ମୋହନା ୧୦/୦୮: ଲଗାଣ ବର୍ଷା ପରେ ହରଭଙ୍ଗି ଜଳ ଭଣ୍ଡାରରୁ ଜଳ ନିଷ୍କାସନ ପାଇଁ ଜଳ ସେଚନ ବିଭାଗ ପକ୍ଷରୁ ଦୁଇଟି ଗେଟ ଖୋଲାଯାଇଛି । ଗଜପତି ଜିଲ୍ଲା ଅଡ଼ବା ସ୍ଥିତ ହରଭଙ୍ଗି ଡ୍ୟାମରେ ୯୦ ପ୍ରତିଶତ ଜଳ ଗଛିତ ରହିଥିବା ବେଳେ ଲଗାଣ ବର୍ଷା ପରେ ବିଭିନ୍ନ ନଦୀରୁ ୬୫ କ୍ୱିଉସେକ ବନ୍ୟା ଜଳ ଡ୍ୟାମ ମଧ୍ୟକୁ ପ୍ରବେଶ କରୁଥିବାରୁ ଡ୍ୟାମରୁ ୧୦୦ କ୍ୱିସେକ୍ ଜଳ ନିଷ୍କାସନ ପାଇଁ ୮ଟି ଗେଟ୍ ମଧ୍ୟରୁ ଦୁଇଟି ଗେଟ ଖୋଲାଯାଇଛି ।
ହରଭଙ୍ଗି ଡ୍ୟାମର ନିମ୍ନ ଅବବାହିକାରେ ବସବାସ କରୁଥିବା ହରଭଙ୍ଗି ନୂଆସାହି, କରଡ଼ାପଙ୍କାଳ, ରାଇକଳା, ବେତେଗଣ୍ଡା ଓ ବାମଦେଇପଦା ଗାଁ ସମେତ ୧୦.ଖଣ୍ଡ ଗାଁକୁ ନଦୀ ଗର୍ଭକୁ ନ ଯିବା ପାଇଁ ଗ୍ରାମବାସୀକୁ ପ୍ରଶାସନ ପକ୍ଷରୁ ସଚେତନ କରାଯାଇଛି ।
