ବ୍ରହ୍ମପୁର ୨୨।୦୮: ସାମାନ୍ୟ ଥଟାମଜାରୁ ବଢିଗଲା ବିବାଦ । ଆଉ ହୋଇଗଲା ରକ୍ତପାତ । ଚାଲିଗଲା ଜଣଙ୍କ ଜୀବନ । ମୃତକ ଭଗବତ ନାୟକ ବୋଲି ଜଣାପଡିଛି । ଗଞ୍ଜାମ ଜିଲ୍ଲା ପୋଲସରା ଥାନା ବନରାମଚନ୍ଦ୍ରପୁର ଗାଁର ଘଟିଛି ଘଟଣା ।
ଖବର ଅନୁଯାୟୀ, ଶନିବାର ବିଳମ୍ବିତ ରାତିରେ ବନରାମଚନ୍ଦ୍ରପୁର ଗାଁରେ ଏକ ହତ୍ୟାକାଣ୍ଡ ଘଟିଛି । ସାମାନ୍ୟ ଥଟ୍ଟାମଜାରୁ ଏହି ହତ୍ୟାକାଣ୍ଡ ଘଟିଥିବାର ଅନୁମାନ କରାଯାଉଛି । ମୃତକ ଜଣକ ଭଗବତ ନାୟକ ବୋଲି ଜଣାପଡିଛି । ହତ୍ୟା ସଂପର୍କରେ ଖବର ପାଇ ପୋଲସରା ଥାନା ପୋଲିସ ପହଁଚି ଘଟଣାର ତଦନ୍ତ ଛାନ୍ଭିନ୍ ଜାରି ରଖିଛି । ଏଥିସହ ଏକ ହତ୍ୟା ମାମଲା ରୁଜୁ କରିଥିବା ଜଣାପଡିଥିବା ବେଳେ ହତ୍ଯାକାରୀ ଫେରାର ହୋଇଯାଇଛି ।
