ମୁମ୍ଵାଇ ୧୪।୦୮: ବଲିଉଡ ଅଭିନେତ୍ରୀ ନତାଶା ଷ୍ଟାନକୋଭିକ୍ । ଭାରତୀୟ ଷ୍ଟାର କ୍ରିକେଟ୍ ହାର୍ଦ୍ଦିକ ପାଣ୍ଡ୍ୟା। ଦୁହେଁ ସେମାନଙ୍କ ଛାଡପତ୍ର ଘୋଷଣା କରିଥିଲେ। ବର୍ତ୍ତମାନ ଲାଗୁଛି ଯେ ନତାଶାଙ୍କ ଠାରୁ ଅଲଗା ହେବା ପରେ ହାର୍ଦ୍ଦିକଙ୍କ ଜୀବନରେ ଆଉ କେହି ପ୍ରବେଶ କରିଛନ୍ତି। ଗୁଜବ ହେଉଛି ଯେ ହାର୍ଦ୍ଦିକ ପାଣ୍ଡ୍ୟା ଏବଂ ବ୍ରିଟିଶ ଗାୟକ ଜସ୍ମିନ ୱାଲିଆ ଡେଟିଂ କରୁଛନ୍ତି। ଗ୍ରୀସରେ ଉଭୟ ହାର୍ଦ୍ଦିକ ଏବଂ ଜସ୍ମିନ୍ ଏକାଠି ଛୁଟି କାଟୁଛନ୍ତି ବୋଲି ଜଣାପଡିଛି।
ନତାଶାଙ୍କ ଠାରୁ ଅଲଗା ହେବା ପରେ ହାର୍ଦ୍ଦିକ କାହାକୁ ଡେଟିଂ କରୁଛନ୍ତି?
ଯେତେବେଳେ ହାର୍ଦ୍ଦିକ ଏବଂ ଜସ୍ମିନ୍ ସମାନ ପୁଲରୁ ଇନଷ୍ଟାଗ୍ରାମରେ ଫଟୋ ସେୟାର କରିଥିଲେ । ସେତେବେଳେ ବହୁ କଳ୍ପନାଜଳ୍ପନା ଆରମ୍ଭ ହୋଇଥିଲା ।ଫଟୋ ଗୁଡ଼ିକର ବ୍ୟାଗଗ୍ରାଉଣ୍ଡ ଗ୍ରୀକ୍ ଦୃଶ୍ୟମାନ ହେଉଥିଲା । ଜସ୍ମିନ୍ ଏକ ନୀଳ ବିକିନିରେ ସିଜିଲିଂ ଫଟୋ ପୋଷ୍ଟ କରିଥିଲେ। ସେପଟେ ହାର୍ଦ୍ଦିକ ଏକ ଫ୍ଲୋରାଲ ସାର୍ଟ ମଧ୍ୟ ପିନ୍ଧିଥିଲେ। ଯେଉଁଥିରେ ଦୁହେଁ ପୁଲ୍ରେ ଷ୍ଟାଇଲିସ୍ ପୋଜ୍ କରୁଥିବା ଦେଖିବାକୁ ମିଳିଥିଲା। ଏହାର ଏକ ଭିଡିଓ ପୋଷ୍ଟ କରିବା ପରେ ସୋସିଆଲ ମିଡିଆରେ ହଇଚଇ ସୃଷ୍ଟି ହେଉଛି।
ଜସ୍ମିନ ହାର୍ଦ୍ଦିକଙ୍କ ଭିଡିଓ ଲାଇକ କରିଥିଲେ
ଜସ୍ମିନ ଏବଂ ହାର୍ଦ୍ଦିକଙ୍କ ପୋଷ୍ଟର ସମାନ ବ୍ୟାକଗ୍ରାଉଣ୍ଡ ଦେଖି ପ୍ରଶଂସକମାନେ ଅନୁମାନ କରୁଛନ୍ତି ଯେ ଉଭୟ ଡେଟିଂ କରୁଛନ୍ତି। ଜସ୍ମିନ୍ ହାର୍ଦ୍ଦିକଙ୍କ ଭିଡିଓକୁ ମଧ୍ୟ ଲାଇକ କରିଥିଲେ। ଯାହା କଳ୍ପନା ଜଳ୍ପନାର ଆହୁରି ତୀବ୍ର ହୋଇଛି। ହେଲେ ହାର୍ଦ୍ଦିକ ଜସ୍ମିନଙ୍କ ବିକିନି ପୋଷ୍ଟ ଉପରେ ପ୍ରତିକ୍ରିୟା ପ୍ରକାଶ କରି ନାହାଁନ୍ତି। ଉଭୟ ଇନଷ୍ଟାଗ୍ରାମରେ ପରସ୍ପରକୁ ଫଲୋ କରନ୍ତି। ବର୍ତ୍ତମାନ ଏହି ଗୁଜବକୁ ଆହୁରି ମଜବୁତ କରିଛି।
