ମାଲକାନଗିରି ୧୪।୧୨: ପୁଣି ରକ୍ତମୁଖା ହେଲା ନକ୍ସଲ । ପୋଲିସ ଇନଫର୍ମର ସନ୍ଦେହରେ ଜଣଙ୍କୁ ହତ୍ୟା କରିଛନ୍ତି ନକ୍ସଲ । ମୃତ ଯୁବକଙ୍କ ନାମ କ୍ରିଷ୍ନା ବୋଲି ଜଣାପଡିଛି । ତାଙ୍କୁ ଗୁଳି କରି ହତ୍ୟା କରିଛନ୍ତି ନକ୍ସଲ ।
ଖବର ଅନୁଯାୟୀ, ପୋଲିସ ଡିଜି ଶ୍ରୀ ଅଭୟ ଆଜି ମାଲକାନଗିରି ଜିଲ୍ଲା ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳର ଗସ୍ତ କରିବାରେ କାର୍ଯ୍ୟକ୍ରମ ରହିଛି । ଗତକାଲି ଦୁଇ ଜଣ କୁଖ୍ୟାତ ମାଓବାଦୀଙ୍କୁ ଯବାନ ମାନେ ନିହତ କରିବା ପରେ ମନବଳ ବଢାଇବା ଲାଗି ଆଜି ହନ୍ତାଳଗୁଡା ବିଏସଏଫ କ୍ୟାମ୍ପ ଗସ୍ତ କରିବେ ପୋଲିସ ଡିଜି । କିନ୍ତୁ ଏହା ପୂର୍ବରୁ ଆନ୍ଧ୍ର ଓଡିଶା ସିମାନ୍ତ ବିଶାଖାପାଟଣା ଜିଲ୍ଲାର ଭାକାପାଲି ଗାଁରେ ନକ୍ସଲ ମାନେ ହିଂସା କାଣ୍ଡ ଘଟାଇଛନ୍ତି । ପୋଲିସ ଇନଫର୍ମର ସନ୍ଦେହରେ କ୍ରିଷ୍ନା ନାମକ ଜଣେ ଯୁବକଙ୍କୁ ଗୁଳି କରି ହତ୍ୟା କରିଛନ୍ତି ଲାଲ୍ ବାହିନୀ । ଘଟଣା ସ୍ଥଳରେ କିଛି ହାତ ଲେଖା ପୋଷ୍ଟର ଛାଡି ଯାଇଛନ୍ତି । ଯେଉଁଥିରେ ଉଲ୍ଲେଖ ରହିଛି ଯେ ପୋଲିସ ସହ ସମ୍ପର୍କ ରଖିଲେ ସେମାନଙ୍କୁ ଏପରି ମୃତ୍ୟୁ ଦଣ୍ଡ ଦିଆଯିବ ।