ପନ୍ଥଙ୍କୁ ଭେଟିଲେ ରାଇନା ଏବଂ ହରଭଜନ, ସାଥୀରେ ଥିଲେ ଶ୍ରୀସନ୍ଥ
27/03/2023 at 8:42 AM
ମୁମ୍ବାଇ ୨୭।୦୩ : ଭାରତୀୟ କ୍ରିକେଟର ରିଷଭ ପନ୍ଥ ଏବେ ଧୀରେ ଧୀରେ ସୁସ୍ଥ ହେଉଛନ୍ତି । କାର୍ ଦୁର୍ଘଟଣା ପରେ କ୍ରିକେଟ୍ରୁ ବିରତି ନେଇଛନ୍ତି ରିଷଭ । ଏହାରି ମଧ୍ୟରେ ପନ୍ଥଙ୍କୁ ଭେଟିଛନ୍ତି ସୁରେଶ ରାଇନା ଏବଂ ହରଭଜନ ସିଂହ । ସାଥିରେ ଥିଲେ ଏସ୍, ଶ୍ରୀସନ୍ଥ ।
ଖବର ଅନୁଯାୟୀ, ଭାରତୀୟ ଟିମ୍ର ଓ୍ୱିକେଟ କିପର ବ୍ୟାଟସମ୍ୟାନ୍ କାର୍ ଦୁର୍ଘଟଣାରେ ଗୁରୁତର ହୋଇଥିଲେ । ଚିକିତ୍ସା ପରେ ଏବେ ସେ ଧୀରେ ଧୀରେ ସୁସ୍ଥ ହେଉଛନ୍ତି । ତେବେ ରିଷଭଙ୍କ ଏହି କଠିନ ପରିସ୍ଥିତିରେ ସାଥୀ ଏବଂ ପୂର୍ବତନ ଖେଳାଳିମାନେ ଭେଟିବାକୁ ଯାଉଛନ୍ତି । ଏହିକ୍ରମରେ ରବିବାର ଦିନ କ୍ରିକେଟର ହରଭଜନ ସିଂହ ଏବଂ ସୁରେଶ ରାଇନା ଭେଟିଛନ୍ତି । ତାଙ୍କ ସହିତ ଏସ୍, ଶ୍ରୀସନ୍ଥ ମଧ୍ୟ ଉପସ୍ଥିତ ରହିଥିଲେ ।
ରିଷକ୍ଷ ପନ୍ଥଙ୍କୁ ଭେଟିବା ପରେ ହରଭଜନ ସିଂହ ଏକ ଟ୍ୱିଟ୍ କରିଥିଲେ । ଯେଉଁଥିରେ ସେ ଲେଖିଥିଲେ କି, ଏବେ ତୁମେ (ରିଷଭ) କଠିନ ସମୟ ଦେଇ ଗତି କରୁଛ । ଭରସା ରଖ.. ଖରାପ ସମୟ ଦିନେ ପାର୍ ହୋଇଯିବ । ଏବଂ ତୁମେ ପୂର୍ବ ପରି କ୍ରିକେଟ୍ ଖେଳିବ । ତୁମକୁ ଦେଖି ଖୁସି ଲାଗିଲା ଛୋଟ ଭାଇ (ରିଷଭ ପନ୍ଥ) ।
ସୂଚନାଯୋଗ୍ୟ ଯେ, ଗତ ବର୍ଷ ଡିସେମ୍ବର ମାସରେ ରିଷଭ ପନ୍ଥଙ୍କ ଦୁର୍ଘଟଣା ହୋଇଥିଲା ।ଯାହାଫଳରେ ତାଙ୍କ ଆଣ୍ଠୁ ଅପରେସନ ହୋଇଥିଲା । ଡାକ୍ତର ତାଙ୍କୁ ବିଶ୍ରାମ ନେବାକୁ ପରାମର୍ଶ ଦେଇଛନ୍ତି । ଦୁର୍ଘଟଣା ପରଠୁ ରିଷଭ ପନ୍ଥ କ୍ରିକେଟ୍ଠୁ ଦୂରରେ ଅଛନ୍ତି । ସଂପର୍ଣ୍ଣ ସୁସ୍ଥ ହେବା ପରେ ହିଁ ରିଷଭ ପଡିଆକୁ ଓହ୍ଲାଇବେ ।
