ଦିଗପହଣ୍ଡି ୧୯।୦୨ :  ହତ୍ୟାର ତିନି ଦିନ ପରେ ପୋଲିସ ହାତ ଖାଲି । ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ପିତାମ୍ବରପୁରରେ ବୃଦ୍ଧାଙ୍କୁ  ହତ୍ୟା ଘଟଣାରେ ପୋଲିସ ଚୁପ୍‌ । ଦୁଇ ଜଣ ବାଇକ୍‌ରେ ଆସି ପତିମ୍ବରପୁର ଗାଁର ବଙ୍ଗାଳି ସେଠୀଙ୍କୁ ହତ୍ୟା କରିଥିଲେ । ପୂର୍ବ ରାଗ ରଖି ହତ୍ୟା କରାଯାଇଥିବା ସନ୍ଦେହ କରାଯାଉଛି ।

ଖବର ଅନୁଯାୟୀ,  ପିତାମ୍ବରପୁର ଗାଁର ବଙ୍ଗାଳି ସେଠୀ ଗୁଣିଗାରେଡି କରୁଥିଲେ । ବିଭିନ୍ନ ରୋଗ ପାଇଁ ଝଡ଼ାଫୁଙ୍କା କରୁଥିଲେ ।  ଏପିରିକି ପୁତ୍ର ସନ୍ତାନ ହେବା ପାଇଁ  ପୂଜାପାଠ କରୁଥିଲେ। ପ୍ରେମ ସଂପର୍କ ଏବଂ ବିଚ୍ଛେଦ ପାଇଁ ବି ପୂଜାର୍ଚ୍ଚନ କରନ୍ତି । କିଛି ଦିନ ତଳେ ଦୁଇ ଜଣ ଆସି କୌଣସି କାମ ପାଇଁ ବଙ୍ଗାଳି ସେଠୀଙ୍କୁ ଔଷଧ ମାଗିଥିଲେ । ହେଲେ  ସେ ଦେବାକୁ ମନା କରିଥିଲେ । ଶେଷରେ ଶୁକ୍ରବାର ଦିନ ଦୁଇ ଯୁବକ ବାଇକ୍‌ ଆସି ବଙ୍ଗାଳିଙ୍କୁ ଆକ୍ରମଣ କରିଥିଲେ । ଉଭୟ ପୂର୍ବ ରାଗ ରଖି ଆକ୍ରମଣ କରିଥିବା ଅନୁମାନ କରାଯାଉଛି । ଗୁରୁତର ଅବସ୍ଥାରେ ବଙ୍ଗାଳିଙ୍କୁ ଉଦ୍ଧାର କରି ବ୍ରହ୍ମପୁର ଏମ୍‌କେସିଜି ମେଡିକାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ ।

ତେବେ ପୋଲିସ ଘଟଣାର ତଦନ୍ତ ଆରମ୍ଭ କରିଛି । ଇତିମଧ୍ୟରେ ଘଟଣାକୁ ତିନି ଦିନ ବିତି ଯାଇଥିବା ମଧ୍ୟ ହତ୍ୟାକାରୀଙ୍କ ଟେର୍‌ ପାଉନି ପୋଲିସ । ଦୁଇ ଜଣ ମୁହଁରେ କଳାପଟି ବାନ୍ଧି ଆସି ବଙ୍ଗାଳିଙ୍କୁ ହତ୍ୟା କରିଥିଲେ । ଯାହାକୁ ପ୍ରତ୍ୟକ୍ଷଦର୍ଶୀ କହିଛନ୍ତି । ଏହାପରେ ବି ଅଭିଯୁକ୍ତଙ୍କୁ ଧରିବାରେ ବିଫଳ ହୋଇଛି ପୋଲିସ ।