ନିମାପଡା଼ ୩୦।୦୧ : ପୁରୀ ଜିଲ୍ଲା ନିମାପଡ଼ା ଥାନା ଦିଘାଲ ବସ୍ତିରେ ଅଭାବନୀୟ ଘଟଣା । ସ୍ତ୍ରୀର ତଣ୍ଟିକାଟି ହତ୍ୟା କଲା ସ୍ୱାମୀ । ଅଭିଯୁକ୍ତ ସ୍ୱାମୀକୁ ଅଟକ ରଖିଲା ପୋଲିସ । ପାରିବାରି କଳହ ଯୋଗୁଁ ହତ୍ୟାକାଣ୍ଡ ଘଟିଥିବା ଅନୁମାନ କରାଯାଉଛି ।
ଖବର ଅନୁଯାୟୀ, ଦିଘାଳୋ ବସ୍ତିର ବାସିନ୍ଦା ଉରଫାନ ଖାଁ ନିଜ ପତ୍ନୀ ତାହାରୁନ ବିବିଙ୍କୁ ରବିବାର ରାତିରେ ବ୍ଲେଡରେ ତଣ୍ଟି କାଟି ହତ୍ୟା କରିବା କଥା ସ୍ୱୀକାର କରିଛି । ସୋମବାର ସକାଳୁ ଗ୍ରାମବାସୀ ଘଟଣା ଦେଖିବା ପରେ ସ୍ୱାମୀକୁ ଅଟକ ରଖି ପୋଲିସକୁ ଖବର ଦେଇଥିଲେ । ପୋଲିସ ପହଞ୍ଚି ଉରଫାନକୁ ଅଟକ ରଖି ପଚରାଉଚରା କରିବା ସହ ସାଇଣ୍ଟିଫିକ ଟିମକୁ ଅପେକ୍ଷା କରିଛି । ଅଧିକ ତଦନ୍ତ ପରେ ସମସ୍ତ ଘଟଣାର ପର୍ଦାଫାଶ ହେବ ବୋଲି ପୋଲିସର ସୂଚନା । ପାରିବାରିକ କଳହ ଯୋଗୁଁ ହତ୍ୟାକାଣ୍ଡ ଘଟିଥିବା ସୂଚନା ।
