ହାଙ୍ଗଝୌ,୨୩/୦୯: ଏସିଆନ୍ ଗେମ୍ସକୁ ଆଉ ମାତ୍ର କେଇ ଘଣ୍ଟା ବାକି । ହାଙ୍ଗଝୌ ସ୍ପୋର୍ଟ୍ସ ପାଇଁ ଷ୍ଟାଡିୟମରେ ବାଜି ଏସିଆଡ୍ ବିଗୁଲ । ଉଦଘାଟିତ ହେବ ଏସିଆନ୍ ଗେମ୍ସ- ୨୦୨୩ ।  କରୋନା ମହାମାରୀ ଯୋଗୁ ୧୯ତମ ଏସିଆଡ୍‌କୁ ଗୋଟିଏ  ବର୍ଷ ଘୁଞ୍ଚାଇ ଦିଆଯାଇଥିଲା। ମହାମାରୀ ଏବେ ଟଳି ଯାଇଛି । କଟକଣା ଶୂନ୍ୟ ଜୀବନ ପୂର୍ବଭଳି  ସ୍ୱାଭାବିକ ହୋଇଛି । ଷ୍ଟାଡିୟମ ପୂର୍ବଭଳି କୋଳାହଳମୟ ମଧ୍ୟ ଦେଖିବାକୁ ମିଳିଛି । ଏହି ଅମୃତ ମୁହୂର୍ତ୍ତରେ ସାରା ଏସିଆର ଅତିଥିମାନଙ୍କୁ ସ୍ୱାଗତ କରିବାକୁ ହାଙ୍ଗଝୌ ବି ପ୍ରସ୍ତୁତ ହୋଇ ସାରିଛି । 

ଉଦଘାଟନୀ ଉତ୍ସବରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ସହିତ ଆଲୋକମାଳାରେ  ଝଲସି ଉଠିବ ହାଙ୍ଗଝୌ । ଆୟୋଜକ ଚୀନ୍ ରାଷ୍ଟ୍ରପତି ଜି ଜିନପିଙ୍ଗ୍‌ କ୍ରୀଡ଼ାର ଶୁଭ ଉଦ୍‌ଘାଟନ କରିବେ । ତେବେ  ଏଥର କ୍ରୀଡ଼ାରୁ ଆତସବାଜି କାର୍ଯ୍ୟକ୍ରମକୁ ବାଦ୍ ଦିଆଯାଇଛି । ଏସିଆନ୍ ଗେମ୍ସ ଶନିବାରଠୁ ଆରମ୍ଭ ହୋଇ ଅକ୍ଟୋବର ୮ ତାରିଖ ପର୍ଯ୍ୟନ୍ତ ଚାଲିବ ।  

wp:embed {"url":"https://www.prameyanews7.com/india-have-become-the-no-1-ranked-team-across-all-formats/","type":"wp-embed","providerNameSlug":"prameya-news-7"}

https://www.prameyanews7.com/india-have-become-the-no-1-ranked-team-across-all-formats/

/wp:embed

ହାଙ୍ଗଝୌ କ୍ରୀଡ଼ାରେ ଏସିଆର ୪୫ଟି ଦେଶରୁ ୧୨ ହଜାରରୁ ଊଦ୍ଧ୍ୱର୍ କ୍ରୀଡ଼ାବିତ ସାମିଲ  ହୋଇଛନ୍ତି । ୪୦ଟି କ୍ରୀଡ଼ା ୬୧ଟି ଶୃଙ୍ଖଳା ଏବଂ ୪୮୧ଟି ଇଭେଣ୍ଟରେ ପ୍ରତିଯୋଗିତା ହେବ ।  ଏଥିପାଇଁ ହାଙ୍ଗଝୌ ସ୍ପୋର୍ଟ୍ସ ପାର୍କ ସମେତ ମୋଟ୍ ୪୪ଟି ଷ୍ଟାଡିୟମ ପ୍ରସ୍ତୁତ ହୋଇ ରହିଛି ।  ସେଥିମଧ୍ୟରୁ ୧୪ଟି ନୂଆ କରି ନିର୍ମାଣ କରିଛି । ୩୦ଟି ଷ୍ଟାଡିୟମ ହାଙ୍ଗଝୌ ପ୍ରଦେଶର ବିଭିନ୍ନ  ଜିଲ୍ଲାରେ ରହିଥିବାବେଳେ ଅବଶିଷ୍ଟ ୧୪ଟି ପଡୋଶୀ ପ୍ରଦେଶମାନଙ୍କରେ ନିର୍ମାଣ ହୋଇଛି ।  

