ପାଟଣା ୩୧/୧: ଠାକୁରଙ୍କୁ ଅପମାନ । ତା ପୁଣି ସଂକଟମୋଚନ ହନୁମାନଙ୍କୁ । କେବଳ ଅପମାନ ନୁହେଁ ଗାଡି ପଛରେ ଝୁଲେଈ ନେଲେ ଦୋଳି ମାଲିକ । ସୋସିଆଲ ମିଡିଆରେ ଭାଇରାଲ ହେଲା ଭିଡିଓ ।

ଏଭଳି ଅଭାବନୀୟ ଦୃଶ୍ୟ ଦେଖିବାକୁ ମିଳିଛି କେନ୍ଦୁଝରରେ । କେନ୍ଦୁଝର ଜିଲ୍ଲା ଦେଇ ଯାଇଥିବା ୨୨୦ ନମ୍ବର ଜାତୀୟ ରାଜପଥ ପାଟଣା ସାହାରପଡା ରାସ୍ତାରେ ଏକ ପିକ୍‌ ଅପ୍ ଗାଡ଼ିରେ ହନୁମାନ ଠାକୁରଙ୍କୁ ଗାଡି ପଛରେ ବାନ୍ଧି ନେଉଥିବାର ଦୃଶ୍ୟ ସାମ୍ନାକୁ ଆସିଛି ।

ତେବେ ଠାକୁରଙ୍କୁ ଅତି ଦୟନୀୟ ଅବସ୍ଥାରେ ଗାଡି ପଛରେ ବାନ୍ଧି ନେଉଥିବା ଦୃଶ୍ୟ ସାମନାକୁ ଆସିବା ପରେ ବୁଦ୍ଧିଜୀବି ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଦୋଳି ମାଲିକ ଗାଡ଼ିରେ ହନୁମାନ ଠାକୁରଙ୍କୁ ବାନ୍ଧି କରଞ୍ଜିଆକୁ ନେଇ ଯାଉଥିବା ଜଣା ପଡିଛି ।