୟ ଏବଂ ପୂର୍ବତନ ସ୍ବାମୀ ସଞ୍ଜୀବ ଖନ୍ନା,ଏକ କାର୍ରେ ଶୀନା ବରୋଙ୍କ ତଣ୍ଟି ଚିପି ହତ୍ୟା କରିଥିଲେ। ତେବେ ଏହି ହତ୍ୟାକାଣ୍ଡର ଖୁଲାସା ୨୦୧୫ରେ ସେତେବେଳେ ହୋଇଥିଲା ଯେତେବେଳେ ଶ୍ୟାମବାର ରାୟ ଏକ ଅନ୍ୟ ମାମଲା ଗିରଫ ହୋଇଥିଲା। ଆଉ ଏହି ସମୟରେ ସେ ହତ୍ୟା ବିଷୟରେ ଖୁଲାସା କରିଥିଲେ।
ଆହୁରି ପଢ଼ନ୍ତୁ: ଜନ୍ମଦିନ ପାର୍ଟିରେ ମସ୍ତି ବେଳେ ଫୁଟିଲା ଗୁଳି, କ୍ୟାମେରା ପର୍ଶନ ମୃତ
ଏହା ପରେ ମାମଲାରେ ଇନ୍ଦ୍ରାଣୀଙ୍କୁ ୨୦୧୫ ଅଗଷ୍ଟରେ ଗିରଫ କରାଯାଇଥିଲା। ଅବଶ୍ୟ ୨୦୨୨ରେ ତାଙ୍କୁ ଜାମିନ୍ ମିଳିଥିଲା। ସେହିଭଳି ଏହି ମାମଲାରେ ଅନ୍ୟ ଅଭିଯୁକ୍ତ ରାୟ, ଖନ୍ନା ଏବଂ ପୀଟର ମୁଖର୍ଜୀ ମଧ୍ୟ ଜାମିନ୍ରେ ଅଛନ୍ତି। ସିବିଆଇ ଅନୁଯାୟୀ ଟ୍ରାଏଲ କୋର୍ଟରେ ଏପର୍ଯ୍ୟନ୍ତ ଏହି ମାମଲାରେ ୨୩୭ ସାକ୍ଷୀଙ୍କ ମଧ୍ୟରୁ ୮୯ଙ୍କ ଠାରୁ ପଚରାଉଚରା କରାଯାଇଛି।