ନୀଳଗିରି,୨୨/୨: ବାଲେଶ୍ଵର ଜିଲ୍ଲା ନୀଳଗିରି ଅଞ୍ଚଳରେ ଥିବା କୁଳଡିହା ଅଭୟାରଣ୍ୟ ଅନ୍ତର୍ଗତ ରିଷିଆ ଡ୍ୟାମରେ ଏକ ହାତୀ ମରି ଭାସୁଥିବା ନଜରକୁ ଆସିଛି। ଋଷିଆ ଡ୍ୟାମ ଗୁହିରା ଭୋଳ ନିକଟରେ ଆଜି ଏକ ଅଣ୍ଡିରା ଛୁଆ ହାତୀର ମୃତ ଦେହ ଭାସୁ ଅବସ୍ଥାରେ କିଛି ବନ କର୍ମଚାରୀ ଦେଖିବାକୁ ପାଇଥିଲେ। ଝରଣା ବାହାରୁଥିବା ସ୍ଥାନରୁ ଏକ ଅମରି ଲତାରେ ହାତୀଟି ଭାସୁଥିବାର ନଜରକୁ ଆସିଥିଲା। ପରେ କୁଳଡିହା ରେଞ୍ଜର ବିଜୟ କୁମାର ମହାପାତ୍ର ,ଏସିଏଫ ଶରତ ଚନ୍ଦ୍ର ବେହେରା, ଡିଏଫଓ ବିଶ୍ଵରାଜ ପଣ୍ଡା ଯାଇ ତଦନ୍ତ କରିଥିଲେ। ପ୍ରାଣୀ ଚିକିତ୍ସକ ପହଁଞ୍ଚି ହାତୀଟିକୁ ପୋଷ୍ଟମର୍ଟମ କରିବା ପରେ ମଲା ହାତୀଟିକୁ ପୋତି ଦିଆଯାଇଛି। ହାତୀର ବୟସ ପ୍ରାୟ ଦେଢ ବର୍ଷରୁ ଦୁଇବର୍ଷ ହେବ ବୋଲି ଅନୁମାନ କରାଯାଉଛି।