ମୁମ୍ୱାଇ ୨୫/୦୫: ମୁମ୍ବାଇ ଇଣ୍ଡିଆନ୍ସ ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ସମୟ ଖରାପ ଚାଲିଛି । ଏକ ଖରାପ ପର୍ଯ୍ୟାୟ ଦେଇ ଗତି କରୁଛନ୍ତି। ପ୍ରଥମେ ସେମାନଙ୍କର ଟିମ୍ ଖରାପ ପ୍ରଦର୍ଶନ ସହିତ ଆଇପିଏଲ୍ ୨୦୨୪ ବାହାରି ଯାଇଥିଲା । ବର୍ତ୍ତମାନ ତାଙ୍କର ପାରିବାରିକ ଜୀବନ ଠାକି ଚାଲିନି ।
ସେମାନଙ୍କ ଘର ଭାଙ୍ଗିବାକୁ ବସିଛି । ମିଡିଆ ରିପୋର୍ଟ ଅନୁଯାୟୀ ପାଣ୍ଡ୍ୟା ଏବଂ ତାଙ୍କ ପତ୍ନୀ ନତାଶା ଷ୍ଟାଙ୍କୋଭିକ୍ ଅଲଗା ହେବାକୁ ଯାଉଛନ୍ତି । ଛାଡପତ୍ର ହେବାକୁ ଯାଉଛି ଉଭୟଙ୍କ ମଧ୍ୟରେ । ତେବେ ଏ ସମ୍ପର୍କରେ କୌଣସି ସ୍ପଷ୍ଟ ସୂଚନା ମିଳିପାରିନି । କହିବାକୁ ଗଲେ ନତାଶା ପାଣ୍ଡ୍ୟାଙ୍କ ସମ୍ପତ୍ତିର ୭୦ ପ୍ରତିଶତ ନେବେ। ଛାଡପତ୍ର ସମ୍ପର୍କରେ କୌଣସି ସୂଚନା ପାଣ୍ଡ୍ୟା କିମ୍ବା ନତାଶା ଦେଇ ନାହାଁନ୍ତି ।
ପାଣ୍ଡ୍ୟା ଏବଂ ନତାଶାଙ୍କୁ ଦୀର୍ଘ ସମୟ ଧରି ଏକାଠି ଦେଖାଯାଇନଥିଲା । ଫେବୃଆରୀ ୧୪ରେ ଦୁହେଁ ଶେଷ ଥର ଇନଷ୍ଟାଗ୍ରାମରେ ଏକ ଫଟୋ ସେୟାର କରିଥିଲେ। ଅବଶ୍ୟ, ଏହା ପରେ ଉଭୟ ଏକ ଫଙ୍କସନ୍ର ଭିଡିଓରେ ଏକାଠି ଦେଖାଗଲା । କିନ୍ତୁ ବର୍ତ୍ତମାନ ଛାଡପତ୍ର ଖବର ବଢିବାରେ ଲାଗିଛି । ରିପୋର୍ଟ ଅନୁଯାୟୀ, ପାଣ୍ଡ୍ୟାଙ୍କୁ ତାଙ୍କର ୭୦ ପ୍ରତିଶତ ସମ୍ପତ୍ତି ନତାଶାଙ୍କୁ ଦେବାକୁ ପଡିବ।
ଏହି ବିଷୟରେ ଅନେକ ପୋଷ୍ଟ ସୋସିଆଲ ମିଡିଆରେ ମଧ୍ୟ ସେୟାର କରାଯାଇଛି । ପାଣ୍ଡ୍ୟା କୋଟି ମୂଲ୍ୟର ସମ୍ପତ୍ତିର ମାଲିକ ଅଟନ୍ତି । ଆଇପିଏଲ୍ ପାଇଁ ପ୍ରାପ୍ତ ମ୍ୟାଚ୍ ଫି ସହିତ, ସେମାନେ ଅନ୍ୟାନ୍ୟ ଉପାୟରେ ବି ରୋଜଗାର କରନ୍ତି । ପାଣ୍ଡ୍ୟା ଆଇପିଏଲ୍ ଟିମ୍ ମୁମ୍ବାଇ ଇଣ୍ଡିଆନ୍ସର ଏକ ଅଂଶ । ତାଙ୍କୁ ଦଳ ତରଫରୁ ୧୫ କୋଟି ଟଙ୍କା ମିଳିବ । ସେ ଏହା ପୂର୍ବରୁ ଗୁଜୁରାଟ ଟାଇଟାନ୍ସର ଏକ ଅଂଶ ଥିଲେ । ଗୁଜୁରାଟ ଦଳ ମଧ୍ୟ ପାଣ୍ଡ୍ୟାଙ୍କୁ ସମାନ ପରିମାଣର ଅର୍ଥ ଦେଉଥିଲେ । ଏହା ସହିତ ସେ ଭାରତୀୟ କ୍ରିକେଟ୍ ଦଳରୁ ମ୍ୟାଚ୍ ଫି ମଧ୍ୟ ପାଇଛନ୍ତି। ପାଣ୍ଡ୍ୟାଙ୍କ ରୋଜଗାର ବି କୋଟି କୋଟିରେ ଅଛି ।
Hardik Pandya 70% Property will be transferred to Natasa Stankovic. They have confirmed their Divorce Today. [News18].
— PANJA 🔥 (@RameshHitman45) May 24, 2024
Bro ki bad time nadustundhi... pic.twitter.com/SpRjbPyOvV
ଏହା ସହିତ, ସେମାନେ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ ମଧ୍ୟ ରୋଜଗାର କରନ୍ତି । ହାର୍ଦ୍ଦିକ ପାଣ୍ଡ୍ୟା ମୁମ୍ବାଇରେ ଏକ ଆପାର୍ଟମେଣ୍ଟ ନେଇଛନ୍ତି । ଗଣମାଧ୍ୟମ ରିପୋର୍ଟ ଅନୁଯାୟୀ, ସେ ୩୦ କୋଟି ଟଙ୍କାରେ ଘର କିଣିଥିଲେ । ଏହା ସହିତ ତାଙ୍କର ଭଦୋଦରାଠାରେ ଏକ ପେଣ୍ଟହାଉସ୍ ଅଛି । ଏହାର ମୂଲ୍ୟ ମଧ୍ୟ କୋଟି ଟଙ୍କା ରହିଛି । କିନ୍ତୁ ଛାଡପତ୍ର ପରେ ପାଣ୍ଡ୍ୟାଙ୍କ ଅବସ୍ଥା ଆହୁରି ଖରାପ ହୋଇପାରେ।
