ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇବା ଘଟଣା : ଅପଲୋଡ ଭିଡିଓ ଡିଲିଟ୍‌ କଲେ ୟୁଟ୍ୟୁବର, ଆଉ ହାତଯୋଡି କ୍ଷମା ବି ମାଗିଲେ…
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

ହାତୀ ମୃତ୍ୟୁ ପାଇଁ ଦାୟୀ କିଏ ? ଗୁଳି ଖାଇ ୮ ଦିନ ବୁଲିଲା, କେମିତି ଜାଣିପାରିଲାନି ବନବିଭାଗ ? ହାତୀ ଶିକାରୀଙ୍କ ନେକ୍ସସ ଚିନ୍ତାଜନକ

14/06/2022 at 2:57 PM

ଭୁବନେଶ୍ୱର ୧୪/୦୬: ଶେଷରେ ୮ଦିନର ସଂଘର୍ଷ ପରେ ଆଖିବୁଝିଛି ଗୁଳିବିଦ୍ଧ ଦନ୍ତା । ମୃତ୍ୟୁ ସହ ସଂଘର୍ଷ କରିବା ପରେ ଆଜି ଆଖି ବୁଜିଛି ଦନ୍ତା । ତେବେ ଏଠାରେ ପ୍ରଶ୍ନ ଉଠୁଛି ହାତୀ ମୃତ୍ୟୁ ପାଇଁ ଦାୟୀ କିଏ ? କିପରି ହାତୀଙ୍କୁ ଗୁଳିବିଦ୍ଧ କରାଗଲା ସେ ନେଇ କିପରି ଜାଣିପାରିଲାନି ବନବିଭାଗ? ସେତିକି ନୁହେଁ ଗୁଳିବିଦ୍ଧ ପରେ ଜଙ୍ଗଲରେ ଏତେଦିନ ଧରି ହାତୀ ବୁଲୁଥିଲା ସେ ସଂପର୍କରେ ବି ଜାଣିପାରିଲାନି ବନବିଭାଗ?

ବନବିଭାଗର ଏପରି କାର୍ଯ୍ୟକଳାପ ନେଇ ଉଠିଛି ପ୍ରଶ୍ନ ? ଯାହା ଜଣାପଡୁଛି ବିନବିଭାଗ ଓ ଶିକାରୀଙ୍କ ମଧ୍ୟରେ ରହିଛି ଭିତିରିଆ ସଂପର୍କ । ଯେଉଁଥିପାଇଁ ଗୁଳିବିଦ୍ଧ ପରେ ୮ଦିନ ଜଙ୍ଗଲରେ ହାତୀଟି ବୁଲିଲା । ଅଥଚ ବନବିଭାଗ ଜାଣିପାରିଲିନି । ହାତୀଟି ଏଣେତେଣେ ବୁଲିବା ପରେ ଯେବେ କାଦୁଆରେ ପଡିଗଲା ସେବେ ତପ୍ରତା ଦେଖାଥିଲା ବନବିଭାଗ ।

ସୂଚନା ଥାଉକି, ନରସିଂହପୁର ଜଙ୍ଗଲରେ ୮ଦିନ ତଳେ ଗୁଳିବିଦ୍ଧ ଦନ୍ତାହାତୀ ବୁଲୁଥିବା ନେଇ ସୂଚନା ମିଳିଥିଲା । ଏହାକୁ ବଡମ୍ୱା ବିଧାୟକ ଦେବୀ ମିଶ୍ର ସୋସିଆଲ ମିଡିଆରେ ପୋଷ୍ଟ କରିବା ପରେ ତପ୍ତରତା ପ୍ରକାଶ ପାଇଥିଲା । ଦନ୍ତାହାତୀକୁ ୬ ରାଉଣ୍ଡ ଗୁଲି ମାଡ ହୋଇଥିବା ଜଣାପଡିଥିଲା । ହାତୀ ଶରୀରର ବିଭିନ୍ନ ସ୍ଥାନରେ ବାଜିଥିଲା ଗୁଳି ।

ହାତୀର ଶୁଣ୍ଢ, ମୁହଁ ଓ ଆଗ ଡାହାଣ ଗୋଡରେ ଲାଗିଥିଲା ଆଘାତ । ୧୫ ଦିନ ହେବ ଏହିପରି କ୍ଷତ ବିକ୍ଷତ ଅବସ୍ଥାରେ ହାତୀ ବୁଲୁଥିଲା ବୋଲି ଗ୍ରାମବାସୀଙ୍କଠାରୁ ସୂଚନା ମିଳିଥିଲା । ଏ ସମ୍ପର୍କରେ ନରସିଂହପୁର ପଶ୍ଚିମ ବନ ବିଭାଗ ରେଞ୍ଜରଙ୍କୁ ପଚାରିଯିବାରୁ ସେ କହିଥିଲେ ଗୋଟିଏ ହାତୀ ଅସୁସ୍ଥ ହୋଇ ପୂର୍ବ ବନାଞ୍ଚଳରୁ ଆମ ବନାଞ୍ଚଳକୁ ପଳାଇ ଆସିଛି । ହାତୀକୁ ବନ ବିଭାଗ କର୍ମଚାରୀ ମାନେ ଠାବ କରିବା ସହ ଉପରିସ୍ଥ ଅଧିକାରୀଙ୍କୁ ଜଣାଇ ଦିଆଯାଇଛି ।

ସୂଚନା ଥାଉକି, ଗତ ଚାରିମାସ ମଧ୍ୟରେ ନରସିଂହପୁର ବ୍ଲକର ଉଭୟ ପୂର୍ବ ଏବଂ ପଶ୍ଚିମ ବନ ବିଭାଗ ଅଧୀନରେ ୬ଟି ହାତୀଙ୍କର ମୃତ୍ୟୁ ଘଟିଥିବା ବେଳେ ସେଥି ମଧ୍ୟରୁ ୩ଟି ଅସ୍ୱାଭାବିକ ଭାବେ ମୃତ୍ୟୁ ହେବା ସହ ୩ଟିର ଗଳିତ ମୃତଦେହ ଉଦ୍ଧାର ହୋଇଛି । ତେବେ ପ୍ରକୃତରେ କଣ ନରସିଂହପୁର ଜଙ୍ଗଲରେ ଲୁରକ୍ଷିତ ନୁହଁନ୍ତି ହାତୀ ? ନାଁ ବନବିଭାଗ ପକ୍ଷରୁ ହାତୀଙ୍କ ସୁରକ୍ଷା ନେଇ ନିଆଯାଉନି ପଦକ୍ଷେପ ? ତାହା ଏବେ ବଡ ପ୍ରଶ୍ନ ?

   Related Posts