ସିଡନୀ,୨୯/୧୧: ଭାରତ-ଅଷ୍ଟ୍ରେଲିଆ ମଧ୍ୟରେ ରବିବାର ଦ୍ୱିତୀୟ ଦିନିକିଆ ଖେଳାଯାଉଛି । ଏହି ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ କରିଛି ଅଷ୍ଟ୍ରେଲିଆ । ଦଳ ଭାରତ ଆଗରେ ୩୯୦ ରନ୍ର ବିଜୟ ଲକ୍ଷ୍ୟ ଧାର୍ଯ୍ୟ କରିଛି । ଆଜିର ମ୍ୟାଚରେ ଭାରତୀୟ ଅଲରାଉଣ୍ଡର ଦୀର୍ଘ ୧ ବର୍ଷ ପରେ ଅନ୍ତର୍ଜାତୀୟ କ୍ରିକେଟରେ ବୋଲିଂ କରିଛନ୍ତି ।
ପ୍ରଥମ ଦିନିକିଆରେ ଭାରତ ପରାସ୍ତ ହେବା ପରେ ପାଣ୍ଡ୍ୟା ପ୍ରତିକ୍ରିୟା ରଖିଥିଲେ । ଏହି ମ୍ୟାଚରେ ସେ ଆକର୍ଷଣୀୟ ପାଳି ଖେଳିଥିଲେ ମଧ୍ୟ ଦଳକୁ ଜିତାଇ ପାରିନଥିଲେ । ସେ କହିଥିଲେ ଯେ, ତାଙ୍କୁ ଠିକ୍ ଲାଗିଲେ ସେ ବୋଲିଂ କରିବେ । ଦଳରେ ବହୁ ପ୍ରତିଭାବାନ ଖେଳାଳି ଅଛନ୍ତି । କିନ୍ତୁ ଭାରତକୁ ଆହୁରି ଶକ୍ତିଶାଳୀ ବୋଲର ଆବଶ୍ୟକ । କାରଣ ସେ ଏବେ ବୋଲିଂ କରିପାରୁ ନାହାଁନ୍ତି । ପିଠିରେ ହୋଇଥିବା ଅସ୍ତ୍ରୋପଚାର ପରେ ସେ କେବଳ ବ୍ୟାଟିଂ କରୁଛନ୍ତି । ଦଳ ଅଲରାଉଣ୍ଡରଙ୍କୁ ଆବଶ୍ୟକ କରୁଛି । ପ୍ରଥମ ଦିନିକିଆରେ ଦଳରେ ବୋଲରଙ୍କ ଅଭାବ ପରିଲକ୍ଷିତ ହୋଇଥିଲା ।
ଦ୍ୱିତୀୟ ଦିନିକିଆରେ ପାଣ୍ଡ୍ୟା ୪ ଓଭର ବୋଲିଂ କରିଛନ୍ତି । ୪ ଓଭରରେ ସେ ୨୪ ରନ୍ ବ୍ୟୟ କରିଥିଲେ । ଏହାସହ ଗୋଟିଏ ଓ୍ୱିକେଟ୍ ମଧ୍ୟ ନେଇଛନ୍ତି ପାଣ୍ଡ୍ୟା ।
ସୂଚନାଯୋଗ୍ୟ, ପିଠିରେ ଯନ୍ତ୍ରଣା ପାଇଁ ପାଣ୍ଡ୍ୟାଙ୍କର ଅସ୍ତ୍ରୋପଚାର କରାଯାଇଥିଲା । ସେ ବୋଲିଂ କରୁନଥିଲେ । କେବଳ ବ୍ୟାଟିଂ କରୁଥିଲେ । ରବିବାର ସେ ଦୀର୍ଘ ଦିନପରେ ଅନ୍ତରାଷ୍ଟ୍ରୀୟ କ୍ରିକେଟରେ ବୋଲିଂ କରିଛନ୍ତି ।