wp:embed {"url":"https://www.prameyanews7.com/prize-money-for-icc-mens-cricket-world-cup-2023/","type":"wp-embed","providerNameSlug":"prameya-news-7"}

https://www.prameyanews7.com/prize-money-for-icc-mens-cricket-world-cup-2023/

/wp:embed

ଭାରତ ପୂର୍ବାପେକ୍ଷା ଏଥର ଏକ ବଡ଼ ଦଳ ହାଙ୍ଗଝୌ ପଠାଇଛି । ଏହି ଦଳରେ  ୬୫୫ ଜଣ କ୍ରୀଡ଼ାବିତ ସାମିଲ ରହିଛନ୍ତି । ଯେଉଁଥିରେ ୩୨୫ ଜଣ ମହିଳା  କ୍ରୀଡ଼ାବିତ ଅଛନ୍ତି । କ୍ରିକେଟ୍‌ରେ ଉଭୟ ପୁରୁଷ ମହିଳା ଦଳ ପ୍ରଥମ କରି  ସାମିଲ ହୋଇଛନ୍ତି । ସେମିତି ଦୀଘ ୯ ବର୍ଷ ପରେ ଫୁଟବଲ ଦଳ  ଭାଗ ନେଇଛି । ଭାରତୀୟ ଦଳ ୩୫ଟି କ୍ରୀଡ଼ାରେ ଭାଗ ନେବ ।  

ଉଦ୍‌ଘାଟନୀ ଉତ୍ସବରେ ଭାରତୀୟ ଦଳର ନେତୃତ୍ୱ ନେଇ ତ୍ରିରଙ୍ଗା ପତାକା ଧାରଣ କରିବେ ଦୁଇ ଅଲିମ୍ପିକ୍ସ ପଦକ ବିଜେତା ହର୍ମନପ୍ରୀତ ସିଂ ଓ ଲଭଲିନା ବୋର୍ଗାହାଁ । ପ୍ରଥମ ଥର ଜଣେ ପୁରୁଷ ଓ ଜଣେ ମହିଳା  କ୍ରୀଡ଼ାବିତଙ୍କୁ ଏହି ଅଧିକାର ଦିଆଯାଇଛି । ଗତ ଥର ଏକାକୀ ନୀରଜ ଚୋପ୍ରା ତ୍ରିରଙ୍ଗା ଧରିଥିଲେ । 

୨୦୧୮ ଏସିଆଡ୍‌ରେ ଭାରତକୁ ୧୬ ସ୍ୱର୍ଣ୍ଣ ସହ ମୋଟ୍‌  ୭୦ଟି ପଦକ ମିଳିଥିଲା । ଏଥର କ୍ରୀଡ଼ାବିତଙ୍କ ସଂଖ୍ୟା ବୃଦ୍ଧି  ପାଇଥିବାରୁ ପଦକ ସଂଖ୍ୟା ୧୦୦ ଅତିକ୍ରମ କରିବ ବୋଲି  କେନ୍ଦ୍ର କ୍ରୀଡ଼ାମନ୍ତ୍ରଣାଳୟ ଆଶା ରଖିଛି । ଶେଷ ମୁହୂର୍ତ୍ତରେ  ଭାରତୀୟ ଦଳରେ ସାମିଲ ହୋଇଛନ୍ତି ଓଡ଼ିଶାର ସାଇକ୍ଲିଷ୍ଟ  ଦିନେଶ କୁମାର । ଦିନେଶଙ୍କୁ ମିଶାଇ ମୋଟ୍‌ ୧୪ ଜଣ ଓଡ଼ିଆ  ଭାରତୀୟ ଦଳରେ ସାମିଲ ହୋଇ ହାଙ୍ଗଝୌ ଯାତ୍ରା କରିଛନ୍ତି ।