ଭଦ୍ରକ ୦୩।୦୯ : ଅସହାୟ ମହିଳାଙ୍କୁ ସହାୟତା କରିଲେ । ତା ବଦଳରେ ଆସିଲା ଦୁଷ୍କର୍ମର ଅଭିଯୋଗ । ଏହି ଅଭିଯୋଗ ପରେ ଯୁବକଙ୍କୁ ଗିରଫ କରିଛି ପୋଲିସ । ସେପଟେ ପୀଡିତାକୁ ମେଡିକାଲରେ ଭର୍ତ୍ତି କରାଯାଇଛି । ଭଦ୍ରକ ସହରାଞ୍ଚଳ ଥାନା ଅଞ୍ଚଳରୁ ଏପରି ଅଭିଯୋଗ ଆସିଛି ।
ଖବର ଅନୁଯାୟୀ, ଯାଜପୁର ଅଞ୍ଚଳର ଜୈନିକ ମହିଳା କିଛି ମାସ ତଳେ ଶାଶୁ ଘରେ ଝଗଡ଼ା ହେବା ପରେ ସହିନପାରି ଭଦ୍ରକ ଆସିଥିଲେ । ଭଦ୍ରକ ସହର ବଙ୍କସାହିରେ ଭଡ଼ା ଘରେ କିଛି ଦିନ ରହିବା ଅନ୍ୟ ଘରେ କାମ କରି ପେଟ ପୋଷୁଥିଲେ । କିନ୍ତୁ ହଠାତ୍ ତାଙ୍କ ଶାଶୁ ଲୋକଙ୍କ ସହ ଝଗଡ଼ା ହେବାରୁ ମହିଳା ଜଣଙ୍କ ମେଡିକାଲ ବାରଣ୍ଡା ତ କେଳେବେଳେ ବସ୍ଷ୍ଟାଣ୍ଡର ଆଶ୍ରୟସ୍ଥଳୀରେ ରହୁଥିଲେ । ଶନିବାର ଦିନ ବିଳମ୍ବିତ ରାତିରେ ମହିଳା ଜଣଙ୍କ ବସ୍ଷ୍ଟାଣ୍ଡରେ ଆଶ୍ରୟ ନେଇଥିବା ବେଳେ ସ୍ଥାନୀୟ ଅଞ୍ଚଳର ଜଣେ ଯୁବକ ଘର ଯୋଗାଇଦେବାକୁ କହି ସାଙ୍ଗରେ ଯିବାକୁ କହିଥିଲେ । କିନ୍ତୁ ମହିଳା ରାଜିନହେବାରୁ ବସ୍ଷ୍ଟାଣ୍ଡରେ ମଦୁଆ ଓ ନିଶାଡୀଙ୍କ ପାଦୁର୍ଭାବ କହି ଯୁବକ ଜଣଙ୍କ ମହିଳାଙ୍କ ଡରାଇଥିଲେ । ଶେଷରେ ମହିଳା ଜଣକ ଭୟରେ ସେହି ଯୁବକଙ୍କ ସାଙ୍ଗରେ ଆସିଥିଲେ ।
ତେବେ ଯୁବକ ଜଣକ ମହିଳାଙ୍କ ଅସହାୟତାରେ ସୁଯୋଗ ନେଇ ଭଡ଼ା ଘରକୁ ନେବା ବଦଳରେ ଏକ ନିରୋଳା ଗୃହକୁ ନେଇଥିଲେ । ସେଠାରେ ମହିଳା ଜଣଙ୍କ ପାଟିକରିବାକୁ ଯୁବକ ଘରର କବାଟ ବନ୍ଦ କରିଦେଇଥିଲେ । ଆଉ ମହିଳାଙ୍କ ସହ ଅସଦାଚରଣ କରିଥିଲେ । ଏପିରିକି ମହିଳା ଜଣଙ୍କର ଚେତା ବୁଡି ଚାଲିଯାଇଥିଲା । ଚେତା ଫେରିବା ପରେ ମହିଳା ଜଣଙ୍କ କୌଶଳ କ୍ରମେ ଖସି ଆସି ପୋଲିସ ଷ୍ଟେସନରେ ପହଞ୍ଚିଥିଲେ । ଆଉ ସମସ୍ତ କଥା ସଂପର୍କରେ କହିଥିଲେ ।
ସେପଟେ ଅଭିଯୋଗ ପରେ ପୋଲିସ ମହିଳାଙ୍କୁ ମେଡିକାଲରେ ଭର୍ତ୍ତି କରାଯାଇଛି ।ଏହାସହିତ ମହିଳାଙ୍କ ବୟାନ ମଧ୍ୟ ରେକର୍ଡ କରିବା ସହ ଅଭିଯୁକ୍ତକୁ ଥାନାରେ ଅଟକ ରଖିଛି ।
