ଯାଜପୁର ୧୬।୦୨ : ଅଧିକ ଯୌତୁକ ପାଇଁ ଗର୍ଭବତୀକୁ ହତ୍ୟା ଅଭିଯୋଗ । ଯୌତୁକ ଲୋଭି ଶାଶୁ ଘର ଲୋକେ ବୋହୁକୁ ଜୁସରେ ବିଷ ଦେଇ ହତ୍ୟା କରିଥିବା ନେଇ ବାପ ଘର ଲୋକେ ଅଭିଯୋଗ କରିଛନ୍ତି । ଏହା ପରେ ପୋଲିସ ହାତ ବାନ୍ଧି ବସିଛି। ଯାଜପୁର ବିଂଝାରପୁର ଥାନା ଗୁହାଳି ପଦାସାହି ଗାଁର ବ୍ରଜ ଯେନାଙ୍କ ଝିଅ ମିଲିକୁ ଶାଶୁ ଘର ଲୋକେ ହତ୍ୟା କରିଥିବା ଅଭିଯୋଗ ହୋଇଛି।

ତେବେ ମୃତ୍ୟୁ ପୂର୍ବରୁ ମିଲି ଦେଇଥିବା ବୟାନର ଭିଡିଓ ଭାଇରାଲ ହୋଇଛି। ତଥାପି ପୋଲିସ କାହା ଚାପରେ ଅଭିଯୁକ୍ତ ସ୍ୱାମୀ,ଶ୍ବଶୁର,ନଣଦଙ୍କୁ ଗିରଫ କରୁନାହିଁ ବୋଲି ଅଭିଯୋଗ କରିଛନ୍ତି ପରିବାର ଲୋକେ ଓ ଗ୍ରାମବାସୀ । ଏନେଇ ଗ୍ରାମବାସୀଙ୍କ ପକ୍ଷରୁ ଆୟୋଜିତ ସାମ୍ବାଦିକ ସମ୍ମିଳନୀରେ ଅଭିଯୋଗ କରି ଅଭିଯୁକ୍ତ ପରିବାର ଲୋକଙ୍କୁ ଗିରଫ କରିବା ପାଇଁ ଦାବି କରିଛନ୍ତି। ତୁରନ୍ତ ଅଭିଯୁକ୍ତଙ୍କୁ ଗିରଫ କରାନଗଲେ ସପରିବାର ଧାରଣା ଦେବେ ବୋଲି ଚେତାବନୀ ଦେଇଛନ୍ତି l