କରଞ୍ଜିଆ ୦୪।୦୧ : ଦିନେ ଯାହା ହାତ ଧରି ବାଟ ଚାଲିବା ଶିଖିଥିଲା ପୁଅ । ଆଜି ସେହି ବାପାକୁ ମାରିବା ପାଇଁ ବି ପଛାଲାନି । ବାପାକୁ ଅତି ବିଭତ୍ସ ଭାବେ ହତ୍ୟା କରିଛି ପୁଅ । ମୟୁରଭଞ୍ଜ ଜିଲ୍ଲା ଯଶୀପୁର ଥାନା ପଳସାଗାଡିଆ ଗାଁରୁ ଆସିଛି ଏପରି ଘଟଣା ।
ଖବର ଅନୁଯାୟୀ, କୌଣସି କାରଣ ଲାଗି ବାପ-ପୁଅଙ୍କ ମଧ୍ୟରେ ବିବାଦ ହୋଇଥିଲା । ଏହାପରେ ପୁଅ ରାଗି ଯାଇ ଏକ କୋଦଳରେ ବାପାକୁ ଚୋଟେ ଦେଇଥିଲେ । ଯେଉଁଥିର ବାପାଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଛି । ତେବେ ଏବେ ଯାଏଁ ହତ୍ୟାର କାରଣ ଅସ୍ପଷ୍ଟ ରହିଛି ।
ସେପଟେ ହତ୍ୟାକାଣ୍ଡ ସଂପର୍କରେ ଖବର ଯଶୀପୁର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛି । ଅଭିଯୁକ୍ତ ପୁଅ ଇଶ୍ୱର ଗୁଇଆକୁ ଥାନାରେ ଅଟକ ରଖିଛି ପୋଲିସ । କିଭଳି ଏବଂ କେଉଁ ପରିସ୍ଥିତିରେ ହତ୍ୟା କଲା । ସେନେଇ ଖୋଳତାଡ଼ ଜାରି ରଖିଛି ପୋଲିସ । ତେବେ ସାଇଣ୍ଟିଫିକ୍ ଟିମ୍ ଆସିଲା ପରେ ଅଧିକ ତଦନ୍ତ ହେବ ବୋଲି ଯଶୀପୁର ଥାନା ଅଧିକାରୀଙ୍କ ସୂଚନା ଦେଇଛନ୍ତି ।
